مولانا خان زیب سپرد خاک، نماز جنازہ میں ہزاروں افراد شریک
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">
باجوڑ/ پشاور(صباح نیوز+ اے پی پی) باجوڑ میں گزشتہ روز قتل ہونے والے اے این پی کے رہنما مولانا خان زیب کی نماز جنازہ ادا کردی گئی، جس میں ہزاروں افراد نے شرکت کی، مولانا خان زیب کو آبائی علاقہ ناوگئی میں سپردخاک کردیا گیا۔ عوامی نیشنل پارٹی نے مولانا خان زیب کے قتل کی مذمت کرتے ہوئے 3 روزہ سوگ کا اعلان کیا ہے۔ نماز جناز ہ میں اے این پی کے صوبائی صدر میاں افتخار حسین، سردار حسین بابک، باجوڑ کے اراکین اسمبلی نثار باز ، ڈاکٹر حمید ، انور زیب خان ، مختلف اضلاع سے قبائلی و سیاسی مشران ، کارکنان اور ہزاروں کی تعداد میں عوام نے شرکت کی۔ اس سے قبل شہید ہونے والے پولیس اہلکار شیرزادہ کی نماز جنازہ میں بھی ہزاروں افراد نے شرکت کی۔ دوسری جانب عوامی نیشنل پارٹی خیبرپختونخوا کے ترجمان کے مطابق صوبائی صدر میاں افتخار حسین نے اعلان کیا کہ عوامی نیشنل پارٹی خیبرپختونخوا تین روزہ سوگ منائے گی، تمام سرگرمیاں معطل رہیں گی۔ اپنے بیان میں انہوں نے کہا کہ مولانا خان زیب اور ان کے ساتھیوں پر بزدلانہ قاتلانہ حملے کی شدید مذمت کرتے ہوئے کہا ہے کہ یہ حملہ صرف عوامی نیشنل پارٹی پر نہیں بلکہ پختون شعور، امن اور مزاحمتی سیاست پر حملہ ہے۔ مولانا خانزیب جیسے بہادر، نظریاتی، اور پرامن عالم دین کا یوں سر عام قتل اس بات کا واضح ثبوت ہے کہ دہشتگردوں کو ایک بار پھر کھلی چھوٹ مل گئی ہے۔
.ذریعہ: Jasarat News
کلیدی لفظ: عوامی نیشنل پارٹی مولانا خان زیب
پڑھیں:
مشہد مقدس، شیعہ علماء کونسل کے مرکزی ایڈیشنل سیکرٹری جنرل علامہ ناظر تقوی کا ایم ڈبلیو ایم کے دفتر کا دورہ
مولانا ناظر حسین تقوی نے کہا کہ ہمیں اپنے مشترکہ اہداف کے لئے باہم اکٹھا چلنے کی ضرورت ہے تاکہ پاکستان میں شیعہ کاز کو آگے بڑھانے، خصوصا امام زمانہ (عج)کے عالمی انقلاب کے لئے زمینہ ہموار کرنے کے لئے اپنی توانائیوں کو بروئے کار لا سکیں۔ اسلام ٹائمز۔ شیعہ علماء کونسل پاکستان کے مرکزی ایڈیشنل سیکرٹری جنرل علامہ سید ناظر حسین تقوی جو ان دنوں ایران کے دورے پر ہیں اُنہوں نے مشہد مقدس میں واقع دفتر مجلس وحدت مسلمین کا اپنے وفد کے ہمراہ دورہ کیا۔ مجلس وحدت مسلمین مشہد مقدس کے مسئول حجة الاسلام والمسلمین عقیل حسین خان نے مہمانوں کا استقبال کیا اور اُنہیں خوش آمدید کہا۔ مہمان وفد میں دفتر قائد ملت جعفریہ علامہ سید ساجد علی نقوی کے مسئول حجة الاسلام مولانا سید نجم الحسن جعفری، سینئر راہنما حجة الاسلام مولانا ڈاکٹر عقیل حیدر زیدی اور سابقہ مسوول حجة الاسلام مولانا سید موسی رضا نقوی بھی شامل تھے۔ پاکستان کی دونوں شیعہ ملی تنظیموں کے اہنماوں کے درمیان نہایت محبت آمیز صمیمی نشست میں مشترکات پر دوطرفہ تعاون کو آگے بڑھانے پر زور دیا گیا۔ مولانا ناظر حسین تقوی نے کہا کہ ہمیں اپنے مشترکہ اہداف کے لئے باہم اکٹھا چلنے کی ضرورت ہے تاکہ پاکستان میں شیعہ کاز کو آگے بڑھانے، خصوصا امام زمانہ (عج)کے عالمی انقلاب کے لئے زمینہ ہموار کرنے کے لئے اپنی توانائیوں کو بروئے کار لا سکیں۔ مولانا ناظر عباس تقوی نے قائد ملت جعفریہ آیت اللہ السید ساجد علی نقوی اور ناصر ملت سینیٹر علامہ راجہ ناصر عباس جعفری کی توفیقات میں اضافہ کی دعا کروائی۔
کراچی میں کیمیکل ملے دودھ کی فروخت کا انکشاف، 27 دکانیں سیل