پنجاب کالونی میں بجلی و پانی کی بندش پر شدید احتجاج، سڑکیں بلاک، ٹریفک جام
اشاعت کی تاریخ: 12th, July 2025 GMT
کراچی کی پنجاب کالونی میں بجلی اور پانی کی طویل بندش سے تنگ آکر علاقہ مکینوں نے شدید احتجاج کیا اور دو اہم سڑکوں کو بلاک کر دیا مظاہرے کے باعث قیوم آباد پل سے لے کر ڈیفنس موڑ تک گاڑیوں کی لمبی قطاریں لگ گئیں جبکہ کورنگی سے صدر جانے والا روٹ مکمل طور پر جام ہو گیا ڈیفنس موڑ سے پنجاب چورنگی جانے والی سڑک بھی بند کر دی گئی جس کے باعث دفاتر اور دیگر مقامات پر جانے والے شہری شدید پریشانی میں مبتلا ہو گئے مظاہرین کا کہنا ہے کہ دادا بائی بلڈنگ کے 80 فلیٹس میں جمعہ کی صبح 11 بجے سے بجلی بند ہے اور بارہا شکایات کے باوجود کے الیکٹرک نے کوئی اقدام نہیں کیا احتجاج کرنے والے افراد نے بتایا کہ جمعہ کے روز کے الیکٹرک کی ٹیم نے پنجاب کالونی اور پی این ٹی کالونی میں کنڈا مافیا کے خلاف کارروائی کی تھی اس دوران جھگڑے کے بعد دادا بائی بلڈنگ کی بجلی بھی کاٹ دی گئی مکینوں کے مطابق کے الیکٹرک انتظامیہ کا مؤقف ہے کہ جب تک جھگڑے میں ملوث افراد معافی نہیں مانگتے بجلی بحال نہیں کی جائے گی مکینوں نے مؤقف اپنایا کہ چند افراد کی حرکت کی سزا پوری عمارت کو دی جارہی ہے جو سراسر ناانصافی ہے احتجاج کے باعث ٹریفک کا نظام درہم برہم ہو گیا اور ہیوی ٹریفک سمیت گاڑیوں کی طویل قطاریں لگ گئیں ٹریفک پولیس کے مطابق گذری انڈر پاس سے متبادل راستہ فراہم کیا گیا جبکہ کورنگی سے آنے والی گاڑیوں کو خیابان جامی کی طرف موڑ دیا گیا تاکہ ٹریفک کا دباؤ کم کیا جا سکے
.ذریعہ: Nawaiwaqt
پڑھیں:
لاہور میں اوورلوڈنگ کے خلاف کریک ڈاؤن، اسکول وینز اور رکشوں پر سخت کارروائی کا حکم
وزیراعلیٰ پنجاب کے حکم پر سٹی ٹریفک پولیس لاہور کی جانب سے شہر بھر میں اوورلوڈنگ کے خلاف بھرپور کریک ڈاؤن جاری ہے۔
اس ضمن میں چیف ٹریفک پولیس آفیسر یعنی سی ٹی او لاہور ڈاکٹر اطہر وحید نے تمام ایس پیز اور ڈی ایس پیز کو سخت کارروائی کی ہدایت دیتے ہوئے واضح کیا ہے کہ اسکول وینز اور رکشوں میں بچوں کی مقررہ تعداد سے زائد سواریاں برداشت نہیں کی جائیں گی۔
یہ بھی پڑھیں: پنجاب حکومت نے لاہور میں ٹریفک رسپانس یونٹ بائیک لانچ کر دیا
سی ٹی او لاہور نے کہا کہ معصوم بچوں کی زندگیاں اوورلوڈنگ کی بھینٹ نہیں چڑھنے دیں گے، خلاف ورزی کرنے والے ڈرائیوروں کے خلاف فوری کارروائی کی جائے گی۔
A strict crackdown has been launched against rickshaws and vans involved in overloading, particularly those transporting school children in unsafe conditions, such as seating them on extended or makeshift seats.
Action will not be limited to drivers alone, vehicles involved in… pic.twitter.com/1LsVwK3lFY
— Maryam Nawaz Sharif (@MaryamNSharif) September 14, 2025
ان کا مزید کہنا تھا کہ ٹریفک پولیس کا ایجوکیشن ونگ مختلف تعلیمی اداروں کے باہر وین ڈرائیورز کو باقاعدہ ہدایات جاری کر رہا ہے تاکہ حادثات سے بچاؤ ممکن ہو۔
ٹریفک پولیس کی جانب سے اسکولوں کے حاضری اور چھٹی کے اوقات میں اضافی نفری بھی تعینات کر دی گئی ہے تاکہ ٹریفک کے بہاؤ میں رکاوٹ نہ آئے۔
سی ٹی او لاہور نے واضح کیا کہ گاڑیوں کی چھتوں اور پائیدانوں پر کھڑے ہو کر سفر کرنے کی اجازت نہیں دی جا سکتی، ایسی گاڑیوں کے خلاف فوری ایکشن لیا جائے گا۔
مزید پڑھیں: لاہور پولیس کا شہریوں کو ٹریفک قوانین کی خلاف ورزی پر انتباہ جاری
اسی طرح سامان کی اوورلوڈنگ کے باعث حادثات کے خدشے کے پیش نظر ہدایت کی گئی ہے کہ مقررہ حد سے زیادہ سامان لے جانے والی گاڑیوں کے ڈرائیورز کے خلاف ایف آئی آر درج کی جائے۔
ڈاکٹر اطہر وحید نے کہا کہ محض چالان کرنا ہی ہر مسئلے کا حل نہیں بلکہ شہریوں کو یہ سمجھنا ہوگا کہ قانون کی پاسداری ہی ان کی اور دوسروں کی جان کی حفاظت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوورلوڈنگ ڈاکٹر اطہر وحید سٹی ٹریفک پولیس لاہور سی ٹی او وزیراعلٰی پنجاب
عمران خان کی 7 مقدمات میں درخواست ضمانت پر سماعت 13 ستمبر تک ملتوی