اداکارہ طوبیٰ انور کا انکشاف: شوبز اداکاراؤں کی ذہنی صحت کیلئے واٹس ایپ گروپ تشکیل
اشاعت کی تاریخ: 12th, July 2025 GMT
اداکارہ طوبیٰ انور نے ایک انٹرویو کے دوران انکشاف کیا ہے کہ شوبز انڈسٹری سے تعلق رکھنے والی چند اداکاراؤں نے ذہنی صحت اور باہمی رابطے کے فروغ کے لیے ایک واٹس ایپ گروپ تشکیل دیا ہے۔ ان کے مطابق اس گروپ کا مقصد ایک دوسرے کی خیریت دریافت کرنا، ذہنی کیفیت سے باخبر رہنا اور مشکل وقت میں جذباتی سہارا فراہم کرنا ہے۔ طوبیٰ انور نے بتایا کہ اس اقدام کی بنیادی وجہ اداکارہ حمیرہ علی کی افسوسناک موت ہے، جو مبینہ طور پر شدید تنہائی کا شکار تھیں۔ ان کا کہنا تھا کہ حمیرہ کی موت نے انڈسٹری کو جھنجھوڑ کر رکھ دیا ہے اور ذہنی صحت کے مسائل پر کھل کر بات کرنے کی ضرورت کو نمایاں کیا ہے۔ انہوں نے کہا کہ اس گروپ میں وہ تمام اداکارائیں شامل کی جا رہی ہیں جو اپنے آبائی علاقوں سے دور، کام کے سلسلے میں مختلف شہروں میں رہائش پذیر ہیں۔ طوبیٰ انور کے مطابق بہت سی ایسی فنکارائیں ہیں جو شوٹنگ کے دوران تنہا رہتی ہیں اور کسی سے دل کی بات شیئر کرنے کا موقع نہیں ملتا، اس لیے گروپ کے ذریعے ایک دوسرے کو سننے، سمجھنے اور حوصلہ دینے کی کوشش کی جائے گی۔ اداکارہ نے یہ بھی بتایا کہ اس گروپ میں نہ صرف خیالات کا تبادلہ کیا جائے گا بلکہ ایک دوسرے کو سپورٹ کرنے اور ذہنی مسائل سے نمٹنے میں مدد دینے پر بھی زور دیا جائے گا۔ ان کے بقول، "یہ قدم دیر سے سہی لیکن بہت ضروری تھا کیونکہ حمیرہ علی جیسے واقعات اس بات کا ثبوت ہیں کہ شوبز کی چمک دمک کے پیچھے ایک خاموش جدوجہد جاری ہوتی ہے جس کا سامنا اکثر فنکار تنہا کرتے ہیں۔" واضح رہے کہ شوبز انڈسٹری میں دباؤ، مسابقت، تنہائی اور ذہنی تھکن جیسے مسائل عام ہیں، اور ماہرین اس بات پر زور دیتے آئے ہیں کہ ان مسائل سے نمٹنے کے لیے باہمی تعاون، کھلے مکالمے اور جذباتی سپورٹ سسٹمز کی اشد ضرورت ہے۔ اداکاراؤں کی یہ پہل اس سمت میں ایک مثبت قدم قرار دی جا رہا ہے۔
.
ذریعہ
ذریعہ: Nawaiwaqt
پڑھیں:
پاکستانیوں کیلئے سری لنکا نے ویزا فیس ختم کر دی
اسلام آباد(نیوز ڈیسک)سری لنکا نے پاکستانی شہریوں کیلئے اہم سہولت کا اعلان کرتے ہوئے ویزا فیس مکمل طور پر ختم کرنے کا اعلان کردیا۔
سری لنکا کے قونصل جنرل سنجیوا پٹیوالا نے میڈیا سے گفتگو کرتے ہوئے بتایا کہ سری لنکن حکومت نے پاکستانیوں کیلئے ویزا فیس ختم کر دی، اور آن لائن ویزا درخواستوں پر عموماً 48 گھنٹوں کے اندر فیصلہ کر لیا جاتا ہے۔
انہوں نے بتایا کہ سال 2026 کے دوران تقریباً 30 ہزار پاکستانی سیاحوں کی سری لنکا آمد متوقع ہے، جبکہ گزشتہ برس یہ تعداد 20 ہزار کے قریب تھی۔
ان کا کہنا تھا کہ ویزا فیس کے خاتمے کے بعد نہ صرف سیاحتی سرگرمیوں میں اضافہ ہوا ہے بلکہ پاکستانی جوڑے بھی اپنی شادی کی تقریبات کیلئے سری لنکا کا رخ کر رہے ہیں، جس سے دونوں ممالک کے درمیان عوامی روابط مزید مضبوط ہو رہے ہیں
قونصل جنرل نے تعلیمی تعاون پر روشنی ڈالتے ہوئے کہا کہ پاکستان نے 100 سری لنکن طلبہ کو علامہ اقبال اوپن یونیورسٹی میں اسکالرشپس فراہم کی ہیں، جو دونوں ممالک کے درمیان تعلیمی تعلقات کے فروغ کی ایک اہم مثال ہے۔
انہوں نے مزید کہا کہ اگرچہ پاکستان اور سری لنکا کے درمیان 2005 میں آزاد تجارتی معاہدہ (فری ٹریڈ ایگریمنٹ) طے پایا تھا، تاہم اب بھی بعض تجارتی رکاوٹیں موجود ہیں جنہیں دور کرنے کی ضرورت ہے تاکہ دوطرفہ تجارت کے حجم میں مزید اضافہ کیا جا سکے۔
سنجیوا پٹیوالا کا کہنا تھا کہ پاکستان اور سری لنکا کے درمیان دفاعی تعلقات بھی انتہائی اہمیت کے حامل ہیں اور دونوں ممالک مختلف شعبوں میں تعاون کو مزید وسعت دینے کے خواہاں ہیں۔ معاشی ماہرین کا کہنا ہے کہ ویزا فیس کے خاتمے سے سیاحت، تجارت اور ثقافتی روابط کو نئی تقویت ملنے کا امکان ہے، جس سے دونوں دوست ممالک کے تعلقات مزید مستحکم ہوں گے۔
مزید پڑھیں۔’حکومت مان گئی‘ پٹرول ڈیلرز نے 15 روز کے لیے ملک گیر ہڑتال کی کال واپس لے لی
بھارت سے جنگ اور افغانستان میں کارروائی خارج ازامکان نہیں، وزیردفاع