ایرانی میزائل حملے میں امریکی ایئربیس نشانہ بنا، پینٹاگون نے اعتراف کرلیا
اشاعت کی تاریخ: 12th, July 2025 GMT
پینٹاگون نے تصدیق کی ہے کہ ایران کی جانب سے کیا گیا بیلسٹک میزائل حملہ قطر کے دارالحکومت دوحہ کے قریب واقع ’العدید ایئر بیس‘ پر ہوا، جہاں امریکی فوج کا مرکزی کمانڈ ہیڈکوارٹر قائم ہے۔
پینٹاگون کے ترجمان ’شان پارنیل‘ کے مطابق حملے سے بیس پر موجود آلات اور تنصیبات کو معمولی نقصان پہنچا، تاہم کوئی جانی نقصان نہیں ہوا۔
یہ بھی پڑھیں:ایران کا ’اہم امریکی مراکز ‘ تک رسائی کا دعویٰ، خامنہ ای کی امریکی اڈوں کو دوبارہ نشانہ بنانے کی دھمکی
تاہم بین الاقوامی خبر رساں ادارے نے سیٹلائٹ تصاویر کا تجزیہ کرتے ہوئے انکشاف کیا کہ حملے میں ایک ’جیویڈیسک ڈوم‘ کو نشانہ بنایا گیا جو امریکی افواج کے محفوظ مواصلاتی نظام کے لیے استعمال ہوتا تھا۔
یہ حملہ 23 جون کو اس وقت کیا گیا جب امریکا نے ایران کے 3 نیوکلیئر مقامات پر فضائی حملے کیے تھے۔ اس کے بعد ایران نے العدید بیس کو نشانہ بنا کر جوابی کارروائی کی۔
حملے کے فوراً بعد امریکی صدر ڈونلڈ ٹرمپ کی ثالثی میں جنگ بندی عمل میں آئی اور 12 روزہ ایران-اسرائیل جنگ کا اختتام ہوا۔
پینٹاگون کے مطابق حملے سے قبل امریکی طیارے بیس سے منتقل کر دیے گئے تھے، جس سے بڑے نقصان سے بچا گیا۔ ترجمان شان پارنیل نے کہا کہ العدید ایئر بیس مکمل طور پر فعال ہے اور ہمارے قطری شراکت داروں کے ساتھ علاقائی سلامتی اور استحکام کے لیے اپنے مشن پر قائم ہے۔
تصاویر میں واضح ہے کہ حملے کے بعد ڈوم کو ہٹا دیا گیا ہے اور ایک قریبی عمارت کو بھی جزوی نقصان پہنچا ہے، جبکہ باقی بیس پر کوئی خاص اثر نہیں پڑا۔
ٹرمپ نے ایرانی حملے کو “کمزور ردعمل” قرار دیتے ہوئے کہا کہ ایران نے 14 میزائل داغے جن میں سے 13 کو تباہ کر دیا گیا جبکہ ایک میزائل “غیر خطرناک سمت” میں جانے کے باعث چھوڑ دیا گیا۔
یہ بھی پڑھیں:ایران کی جوہری مذاکرات میں واپسی امریکا کے دوبارہ حملہ نہ کرنے سے مشروط
انہوں نے اپنے بیان میں کہاکہ میں ایران کا شکریہ ادا کرتا ہوں کہ اس نے حملے سے پہلے پیشگی اطلاع دی، جس کے باعث کسی جان کا نقصان نہیں ہوا اور کوئی زخمی نہیں ہوا۔
ایران کے سرکاری بیانات میں العدید بیس پر تباہ کن اور طاقتور حملے کا دعویٰ کیا گیا، تاہم کسی قسم کی تفصیلی نقصان کی رپورٹ سامنے نہیں آئی۔
ایران کے سپریم لیڈر آیت اللہ علی خامنہ ای کے ایک مشیر نے بھی حملے سے بیس کے مواصلاتی نظام میں خلل کی تصدیق کی۔
العدید ایئر بیس پر امریکی فضائیہ کی 379ویں ایئر ایکسپیڈیشنری وِنگ تعینات ہے۔ 2016 میں وہاں ایک جدید ترین سیٹلائٹ کمیونیکیشن ٹرمینل نصب کیا گیا تھا، جسے اس حملے میں نقصان پہنچا۔
واضح رہے کہ یہ بیس نہ صرف امریکا کی خطے میں موجودگی کا مرکز ہے بلکہ مشرق وسطیٰ میں فوجی توازن اور کارروائیوں کے لیے بھی کلیدی حیثیت رکھتا ہے۔ حملے کے باوجود اس بیس کی سرگرمیاں جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
العدید امریکی اڈا ایران پینٹاگون دوحہ قطر.ذریعہ: WE News
کلیدی لفظ: العدید امریکی اڈا ایران پینٹاگون کیا گیا حملے سے کے لیے
پڑھیں:
یوکرین کا روس کی اہم آئل پورٹ پر ڈرون حملہ
data-id="863a0a8" data-element_type="widget" data-widget_type="theme-post-content.default">
251103-01-3
ماسکو(مانیٹرنگ ڈیسک) یوکرین نے روس کی بحیرہ اسود میں مرکزی بندرگار تاؤپسے پر ڈرون حملہ کیا، جس کے نتیجے میں آئل ٹرمینل اور دو غیرملکی جہازون کو نقصان پہنچا۔غیرملکی خبرایجنسی کی رپورٹ کے مطابق روسی حکام نے بتایا کہ تاؤپسے میں ہونے والے حملے میں دو غیرملکی جہازوں کو نقصان پہنچا ہے جہاں بحیرہ اسود میں روس کے بڑے آئل ٹرمینلز میں سے ایک ہے اور حملے میں اس ٹرمینل پر آگ بھڑک اٹھی۔روس کے کراسنڈور ریجن کے ایمرجنسی آپریشنل ہیڈکوارٹرز سے جاری بیان میں کہا گیا کہ تاؤپسے بندرگاہ پر ڈرون حملہ رات کو ہوا جہاں موجود دو غیرملکی جہاز نشانہ بنے۔بیان میں کہا گیا کہ اس حملے میں کوئی جانی نقصان نہیں ہوا ہے، جہاز کا عملہ سمیت وہاں کام کرنے والے دیگر افراد محفوظ ہیں لیکن بندرگاہ کی عمارت اور ٹرمینل کا انفرااسٹرکچر کو نقصان پہنچا ہے۔رپورٹ میں بتایا گیا کہ روسی اور یوکرینی ٹیلی گرام چینلوں میں مختلف ویڈیوز میں دیکھایا گیا ہے، جس میں ٹرمینل میں تیل کے ٹینکر میں آگ لگی ہوئی ہے۔ادھر یوکوین کی اندرونی سیکیورٹی سروس ایس بی یو کے عہدیدار نے بتایا کہ یوکرین کی فورسز نے تاؤپسے آئل ٹرمینل پر ڈورن حملہ کیا، 5 ڈرونز نے ایک آئل ٹینکر، لوڈنگ انفرا اسٹرکچر اور پورٹ کی عمارت کو نشانہ بنایا۔رپورٹ کے مطابق تاؤپسے بحیرہ اسود میں آئل ٹرمینل اور روزنیفٹ آئل ریفائنری کا مرکز ہے، جس کو یوکرین نے رواں برس کئی مرتبہ ڈرون سے نشانہ بنایا ہے۔
راولپنڈی کے کن روٹس پر الیکٹرک بس سروس کا آغاز کیا جا رہا ہے؟