کھاریاں، 16جواریے رنگے ہاتھوں گرفتار
اشاعت کی تاریخ: 12th, July 2025 GMT
کھاریاں(اُردو پوائنٹ اخبارتازہ ترین - این این آئی۔ 12 جولائی2025ء)تھانہ صدر پولیس نے 16جواریے رنگے ہاتھوں گرفتارکرلئے ۔ تفصیلات کے مطابق ڈی ایس پی سرکل ذوالفقار علی بھٹہ کی زیر نگرانی تھانہ پولیس کا جواریوں کیخلاف کریک ڈان جاری ہے۔
(جاری ہے)
تھانہ صدر پولیس کو انٹیلیجنس کی بنیاد پر خفیہ اطلاع موصول ہوئی کہ نواحی علاقے کلیوال میں بدنام زمانہ جواری ابرار شاہ کے ڈیرہ پر کافی تعداد میں لوگ موجود ہیں اور شرط لگا کر جوا کھیلنے میں مصروف ہیں، جس پر ڈی ایس پی لالہ موسی سرکل ذوالفقار علی بھٹہ کی زیر نگرانی ایس ایچ او تھانہ صدر لالہ موسی انسپکٹر مجاہد عباس اور دیگر پولیس افسران و ملازمان پر مشتمل پولیس کی ٹیمیں تشکیل دے کر بروقت کارروائی کرتے ہوئے بہترین حکمت عملی سے فوری ریڈ کرکی16جواریوں کو رنگے ہاتھوں گرفتارکرلیااور جوا پر لگی ہوئی بھاری رقم 3لاکھ 20ہزار روپے برآمد کرلی۔
گرفتار ملزمان میں نعیم اسلم ،سرفراز،ذیشان شریف،رمضان،ذاکر،عبدالجبار،زین حسن،طارق محمود،امتیاز احمد،محمد یاسر،عبدالستار،محمد فاروق،ابرار حسین،غلام عباس،محمد علی،ناصر محمود شامل ہیں ،جرائم پیشہ عناصر کیخلاف کسی قسم کی رعایت نہیں برتی جائے گی اور قانون کے مطابق قرار واقعی سزا دلوائی جائے گی۔.ذریعہ: UrduPoint
کلیدی لفظ: تلاش کیجئے
پڑھیں:
کیماڑی تھانہ جیکسن، ایس ایچ او گٹکا ماوا کنگ کے سامنے بے بس نکلا
کاشف کچھی جس پر گٹکے و ماوے کے متعدد ایف آئی آرز درج ہیں پھر بھی کھلے عام کام جاری ہے
جیسکن تھانے کی حدود میں ایک سے تین ہزار دوکانوں میں کاشف کچھی کا گٹکا و ماوا سپلائی اور فروخت
(رپورٹ؍ ایم جے کے)ضلع کیماڑی تھانہ جیکسن ایس ایچ او گٹکا و ماوا کنگ کے سامنے بے بس، کاشف کچھی جس پر گٹکے و ماوے کے متعدد ایف آئی آرز درج ہیں پھر بھی کھلے عام کام جاری ہے، جیکسن تھانے کی حدود میں ایک سے تین ہزار دوکانوں میں کاشف کچھی کا گٹکا و ماوا سپلائی اور فروخت۔ علاقہ ذرائع کے مطابق ضلع کیماڑی تھانہ جیکسن ایس ایچ او ایاز خان گٹکا و ماوا کنگ کاشف کچھی کے سامنے بے بس، گٹکا و ماوا ڈیلر کاشف کچھی جس پر گٹکے و ماوے کے متعدد ایف آئی آرز درج ہوچکی ہیں پر اس کے باوجود آج بھی پولیس کے علم میں ہونے کے باوجود جیکسن مارکیٹ سے لیکر گلشن سکندر آباد تک ہزاروں دوکانوں میں اپنا گٹکا و ماوا اپنے کارندوں کے ذریعے سپلائی اور فروخت کررہا ہے، روزانہ ایک اندازے کے مطابق جیسکن تھانے کی حدود میں ایک سے تین ہزار دوکانوں میں اپنا گٹکا و ماوا سپلائی کررہا ہے بلاخوف اور کوئی پوچھنے والا نہیں، کاشف کچھی کا ایک خاص کارندہ جو ذرائع بتاتے ہیں جو کاشف کچھی کا پورا کام سنبھالتا ہے وسیم جدون نامی شخص ہے جس پر بھی کء ایف آئی آر درج ہوچکی ہیں، یہ مافیا اپنا کام کھلے عام پورے علاقے میں عرصہ دراز سے جاری رکھے ہوئے ہیں، دوسری جانب اگر بات کریں ان مافیا کے خلاف پولیس کی کاروائی کی تو وہ نمائشی کاروائیوں کے علاوہ کچھ بھی نظر نہیں آتی، ہر کچھ دن بعد جیکسن پولیس گٹکا و ڈیلر کاشف کچھی کے خلاف ایک چھوٹی سی کاروائی کرتی ہے اور دفعات اتنے کمزور کہ اگلے دن ہی بندہ باہر ہوتا ہے اور یہ کاروائی صرف اس لیے کی جاتی ہے تاکہ ہفتہ وار، ماہانہ وار رقم(رشوت) میں اضافہ کیا جاسکے، ذرائع بتاتے ہیں کہ پورے تھانہ جیکسن کی حدود میں کوئی بھی باہر علاقے کا شخص چکر لگائے اور دوکانوں اور کیبنوں پر نظر رکھیں وہ حیرت زدہ ہوگا کیونکہ تقریبا تمام دوکانوں اور کیبنوں میں کاشف کچھی کا گٹکا و ماوا فروخت ہورہا ہے، دوسری طرف ضلع کیماڑی ایس ایس پی یا تو ان تمام معاملات سے لاعلم ہے یا پھر مستفید، گٹکا و ماوا ڈیلر کاشف کچھی اور وسیم جدون سے ضلع کیماڑی ایس ایس پی اور جیکسن تھانہ ایس ایچ او اپنی ایک آنکھ بند کرچکے ہیں، صرف وہی آنکھ کھولے ہوئے ہیں جس آنکھ سے ایس ایس پی کو گٹکا و ماوا ڈیلر کاشف کچھی اور وسیم جدون نظر نہیں آتے، یہی وجہ ہے کہ کاشف کچھی اور وسیم جدون بغیر کسی ڈر کے پورے علاقے میں اپنا گندا اور غلیظ کاروبار جاری رکھے ہوئے ہیں اور کیماڑی جیکسن کے نوجوانوں، بچوں میں بیماریاں پھیلانے میں مصروف عمل ہیں۔
آئی بی ایم طلبا کے احتجاج پر بےدخل طالبہ بحال، یونیورسٹی تاحال بند