پاکستان کی پہلی باقاعدہ رائٹ مینجمنٹ پولیس فورس قائم کر دی گئی
اشاعت کی تاریخ: 13th, July 2025 GMT
رائٹ مینجمنٹ پولیس نجی اور سرکاری املاک پر پلاننگ کرکے حملہ کرنیوالے مظاہرین کو کنٹرول کر سکے گی۔ عوام میں خوف و ہراس پیدا کرنے کیلئے جتھوں کی صورت میں حملہ کرنیوالوں کو پروفیشنل طریقے سے رائٹ مینجمنٹ پولیس ہینڈل کرے گی۔ مشتعل مظاہرین کے حملوں سے نہ صرف املاک کو نقصان پہنچایا جاتا ہے بلکہ عالمی سطح پر پاکستان کا امیج بھی متاثر ہوتا ہے۔ اسلام ٹائمز۔ پنجاب میں عوام کے جان ومال اور سرکاری املاک کے تحفظ کیلئے پاکستان کی پہلی باقاعدہ رائٹ مینجمنٹ پولیس فورس قائم کر دی گئی ہے۔ وزیراعلیٰ کی ہدایت پر قائم رائٹ مینجمنٹ پولیس کی ٹریننگ سنٹر فاروق آباد میں خصوصی ٹریننگ مکمل ہوگئی۔ پنجاب کی پہلی رائٹ مینجمنٹ پولیس ابتدائی طور پر 5ہزار اہلکاروں پر مشتمل ہوگی۔ پہلے بیج میں شامل 3 ہزار رائٹ مینجمنٹ پولیس اہلکاروں کی ٹریننگ مکمل ہونے پر پولیس ٹریننگ سنٹر فاروق آباد میں پاؤسنگ آؤٹ تقریب منعقد ہوئی۔ ٹریننگ مکمل کرنیوالے جوانوں نے مشتعل مظاہرین کو کنٹرول کرنے کیلئے مشقوں کا شاندار مظاہرہ کیا۔ رائٹ مینجمنٹ پولیس کے 3 ہزار جوانوں کی ریجنل ہیڈ کوارٹر زمیں تعیناتی ہو گی، ہر ریجن میں 250 اہلکار متعین ہوں گے۔ رائٹ مینجمنٹ پولیس کو مختلف اقسام کے ہجوم کو کنٹرول کرنے کی خصوصی تربیت دی گئی ہے۔ رائٹ مینجمنٹ پولیس ہجوم کو املاک کو نقصان سے بچانے کیلئے انگیج بھی کرے گی۔
رائٹ مینجمنٹ پولیس نجی اور سرکاری املاک پر پلاننگ کرکے حملہ کرنیوالے مظاہرین کو کنٹرول کر سکے گی۔ عوام میں خوف و ہراس پیدا کرنے کیلئے جتھوں کی صورت میں حملہ کرنیوالوں کو پروفیشنل طریقے سے رائٹ مینجمنٹ پولیس ہینڈل کرے گی۔ مشتعل مظاہرین کے حملوں سے نہ صرف املاک کو نقصان پہنچایا جاتا ہے بلکہ عالمی سطح پر پاکستان کا امیج بھی متاثر ہوتا ہے۔وزیر اعلیٰ مریم نواز کی زیرصدارت اجلاس میں صوبائی کابینہ نے رائٹ مینجمنٹ پولیس فورس قائم کرنے کی منظوری دی تھی۔ رائٹ مینجمنٹ پولیس فورس میں جسمانی طور پر متحرک، مستعد اور چست اہلکاروں کو شامل کیا گیا ہے۔ رائٹ مینجمنٹ پولیس فورس کے پہلے بیج کو پولیس ماہرین نے 8 ہفتوں کی خصوصی پروفیشنل ٹریننگ دی ہے۔ رائٹ مینجمنٹ پولیس فورس کو امریکہ، ترکی، یورپ اور دیگر ترقی یافتہ ممالک کے ٹریننگ مینول کے مطابق تربیت دی گئی ہے۔ ترکی سے تربیت یافتہ ماہرین نے رائٹ مینجمنٹ پولیس کو خصوصی ٹریننگ دی۔ رائٹ مینجمنٹ پولیس فورس کو مشتعل ہجوم کو کنٹرول کرنے کے خصوصی آلات اور سازوسامان بھی مہیا کر دیا گیا ہے۔
ذریعہ
ذریعہ: Islam Times
کلیدی لفظ: رائٹ مینجمنٹ پولیس فورس کو کنٹرول کر کرنے کی
پڑھیں:
نیٹ فلکس کی پہلی پاکستانی اوریجنل سیریز ’جو بچے ہیں سنگ سمیٹ لو‘ کب ریلیز ہو گی؟
فرحت اشتیاق کے مقبول ناول ’جو بچے ہیں سنگ سمیٹ لو‘ پر مبنی پاکستان کی پہلی نیٹفلکس اوریجنل سیریز کی ریلیز سے متعلق اہم پیش رفت سامنے آگئی ہے۔
’جو بچے ہیں سنگ سمیٹ لو‘ پہلی بار 2009 میں خواتین ڈائجسٹ میں قسط وار شائع ہوا تھا، جس کے بعد 2013 میں اسے کتابی صورت میں بھی شائع کیا گیا۔ تازہ رپورٹس کے مطابق اس پر مبنی نئی سیریز کو 2026 کے اختتام تک نیٹ فلکس پر ریلیز کیا جائے گا۔
اگرچہ اس سے قبل کئی کامیاب پاکستانی ڈرامے ٹی وی پر نشر ہونے کے بعد نیٹ فلکس پر دستیاب کیے جا چکے ہیں، تاہم ’جو بچے ہیں سنگ سمیٹ لو‘ نیٹ فلکس کی پہلی پاکستانی اوریجنل سیریز ہو گی، جسے ہم ٹی وی اور نیٹ فلکس کے اشتراک سے تیار کیا گیا ہے۔
سیریز کی کاسٹ میں ماہرہ خان، فواد خان، بلال اشرف، حمزہ علی عباسی، ہانیہ عامر، اقرا عزیز، صنم سعید، احد رضا میر، نادیہ خان اور دیگر معروف فنکار شامل ہیں، جبکہ اس کی ہدایت کاری اور پروڈکشن مومنہ درید نے کی ہے۔
یہ سیریز ابتدائی طور پر 2025 میں ریلیز ہونا تھی، تاہم مقررہ وقت پر اس کی نمائش نہ ہو سکی۔ اس کے بعد طویل عرصے تک نہ کاسٹ اور نہ ہی پروڈیوسرز کی جانب سے کوئی باضابطہ اپ ڈیٹ سامنے آئی، جس کے باعث یہ قیاس آرائیاں بھی ہونے لگیں کہ شاید منصوبہ ملتوی یا منسوخ کر دیا گیا ہے۔
اب تازہ اطلاعات کے مطابق مومنہ درید اس وقت سیریز کی فائنل ایڈیٹنگ کی نگرانی کر رہی ہیں، جبکہ توقع کی جا رہی ہے کہ آنے والے دنوں میں کاسٹ اس کی تشہیری مہم کا آغاز بھی کرے گی۔
دوسری جانب، کئی سال کی تاخیر کے باعث پاکستانی ناظرین اب بھی ریلیز کی خبروں پر مکمل یقین کرنے کو تیار نہیں۔ سوشل میڈیا پر ایک مداح نے لکھا، ’’جب تک اقساط ریلیز نہیں ہوتیں، میں یقین نہیں کروں گا۔‘‘ ایک اور صارف نے تبصرہ کیا، ’’مجھے اب بھی اس خبر پر اعتماد نہیں۔‘‘
پاکستان نے ورلڈ کپ 2028 کیلیے براہ راست کوالیفائی کر لیا