سہیلی کا شوہر چھین کر شادی کرنے والی اداکارہ کی طلاق کی خبریں
اشاعت کی تاریخ: 26th, July 2025 GMT
ممبئی(شوبز ڈیسک)بالی وڈ میں کئی ایسے فنکاروں نے چائلڈ آرٹسٹ کے طور پر انٹری دی جنہوں نے وقت کے ساتھ اپنی محنت صلاحیت اور چمک سے مرکزی کرداروں تک کا سفر طے کیا۔ انہی میں سے ایک معصوم چہرے والی اداکارہ بھی ہیں، جنہوں نے محض 15 سال کی عمر میں بطور ہیروئن اسکرین پر جلوہ گر ہو کر سب کو چونکا دیا۔ آج وہ اپنے کیریئر سے زیادہ اپنی ذاتی زندگی کے تنازعات اور الجھنوں کے باعث سرخیوں میں ہیں۔
جی ہاں بات ہورہی ہے بالی وڈ اور ساؤتھ انڈین فلم انڈسٹری میں اپنی جاندار اداکاری اور معصوم چہرے سے لاکھوں دلوں کو جیتنے والی اداکارہ ہنسیکا موٹوانی کی جو کام کے ساتھ ساتھ کئی تنازعات کا شکار ہوچکی ہیں، کبھی مبینہ ایم ایم ایس لیک ہونے اور کبھی ہارمونل انجکشن لینے کی وجہ سے ۔ اب ان کی ذاتی زندگی میں اُٹھنے والے طوفان کی خبریں گرش کررہی ہیں۔
ہنسیکا موٹوانی ان فنکاراؤں میں سے ایک ہیں جنہوں نے بچپن سے شہرت کا ذائقہ چکھا اور جوانی میں کیریئر کو پروان چڑھایا۔ چاہے وہ اداکاری کی بلندی ہو یا ذاتی تنازعات کا دباؤ، ہنسیکا نے ہمیشہ خاموشی اور وقار سے اپنے سفر کو آگے بڑھایا۔
ہنسیکا نے محض 12 سال کی عمر میں 2003 میں ریلیز ہونے والی ہٹ بالی وڈ فلم ’کوئی مل گیا‘ (2003) سے اپنے کیریئر کا آغاز کیا، جس میں انہوں نے ریتک روشن کے ساتھ اسکرین شیئر کی۔ اس کے صرف ایک سال بعد وہ امیتابھ بچن کی فلم ’ہم کون ہیں‘ میں بھی نظر آئیں۔
لیکن اصل حیرانی اس وقت ہوئی جب صرف 15 سال کی عمر میں ہنسیکا نے 2007 میں تیلگو فلم ’دیسمودورو‘ میں ہیروئن کے طور پر ڈیبیو کیا۔
ان کی اچانک بڑی عمر کی لڑکی کے روپ میں اسکرین پر واپسی نے سب کو چونکا دیا۔ اس پر سوشل میڈیا پر یہ افواہیں بھی گردش کرنے لگیں کہ ہنسیکا نے ہارمونی انجیکشنز کا سہارا لیا۔ حالانکہ ان افواہوں کی کبھی باقاعدہ تصدیق نہیں ہوئی، اوراداکارہ نے بھی ہمیشہ پیشہ ورانہ انداز میں اپنا سفر جاری رکھا اورخاموشی سے اپنی محنت سے جواب دیا۔
ہنسیکا نے تامل، تیلگو، اور کنڑا فلموں میں متعدد ہٹ فلمیں دیں، جن میں ’میپلائی‘ (دھنش کے ساتھ) اور ’انجیئم کدل‘ (جیام روی کے ساتھ) شامل ہیں۔ انہوں نے اپنی خوبصورتی، ڈانس اسکلز اور چمکدار شخصیت کے باعث جلد ہی ایک کامیاب اداکارہ کا مقام حاصل کر لیا۔
سال 2022 میں ہنسیکا نے بزنس مین سہیل کدوریا سے شادی کر کے سب کو حیران کر دیا۔ شادی جے پور میں ایک شاندار تقریب کے دوران ہوئی۔
یہاں قابل ذکربات یہ ہے کہ سہیل، ہنسیکا کی قریبی دوست رنکی بجاج کے سابق شوہر تھے۔ ان کی شادی ختم ہونے کے بعد، سہیل اور ہنسیکا نے دوستی کو رشتہ داری میں بدل دیا اور شادی کر لی۔
اس وقت یہ شادی سوشل میڈیا پر موضوعِ بحث بنی، خصوصاً جب پرانی تصاویر وائرل ہوئیں جن میں ہنسیکا، رنکی کی شادی میں مہمان تھیں۔ بعد ازاں، ہنسیکا اور سہیل نے وضاحت دی کہ وہ ایک دوسرے کو پہلے سے جانتے تھے اور ان کے درمیان تعلقات وقت کے ساتھ پروان چڑھے۔
حالیہ بھارتی میڈیارپورٹس کے مطابق، ہنسیکا اور سہیل کی ازدواجی زندگی میں تناؤ پیدا ہو گیا ہے۔ ایک رپورٹ میں انکشاف کیا گیا کہ دونوں کے درمیان سب کچھ ٹھیک نہیں چل رہا ہے۔ اداکارہ اپنی والدہ کے ساتھ رہتی ہیں تو سہیل اپنے والدین کے ساتھ رہتے ہیں۔
رپورٹ میں کہا گیا ہے کہ دسمبر 2022 میں شادی کے فوراً بعد وہ سہیل کے والدین کے ساتھ رہنے لگے، لیکن جوائنٹ فیملی میں ایڈجسٹ نہ ہونے کی وجہ سے وہ الگ فلیٹ میں شفٹ ہو گئے۔ بعد ازاں، اداکارہ نے اپنی والدہ کے ساتھ رہنا شروع کر دیا جبکہ سہیل اپنے والدین کے ساتھ ہیں۔
سوشل میڈیا پر قیاس آرائیاں جاری ہیں کہ دونوں کے درمیان اختلافات بڑھتے جا رہے ہیں۔ تاہم، سہیل کدوریا نے ایک مختصر بیان میں تمام خبروں کو بے بنیاد قرار دیا، مگر اس کے بعد مزید کوئی وضاحت نہیں دی۔
Post Views: 4.
ذریعہ
ذریعہ: Daily Mumtaz
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ