گلوبل ہیلتھ فورم میں وزیر صحت مصطفی کمال کا بیماریوں سے بچاؤ اور جدید صحت نظام پر زور
اشاعت کی تاریخ: 26th, July 2025 GMT
اسلام آباد (اُردو پوائنٹ اخبارتازہ ترین - این این آئی۔ 26 جولائی2025ء)وفاقی وزیر صحت مصطفی کمال نے بیجنگ میں گلوبل ہیلتھ فورم میں پاکستان کی نمائندگی کرتے ہوئے صحت عامہ کی بہتری کیلئے بھر پور نقطہ نظر پیش کیا ۔ قومی وزارت صحت کی جانب سے ہفتہ کو یہاں جاری اعلامیہ کے مطابق وزیر صحت مصطفی کمال نے اپنے خطاب اور بین الاقوامی رہنماؤں سے ملاقاتوں کے دوران اس بات پر زوردیا کہ عالمی صحت کی حکمرانی کا محور صرف بیماریوں کے علاج تک محدود نہ رہے بلکہ بیماریوں سے پیشگی بچاؤ اور صحت مند طرزِ زندگی کے فروغ پر مرکوز ہو نا چاہئے۔
انہوں نے کہا کہ عالمی وباؤں، موسمی بیماریوں اور صحت کے ابھرتے ہوئے چیلنجز سے نمٹنے کے لیے شفاف پالیسی سازی، سادہ و قابلِ فہم حکمت عملی اور عوامی اعتماد کو بنیادی ستون بنایا جائے۔(جاری ہے)
انہوں نے خاص طور پر ریگولیٹری اداروں میں عوامی مکالمے، کھلے سوال و جواب اور معلومات تک آزادانہ رسائی کو فروغ دینے کی ضرورت پر روشنی ڈالی تاکہ ایک قابلِ اعتماد، جواب دہ اور جدید صحت کا نظام تشکیل دیا جا سکے۔
اپنے بین الاقوامی ہم منصبوں سے ملاقاتوں کے دوران انہوں نے ڈیجیٹل ہیلتھ، ٹیلی میڈیسن اور مصنوعی ذہانت جیسے جدید ٹیکنالوجی کے مؤثر استعمال پر زور دیا تاکہ دیہی اور دور دراز علاقوں تک معیاری اور قابلِ رسائی صحت کی سہولیات فراہم کی جا سکیں۔وزیر صحت مصطفیٰ کمال نے دنیا بھر کے ممالک پر زور دیا کہ اپنے تجربات اور ڈیٹا کو باہمی اعتماد، شفافیت اور تیزی کے ساتھ شیئر کریں تاکہ کسی بھی وبا یا صحت کے بحران کے خلاف بروقت اور مؤثر ردِعمل ممکن ہو۔پاکستان کے واضح مؤقف، مؤثر شرکت اور فعال کردار کو عالمی رہنماؤں اور بین الاقوامی اداروں نے سراہا اور اسے عالمی صحت نظام میں ایک مثبت پیش رفت قرار دیا۔وفاقی وزیر صحت مصطفی کمال کے کوآرڈینیٹر ڈاکٹر عبید اور بیجنگ میں پاکستانی سفارت خانے کے نمائندگان بھی فورم شریک تھے۔وفاقی وزیر سید مصطفیٰ کمال نے فورم کے مختلف سیشنز میں شرکت کی۔.ذریعہ: UrduPoint
کلیدی لفظ: تلاش کیجئے وزیر صحت مصطفی کمال کمال نے
پڑھیں:
وفاقی وزیر امیر مقام کی جانب سے گلگت بلتستان کے عوام کو یوم آزادی کی مبارکباد
وفاقی وزیر امور کشمیر و گلگت بلتستان انجینئر امیر مقام نے گلگت بلتستان کے یوم آزادی کے موقع پر ایک پیغام میں کہا ہے کہ گلگت بلتستان کے غیور عوام کو یوم آزادی کے موقع پر دل کی اتھاہ گہرایوں سے مبارکباد پیش کرتا ہوں، یہ ایک منفرد اعزاز ہے کہ گلگت بلتستان کے لوگ اپنے وطن کی آزادی کا دن دو بار مناتے ہیں، ایک 14 اگست کے دن اور دوسرا یکم نومبر کو۔ اسلام ٹائمز۔ وفاقی وزیر امور کشمیر و گلگت بلتستان انجینئر امیر مقام نے گلگت بلتستان کے یوم آزادی کے موقع پر ایک پیغام میں کہا ہے کہ گلگت بلتستان کے غیور عوام کو یوم آزادی کے موقع پر دل کی اتھاہ گہرایوں سے مبارکباد پیش کرتا ہوں، یہ ایک منفرد اعزاز ہے کہ گلگت بلتستان کے لوگ اپنے وطن کی آزادی کا دن دو بار مناتے ہیں، ایک 14 اگست کے دن اور دوسرا یکم نومبر کو۔ انہوں نے کہا اس دن کو گلگت بلتستان کی تاریخ میں ایک اہم سنگ میل سمجھا جاتا ہے، وہ دن تھا جب اس خطے کے لوگوں نے اپنی آزادی حاصل کی اور پاکستان کے ساتھ شامل ہوئے۔ اس خوشی کے موقع پر مقبوضہ کشمیر اور فلسطین کے ان بہن بھائیوں کو بھی یاد کرتے ہیں، غیور کشمیر کے باسی سات دہائیوں سے حق خود ارادیت کیلئے برسر پیکار ہیں۔ انجینئر امیر مقام نے مزید کہا کہ اپنی مسلح افواج کا شکریہ ادا کرتا ہوں، افواج پاکستان ہماری سرحدوں اور خودمختاری کی محافظ ہیں۔ انہوں نے کہا کہ وفاقی حکومت گلگت بلتستان کی تعمیر و ترقی کو اولین ترجیح دیتی ہے، گلگت بلتستان سی پیک کے حوالے سے اہم خطہ ہے۔پاکستان مسلم لیگ نون نے اپنے ادوار میں گلگت بلتستان میں ریکارڈ ترقیاتی کام کروائے ہیں۔ ان کا کہنا تھا کہ یہ خطہ سیاحت کے حوالے سے پوری دنیا میں اعلی مقام رکھتا ہے، وفاقی حکومت گلگت بلتستان میں سیاحت کی ترقی کیلئے ترجیحی بنیادوں پر اقدامات اٹھائے گی۔ سب ملکر گلگت بلتستان اور پاکستان کی ترقی کیلئے ایک بن کر ترقی کے منازل طے کریں گے۔
محبت، بلیک میلنگ اور قتل، خوفناک واردات کی تفصیل سامنے آگئی