عالمی برادری غزہ کے امتحان میں ناکام ہو گئی، مصری وزیر خارجہ
اشاعت کی تاریخ: 27th, July 2025 GMT
اپنے ایک بیان میں بدر عبدالعاطی کا کہنا تھا کہ غزہ میں داخل ہونے والی 75% امداد مصر کے راستے پہنچی ہے جب کہ ہزاروں ٹرک اب بھی غزہ میں داخلے کا انتظار کر رہے ہیں۔ اسلام ٹائمز۔ مصر کے وزیر خارجہ "بدر عبدالعاطی" نے کہا کہ غزہ میں جنگ بندی سے متعلق مذاکرات اپنے آخری مراحل میں ہیں۔ متنازعہ موضوعات میں سے زیادہ تر معاملات حل ہو چکے ہیں صرف ایک مسئلہ باقی ہے جس پر کام جاری ہے۔انہوں نے کہا کہ مصر، قطر کے تعاون اور امریکی ہم آہنگی کے ساتھ اسرائیلی و فلسطینی فریقین کے ساتھ رابطے میں ہے، تا کہ معاہدے تک پہنچنے کے لیے زیادہ سے زیادہ دباؤ ڈالا جا سکے۔ انہوں نے زور دے کر کہا کہ غزہ میں انسانی صورت حال فلسطین-اسرائیل تنازع اور انسانی حقوق کے نام پر ترقی یافتہ کہلانے والی دنیا کی تاریخ میں ایک ناقابل بیان المیہ بن چکی ہے۔ بدقسمتی سے عالمی برادری، غزہ میں جاری مظالم کو خاموشی سے دیکھتے ہوئے اس امتحان میں ناکام ہو گئی ہے۔
بدر عبدالعاطی نے کہا کہ فلسطینیوں کو اپنی سرزمین سے بے دخل کرنا ہماری ریڈ لائن ہے جسے مصر کبھی عبور نہیں کرنے دے گا۔ انہوں نے کہا کہ عرب-اسلامی منصوبہ، غزہ کی تعمیر نو کو یقینی بناتا ہے جس میں غزہ کے کسی بھی رہائشی کو نقل مکانی کی ضرورت نہیں ہو گی۔ رفح بارڈر کراسنگ کے بارے میں بدر عبدالعاطی نے کہا کہ مصری حصہ ہفتے کے ساتوں دن 24 گھنٹے کھلا رہتا ہے۔ غزہ میں داخل ہونے والی 75% امداد مصر کے راستے پہنچی ہے جب کہ ہزاروں ٹرک اب بھی غزہ میں داخلے کا انتظار کر رہے ہیں۔ لیکن اسرائیل نے گذرگاہ کے فلسطینی حصے پر قبضہ کر رکھا ہے اور امداد کی ترسیل میں رکاوٹیں کھڑی کر رہا ہے۔
ذریعہ
ذریعہ: Islam Times
کلیدی لفظ: بدر عبدالعاطی نے کہا کہ
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ