وزیر اعلیٰ سندھ کا اس سال جشنِ آزادی معرکۂ حق کے تھیم پر منانے کا فیصلہ
اشاعت کی تاریخ: 28th, July 2025 GMT
کراچی:
وزیر اعلیٰ سندھ مراد علی شاہ کی زیر صدارت جشنِ آزادی 2025 کی تقریبات کے حوالے سے ایک اہم اجلاس منعقد ہوا، جس میں اس سال کے جشن آزادی کو "معرکۂ حق" کے تھیم کے تحت شایانِ شان طریقے سے منانے کا فیصلہ کیا گیا۔
اجلاس میں سینئر وزیر شرجیل انعام میمن، وزیر بلدیات سعید غنی، وزیر صنعت جام اکرام دھاریجو، چیف سیکریٹری آصف حیدر شاہ، سیکریٹری وزیراعلیٰ سندھ رحیم شیخ، کمشنر کراچی حسن نقوی سمیت ممتاز بینکرز، صنعتکاروں اور تاجر برادری کے نمائندے شریک ہوئے۔
وزیراعلیٰ سندھ نے اجلاس سے خطاب کرتے ہوئے کہا کہ جشنِ آزادی کو قومی جوش و جذبے سے بھرپور اور یادگار بنانے کے لیے ہر ممکن اقدامات کیے جائیں گے۔ انہوں نے کہا کہ میں چاہتا ہوں کہ تمام بینکرز اور ملک کے ممتاز صنعتکار اس قومی دن کی تقریبات میں بڑھ چڑھ کر حصہ لیں۔
انہوں نے بتایا کہ جشنِ آزادی کی تقریبات کے تحت شہر کی سرکاری، نیم سرکاری اور نجی عمارتوں کو خوبصورت روشنیوں سے سجا دیا جائے گا، جبکہ مختلف مقامات پر ریلیاں، پریڈز، کھیلوں کی سرگرمیاں، تعلیمی اداروں میں تقریبات، ٹاک شوز اور مالز میں عوامی تقاریب منعقد کی جائیں گی۔
وزیراعلیٰ سندھ نے بتایا کہ نیشنل اسٹیڈیم میں 13 اگست کو عوامی کنسرٹ اور آتش بازی کا اہتمام کیا جائے گا، جبکہ اسی روز سی ویو اور شاہراہِ فیصل پر ثقافتی انداز میں ریلیاں نکالی جائیں گی۔ گلستانِ جوہر میں کیپٹن سرور شہید اسپورٹس گالا کا انعقاد بھی اسی دن کیا جائے گا۔
محکمہ کھیل کی جانب سے 10 اگست کو نشانِ پاکستان اور دو دریا پر میراتھون ریس اور سی ویو پر ڈنکی کارٹس ریس کا انعقاد ہوگا، جبکہ 9 اگست کو کیماڑی اور پورٹ پر بوٹ ریس منعقد کی جائے گی۔ خواتین کے لیے وومن بائیک ریلی 13 اگست کو شہر سے شروع ہو کر چوکنڈی قبرستان تک جائے گی اور اسی دن سائیکل ریس فریئر ہال سے مزار قائد تک منعقد ہوگی۔ 8 اگست کو حیدرآباد کلب میں میوزیکل اور کلچرل شو، اور سکھر میونسپل اسٹیڈیم میں میوزیکل کنسرٹ بھی تقریبات کا حصہ ہوں گے۔
جہانگیر کوٹھری پر کنسرٹ اور فائرورک کا انتظام کے ایم سی کرے گی۔ ان تمام تقریبات میں عوام کی بھرپور شرکت متوقع ہے اور حکومت سندھ کی کوشش ہے کہ جشنِ آزادی کو نہ صرف قومی جوش و خروش سے منایا جائے بلکہ اسے عوامی سطح پر ایک یادگار تجربہ بنایا جائے۔
وزیراعلیٰ سندھ نے بتایا کہ بینکرز اور صنعتکار سینئر وزیر شرجیل انعام میمن کی سربراہی میں قائم وزارتی کمیٹی کے ساتھ اجلاس میں شرکت کریں گے اور جشنِ آزادی کے پروگراموں کو حتمی شکل دینے کے لیے مختلف تجاویز پیش کریں گے جبکہ بینکرز اور صنعتکاروں نے وزیراعلیٰ سندھ کو ان تقریبات کے انعقاد میں بھرپور تعاون کی یقین دہانی بھی کرائی۔
.
ذریعہ
ذریعہ: Express News
کلیدی لفظ: اگست کو
پڑھیں:
سینٹ پیٹرزبرگ انٹرنیشنل اکنامک فورم، پاکستانی اعلیٰ سطحی وفد شرکت کریگا
سینٹ پیٹرزبرگ روس کا سب سے بڑا اور عالمی سطح پر اہم اقتصادی ایونٹ، سینٹ پیٹرزبرگ انٹرنیشنل اکنامک فورم 2026ء کل 3 جون سے روس کے تاریخی شہر سینٹ پیٹرزبرگ میں شروع ہو رہا ہے، جس میں دنیا بھر کے 130 سے زائد ممالک کے حکومتی، کاروباری اور اقتصادی راہنما شرکت کریں گے، پاکستان بھی فورم میں اعلیٰ سطحی وفد کے ساتھ شرکت کر رہا ہے۔ اسلام ٹائمز۔ پاکستانی وفد کی قیادت وفاقی وزیر توانائی (پیٹرولیم ڈویژن) علی پرویز ملک کریں گے، وفد میں وزیراعظم کے معاون خصوصی برائے صنعت و پیداوار ہارون اختر، روس میں پاکستان کے سفیر فیصل نیاز ترمذی، سفارتخانے کی وزیر تجارت و سرمایہ کاری شبانہ ممتاز، قونصلر حبیب منیر، سیکنڈ سیکرٹری جوشوا ایڈون آرتھر اور سینٹ پیٹرزبرگ میں پاکستان کے اعزازی قونصل جنرل عبدالرؤف رند بھی شامل ہیں۔ 4 روزہ فورم میں عالمی معیشت، توانائی، تجارت، سرمایہ کاری، ڈیجیٹل ٹیکنالوجی، مصنوعی ذہانت، صنعتی ترقی، ٹرانسپورٹ، خوراک اور بین الاقوامی اقتصادی تعاون سمیت متعدد اہم موضوعات پر اعلیٰ سطحی اجلاس، مباحثے اور کاروباری ملاقاتیں منعقد ہوں گی۔
روسی صدر ولادیمیر پوتن فورم کے مرکزی پلینری اجلاس سے خطاب کریں گے، جبکہ دنیا کے مختلف ممالک سے تعلق رکھنے والے حکومتی راہنما، وزراء، سرمایہ کار، صنعتکار اور بین الاقوامی تنظیموں کے نمائندے بھی فورم میں شریک ہوں گے۔ پاکستانی وفد کی شرکت کو روس اور پاکستان کے درمیان اقتصادی اور تجارتی تعلقات کے فروغ کے لیے اہم قرار دیا جا رہا ہے، توقع ہے کہ فورم کے دوران پاکستانی نمائندے روسی حکام، سرمایہ کاروں اور کاروباری شخصیات کے ساتھ ملاقاتیں کریں گے، جن میں توانائی، پیٹرولیم، صنعت، تجارت اور سرمایہ کاری کے شعبوں میں تعاون بڑھانے کے امکانات پر بات چیت ہوگی۔ مبصرین کے مطابق پاکستان اس وقت توانائی، معدنیات، انفراسٹرکچر اور صنعتی شعبوں میں بیرونی سرمایہ کاری کے حصول پر خصوصی توجہ دے رہا ہے جبکہ روس کے ساتھ اقتصادی تعاون کے نئے مواقع تلاش کرنا بھی حکومتی ترجیحات میں شامل ہے۔
فورم میں شرکت پاکستان کو نہ صرف روس بلکہ دیگر ممالک کے سرمایہ کاروں اور کاروباری اداروں کے ساتھ براہ راست رابطوں کا موقع فراہم کرے گی، ماہرین کا کہنا ہے کہ ایسے بین الاقوامی پلیٹ فارمز پاکستان کے لیے سرمایہ کاری، برآمدات اور اقتصادی شراکت داریوں کے فروغ میں اہم کردار ادا کر سکتے ہیں۔واضح رہے کہ سینٹ پیٹرزبرگ انٹرنیشنل اکنامک فورم 3 سے 6 جون تک جاری رہے گا اور اسے روس کا سب سے بڑا بین الاقوامی اقتصادی فورم تصور کیا جاتا ہے، اس سال فورم کا موضوع "عملی مکالمہ ایک مستحکم مستقبل کی جانب"رکھا گیا ہے، جس میں عالمی معیشت کو درپیش چیلنجز اور مستقبل کے مواقع پر خصوصی توجہ دی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ