طرزِ زندگی میں معمولی تبدیلی خطرناک بیماری سے بچا سکتی ہے: ماہرین
اشاعت کی تاریخ: 29th, July 2025 GMT
ماہرین کے مطابق طرزِ زندگی میں معمولی تبدیلی جگر کے کینسر کے کیسز میں واضح کمی لا سکتی ہے۔
جگر کے کینسر پر بنائے گئے لانسٹ کمیشن کو ایک تحقیق میں معلوم ہوا ہے کہ الکوحل کی کھپت اور مٹاپے میں کمی اور ہیپاٹائٹس ویکسین لگوانے کے رجحان میں اضافے سے پانچ میں سے تین کیسز کو مرض سے بچایا جا سکتا ہے۔
ماہرین کے اندازے کے مطابق 2050 تک جگر کے کینسر کے نئے کیسز 2022 میں ریکارڈ ہونے والے 8 لاکھ 70 ہزار کی تعداد سے بڑھ کر 15 لاکھ 20 تک پہنچ سکتے ہیں۔
گروپ کے مطابق مٹاپے سے تعلق رکھنے والے جگر کے کینسر کے کیسز کا تناسب 5 فی صد سے بڑھ کر 11 فی صد تک متوقع ہے جبکہ 2050 تک 21 فی صد کیسز الکوحل کے سبب ہوں گے۔
11 فی صد کیسز میٹابولک ڈسفنکشن-ایسوسی ایٹڈ اسٹیئٹوٹک لیور ڈیزیز (ایم اے ایس ایل ڈی)، جس کو ماضی میں فیٹی لیور ڈیزیز کے نام سے جانا جاتا تھا کے سبب پیش آئیں گے۔
محققین کی ٹیم کا کہنا تھا کہ جگر کے سرطان کے 60 فی صد کیسز کا بچایا جانا ممکن ہے۔ عالمی سطح پر 2050 تک جگر کے کینسر سے ہونے والی اموات کی تعداد 13 لاکھ 70 ہزار تک متوقع ہے جو کہ 2022 میں 7 لاکھ 60 ہزار ریکارڈ کی گئی تھی۔
.ذریعہ: Express News
کلیدی لفظ: جگر کے کینسر
پڑھیں:
فیڈرل لاجز میں مقیم اعلیٰ سرکاری افسران پر کرایہ کے کتنے واجبات ہیں؟
وفاقی دارالحکومت اسلام آباد میں ملازمت کے لیے ملک بھر سے افراد اسلام آباد کا رخ کرتے ہیں ان میں سے بیشتر گھر خرید لیتے ہیں یا کرائے پھرتے ہیں البتہ چند افسران اسلام آباد میں موجود فیڈرل لاجز سرکاری رہائشوں میں رہائش پذیر ہوتے ہیں وزارت ہاؤسنگ کی جانب سے سینٹ کو بتایا گیا کہ اسلام آباد میں موجود 7 لاجز اور سرکاری ہاسٹلز میں مقیم سرکاری افسران کے کرائے کے کچھ واجبات ہیں جن کی مجموعی تعداد 52 لاکھ 7 ہزار روپے سے زائد بنتی ہے۔
دستاویز کے مطابق وزیراعظم ہاؤس، مختلف وزارتوں، سینیٹ، سپریم کورٹ، ایف آئی اے، نیب، ایف بی آر، پی ٹی اے، پی ٹی وی، اسلام آباد پولیس، نیشنل ہائی وے پولیس، یونیورسٹیوں اور سکولوں کے اساتذہ، ڈی جی پاسپورٹ سمیت دیگر سرکاری افسران کے ان لاجز میں کرائے کی مد میں واجبات ہیں۔
مزید پڑھیں: حمیرا اصغر کے خلاف کرایہ داری کیس کی تفصیلات سامنے آگئیں
دستاویز کے مطابق آئی جی پنجاب اور اسلام آباد پولیس عامر ذوالفقار خان کے 51 ہزار روپے سے زائد کے واجبات ہیں، سابق ڈی جی پاسپورٹ یاور حسین کے 16 ہزار روپے، سابق ڈائریکٹر نیشنل پولیس بیورو اور ڈی جی سیف سٹی اسلام آباد رومل اکرم کے 16 ہزار روپے، جوائنٹ سیکریٹری وزیراعظم آفس محمد ہارون رفیق کے 5 لاکھ 16 ہزار روپے، ایڈووکیٹ آن ریکارڈ سپریم کورٹ عمرانہ بلوچ کے 8 ہزار روپے کے واجبات ہیں، ایڈیشنل ڈائریکٹر نیب حبیب الرحمن محسود اور فضل ہادی کے 45، 45 ہزار روپے، آصف رسول سیکریٹری ایف بی آر کے 35 ہزار، جی ایم نیشنل ہائی وے طارق محمود بھٹی کے 29 ہزار روپے کے واجبات ہیں۔
سب سے زیادہ واجبات ایڈیشنل سیکریٹری وزارت داخلہ محمد اسد اسلام کے 6 لاکھ 9 ہزار روپے ہیں، اسی طرح اسسٹنٹ ایڈیشن سیکریٹری کیبیننٹ ڈویژن فرحان عزیز خواجہ کے بھی 5 لاکھ 16 ہزار روپے کے واجبات ہیں، جوائنٹ سیکریٹری اسٹیبلشمنٹ ڈیویژن شوکت علی کے 2 لاکھ 92 ہزار اور سیکرٹری وزارت اطلاعت نوید احمد شیخ کے بھی 2 لاکھ 92 ہزار روپے کے واجبات ہیں۔
مزید پڑھیں: اب وزیراعظم کا لگژری سیلون عوام کے نام، کرایہ وہ جو ہوش اڑا دے
دستاویز کے مطابق عبداللطیف بٹھائی لاج فیڈرل لاج ون نیو بلاک کے 14 سرکاری افسران کے 2 لاکھ 94 ہزار روپے سے زائد کرائے کے واجبات ہیں اسی طرح اسی لاج کے اولڈ بلاک کے 12 افسران کے 2 لاکھ 81 ہزار روپے سے زائد کے واجبات ہیں، لال شہباز قلندر لاج فیڈرل لاج دوم میں مقیم 20 سرکاری افسران کے دو لاکھ 93 ہزار سے زائد کے واجبات ہیں، فاطمہ جناح ورکنگ وومن ہاسٹل میں مقیم 27 خواتین سرکاری افسران کے کرائے کی مد میں 3 لاکھ 50 ہزار روپے سے زائد کے واجبات ہیں فیڈرل گورنمنٹ چوماری ہاسٹل جی ایٹ کے ایک سرکاری افسر کے 9 ہزار روپے سے زائد کے واجبات ہیں جبکہ گلشن جناح کمپلیکس اسلام آباد کے فیملی سوٹ کمپلیکس میں سرکاری ملازمین کے 19 لاکھ 93 ہزار روپے سے زائد کے واجبات ہیں، جبکہ فیملی سوٹ کمپلیکس جی 5 کے 15 سرکاری ملازمین کے 25 لاکھ 85 ہزار روپے سے زائد کے واجبات ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سیکریٹری وزارت داخلہ محمد اسد اسلام فیڈرل لاجز کرایہ
خیبرپختونخوا میں بارشوں اور فلش فلڈ سے ہونیوالے نقصانات کی رپورٹ جاری