پھپھو کی خواہش پوری نہ ہوسکی بھتیجے پاکستان نہیں آ رہے:عظمیٰ بخاری
اشاعت کی تاریخ: 30th, July 2025 GMT
ویب ڈیسک : وزیر اطلاعات پنجاب عظمیٰ بخاری نے کہا ہے کہ 5 اگست کا احتجاج آغاز سے قبل ہی فلاپ ہوگیا، علیمہ باجی نے بھی نام نہاد احتجاج کی ناکامی کی پیشگی اطلاع دے دی ہے۔
اپنے بیان میں صوبائی وزیر عظمیٰ بخاری کا کہنا تھا کہ پھپھو کی خواہش پوری نہ ہوسکی بھتیجے پاکستان نہیں آ رہے، سابق بھاوج نے اپنے بچوں کو پاکستان جانے سے روک دیا ہے، جب مہاتما کے اپنے بچے ہی احتجاج میں شامل نہیں ہوں گے تو انقلاب کیسے آنا تھا؟
مودی سرکار کاایک اور نام نہاد فالس فلیگ’’آپریشن مہادیو‘‘ بری طرح بے نقاب
انہوں نے کہا کہ 5 اگست کا احتجاج آغاز سے قبل ہی فلاپ شو ہوگیا، علیمہ باجی نے بھی 5 اگست کے نام نہاد احتجاج کی ناکامی کی پیشگی اطلاع دے دی ہے، پی ٹی آئی کی موجودہ قیادت بھی احتجاج کی حامی نہیں ہے۔
ان کا کہنا تھا کہ خیبرپختونخوا کے بلدیاتی اداروں میں 354 ارب کی مالی بے ضابطگیاں چارج شیٹ ہے، خیبرپختونخوا کے عوام کی فلاح وبہبود پر خرچ ہونے والے فنڈز کی بندربانٹ ہو رہی ہے، چور چور کا راگ الاپنے والے خود 12 سال سے کرپشن کے ریکارڈ قائم کر رہے ہیں۔
قائد اعظم یونیورسٹی کے ہاسٹل سے گرفتار کیے گئے طلبہ کے خلاف مقدمہ درج
عظمیٰ بخاری نے مزید کہا کہ جو لوگ نااہل ہورہے وہ ناکام بغاوت کے مرتکب قرار پائے، 9 مئی کے واقعات پر ندامت اور شرمندگی کے بجائے ان کا دفاع کرنا بھی شرمناک ہے، شہدا کے مجسمے جلانے والے قوم کے لئے قابل نفرت بن چکے ہیں۔
ذریعہ: City 42
پڑھیں:
زاہد گشکوری نے 5 اگست کو پی ٹی آئی کا احتجاج کا گرینڈ پلان بے نقاب کر دیا
لاہور (ڈیلی پاکستان آن لائن ) سینئر صحافی زاہد گشکوری نے دعویٰ کیاہے کہ عمران خان نے اپنے بیٹوں کو پاکستان آنے سے روک دیاہے ، پی ٹی آئی 5 اگست کو پورے ملک میں بہت بڑا احتجاج پلان کرکے بیٹھی ہے ، پلان یہ ہے کہ پانچ اگست کو ملک کو مفلوج کر دیا جائے اور اڈیالہ جیل کے باہر بھی احتجاج کیا جائے ، حکومت نے بھی لائحہ عمل تیار کر لیاہے ، کچھ ایجنسیز نے وزیراعظم کو رپورٹ دی ہے کہ 9 مئی یا 26 نومبر کی طرز کا واقعہ 5 اگست کو ہو سکتا ہے ۔
اپنے وی لاگ میں زاہد گشکوری کا کہناتھا کہ عمران خان نے اپنے بیٹوں کو پاکستان آنے سے روک دیاہے ، پی ٹی آئی نے پورے ملک میں احتجاج کا پلان بنایاہواہے ، تحریک انصاف کی لیڈرشپ اپنے اپنے شہروں میں احتجاج کو لیڈ کریں گے ، علی امین کے پی کے میں، حماد اظہر لاہور میں، کراچی میں حلیم عادل شیخ کریں گے ، یہ بھی پلان ہے کہ اڈیالہ جیل کے باہر بھی احتجاج کرناہے ۔
رواں مالی سال پاکستان کی جی ڈی پی شرح 3.6 فیصد رہے گی: آئی ایم ایف
ان کا کہناتھا کہ دوسری طرف حکومت نے بھی پلان بنایاہے کہ لوگوں کو باہر نہ نکلنے دیا جائے ، وزیراعظم کو مختلف اداروں نے رپورٹ پیش کی ہے کہ یہ 9 مئی یا 26 اکتوبر کی طرز کا ایک واقعہ ہو سکتا ہے ،یہ غالب امکان ہے کہ مظاہرین لیڈرشپ کے تابع نہیں ہوں گے ، اور صورتحال امن و عامہ کی خراب ہو سکتی ہے ، جس سے اداروں کو صورتحال کو ہینڈل کرنے میں بڑا مسئلہ ہوگا، گولی چل سکتی ہے ، کوئی نجی بندہ صورتحال کا غلط فائدہ اٹھا سکتاہے جس سے حالات خراب ہو سکتے ہیں۔اس کی بنیاد پر حکومت سوچ رہی ہے کہ کیا جائے گا، غالب امکان ہے کہ پشاور، راولپنڈی، اسلام آباد اور لاہور میں اس طرح کا واقعہ ہو سکتا ہے ۔
گلگت: 2 جرمن خاتون کوہ پیما لینڈ سلائیڈنگ کی زد میں آگئیں، ایک ریسکیو
مزید :
میاں محمد اظہر کے انتقال پر نواز شریف اور شہباز شریف کا اظہارِ افسوس