’ناقابل یقین! پنجاب میں ربڑ کے ٹائروں پر چلنے والی ٹرین آگئی‘
اشاعت کی تاریخ: 30th, July 2025 GMT
وزیراعلیٰ پنجاب مریم نواز نے لاہور کے عوام کے لیے چین کی تیار کردہ جدید، ماحول دوست اور سہولیات سے آراستہ الیکٹرک ٹرین کی ویڈیو جاری کر دی۔ انہوں نے جدید سفری سہولیات سے آراستہ ٹرین کے لاہور پہنچنے کا اعلان بھی کر دیا۔
مریم نواز نے سماجی رابطوں کی سائیٹ ایکس پر لکھا کہ جنوبی ایشیا کی پہلی اے آر ٹی (خودکار ریل ریپڈ ٹرانزٹ) لاہور پہنچ گئی ہے۔ یہ بغیر پٹری کے چلتی ہے، ربڑ کے ٹائروں پر دوڑتی ہے اور 300 مسافروں کو لے جا سکتی ہے۔ یہ جدید، کم خرچ اور ماحول دوست روایتی ٹرانسپورٹ کا متبادل ہے۔ ان شاء اللہ جلد ہی اس کا آزمائشی سفر کینال روڈ پر کیا جائے گا۔
South Asia’s first ART (Autonomous Rail Rapid Transit) has arrived in Lahore.
— Maryam Nawaz Sharif (@MaryamNSharif) July 29, 2025
ایک صارف نے ویڈیو پر تبصرہ کرتے ہوئے کہا کہ پنجاب ترقی کر رہا ہے۔ جبکہ ایک صارف کا کہنا تھا کہ پنجاب کے علاوہ دوسرے شہر بھی ہیں لیکن آپ سارا پیسہ لاہور پر ضائع کر رہی ہیں۔
Punjab is progressing ♥️????????
— Haseeb Ahmed ???????? (@IHaseebAhmed27) July 29, 2025
کئی صارفین نے مطالبہ کیا کہ ایسی ٹرینیں پاکستان کے دوسرے شہروں میں بھی لائی جائیں۔
جہاں کئی صارفین وزیراعلیٰ پنجاب کے اس اقدام کی تعریف کرتے نظر آئے وہیں چند صارفین ایسے بھی تھے جنہوں نے مریم نواز کو آڑے ہاتھوں لیا اور ان کا مذاق بنایا۔ ڈاکٹر ارسلان خالد نے لکھا کہ پنجاب میں ربڑ کے ٹائروں پر چلنے والی ٹرین آ گئی یہ نا قابل یقین ہے۔
Damn! It runs on Rubber tires,Unbelievable ! https://t.co/V9YD3odBOM
— Dr Arslan Khalid (@arslankhalid_m) July 29, 2025
ایک صارف نے کہا کہ پلیز کنال روڈ کو چھوڑ دیں پہلے ہی بہت رش ہوتا ہے اگر یہ بھی اس پے چلے گی تو پھر باقی ٹریفک کہاں جائے گی۔
میم پلیز کنال روڈ کو چھوڑ دیں پہلے ہی بہت رش ہوتا ہے اگر یہ بھی اس پے چلے گی تو پھر باقی ٹریفک کہاں جائے گی
— Asim Sheikh (@ShMAsim3) July 29, 2025
ہارون راشد کا کہنا تھا کہ عقل مندی اسی میں ہے کہ پہلے سے موجود بس سروس کو لاہور کے ہر کونے تک پھیلایا جائے، نہ کہ عوامی خرچ پر ٹرینوں اور ٹراموں سے کھیل کھیلا جائے۔
I think, sensible is to first spread already exxisting bus service to all nooks and corners of Lahore instead of playing like toys with trains and trams on public expense https://t.co/I3FmSVHdNQ
— Haroon Rashid (@TheHaroonRashid) July 30, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرین ٹیکنالوجی چین لاہور لاہورمیں ٹرین مریم نواز وزیراعلٰی پنجابذریعہ: WE News
کلیدی لفظ: ٹیکنالوجی چین لاہور لاہورمیں ٹرین مریم نواز
پڑھیں:
ویٹ پالیسی پر صوبوں سے مشاورت شروع، اوزون بچانا انسانیت کا فریضہ: مریم نواز
لاہور (نیوز رپورٹر) پاکستان کی پہلی جامع ویٹ پالیسی بنانے کے لئے صوبوں کے ساتھ مشاورت کا عمل شروع کر دیا گیا۔ شہباز شریف کی ہدایت پر مریم نواز شریف سے وفاقی وزیر برائے صنعت و پیداوار اور نیشنل فوڈ سکیورٹی اینڈ ریسرچ رانا تنویر حسین نے ملاقات کی۔ رانا تنویر حسین نے وزیراعلیٰ کی سیلاب متاثرین کے لئے انتھک محنت پر خراج تحسین پیش کیا۔ ویٹ پالیسی پر مفصل تبادلہ خیال کیا گیا۔ پنجاب میں سیلاب کی صورتحال کے بعد اگلے سال کے لئے گندم کے سٹرٹیجک ذخائر بہتر کرنے کیلئے اقدامات پر غور کیا گیا۔ ویٹ مینجمنٹ سٹرٹیجی اور روڈ میپ پر تبادلہ خیال بھی کیا گیا۔ وزیراعلیٰ نے پنجاب میں گندم کی پیداوار میں اضافہ کے لئے اقدامات سے آگاہ کیا۔ دوسری جانب مریم نواز کی ہدایت پر سینئر منسٹر مریم اورنگزیب اور دیگر وزراء نے علی پور کے نواحی سیلاب متاثرہ دیہات کے مسلسل دورے کیے۔ وزیر صحت خواجہ سلمان رفیق، سینئر منسٹر مریم اورنگزیب اور دیگر وزراء ایک ہی دن میں علی پور تحصیل کے چھ سیلاب متاثرہ موضعوں میں گئے۔ چھ موضع میں ریسکیو ریلیف کارروائی کا جائزہ لیا۔ وزارتی ٹیم نے اپنی نگرانی میں ٹینٹ، خشک راشن، پانی اور جانوروں کے کیلئے ونڈا تقسیم کروایا۔ اعلیٰ سطح وزارتی ٹیم نے سینئر منسٹر مریم اورنگزیب کی سربراہی میں سیلاب متاثرہ علاقوں میں انخلا آپریشن کی صورتحال کا جائزہ لیا۔ سیلاب متاثرین نے موثر اقدامات پر وزیراعلیٰ مریم نواز شریف اور حکومت پنجاب سے اظہار تشکرکیا۔ سیلاب متاثرین نے کہا کہ ہمیں خوشی ہے کہ کوئی ہماری فکر کررہا ہے اور ہماری ضروریات مہیا کرنے کا اہتمام کررہا ہے۔ دوسری جانب وزیراعلیٰ پنجاب مریم نواز شریف نے اوزون کے تحفظ کے عالمی دن پر اپنے پیغام میں کہا ہے کہ اوزون ہماری ماحولیا ت کی محافظ ہے، اسے بچانا انسانیت کا اہم ترین فریضہ ہے۔ اوزون کی تباہی کا مطلب، امراض، فصلوں کی بربادی اور نسلِ نو کے مستقبل کے لئے خطر ات ہیں۔ موسمیاتی تبدیلی نے بارشوں کے انداز بدل دیئے، پنجاب حالیہ تباہ کن سیلاب کی شکل میں خمیازہ بھگت رہا ہے۔ پہلی بار پنجاب کے لئے جامع ماحولیاتی پالیسی دی تاکہ زمین بچوں کے لئے محفوظ رہ سکے۔ پنجاب میں ماحول دوست الیکٹرو بسیں متعارف کروائیں جو کلین انرجی سے چلتی ہیں اور آلودگی کم کرتی ہیں۔ ’’پلانٹ فار پاکستان‘‘ مہم کے ذریعے شجرکاری کرکے فضا کو ازسرِنو سانس لینے کے قابل بنایا جا رہا ہے۔ پنجاب تیزی سے گرین انرجی، سولرائزیشن اور ماحول دوست منصوبوں کی طرف بڑھ رہا ہے۔ اوزون پروٹیکشن محض حکومت کی نہیں ہر شہری کی ذمہ داری ہے اپنا کردار ادا کریں۔ وزیراعلیٰ نے عوام سے اپیل ہے کہ اپنی فضا، پانی اور زمین کو آئندہ نسلوں کے لیے محفوظ بنا نے میں ہاتھ بٹائیں۔ پنجاب سرسبز، صاف اور محفوظ مستقبل کی طرف بڑھ رہا ہے، سفر اب کسی صورت نہیں رکے گا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام