پاکستانی ٹیم کی شرٹ پہنے مداح کو اسٹیڈیم سے نکالنے پر لنکاشائر کاؤنٹی نے معافی مانگ لی
اشاعت کی تاریخ: 1st, August 2025 GMT
لندن:
انگلینڈ اور بھارت کے درمیان اولڈ ٹریفورڈ میں کھیلے گئے چوتھے ٹیسٹ میچ کے دوران پاکستانی ٹیم کی ٹی شرٹ پہننے پر مداح کو اسٹیڈیم سے نکالنے کے واقعے پر لنکا شائر کاؤنٹی کلب نے معذرت کرلی۔
پاکستانی مداح فاروق نذر نے اس واقعے کی ویڈیو سوشل میڈیا پر پوسٹ کی تھی جس میں دکھایا گیا کہ کس طرح سیکیورٹی اہلکار نے اُن سے کہا کہ وہ اپنی سبز رنگ کی پاکستان ٹیم کی ٹی شرٹ کو ڈھانپ لیں, فاروق نذر نے یہ درخواست ماننے سے انکار کیا جس کے بعد پولیس اہلکاروں نے انہیں اسٹیڈیم سے باہر نکال دیا۔
لنکا شائر کی جانب سے جاری بیان میں کہا گیا کہ اس رویے سے کسی کو تکلیف پہنچی ہو تو ہم معذرت خواہ ہیں اور مستقبل میں ایسے واقعات سے نمٹنے کے لیے اپنی پالیسیوں پر نظرثانی کریں گے۔
مزید پڑھیں: بھارت اور انگلینڈ کے چوتھے ٹیسٹ میں پاکستانی ٹیم کی شرٹ پہننے والا مداح اسٹیڈیم بدر
کلب کے مطابق اس واقعے سے ایک روز قبل یعنی ہفتے کے دن پاکستانی اور بھارتی شائقین کے درمیان ایک اور واقعہ پیش آیا تھا جب کچھ مداحوں نے پاکستان کا قومی پرچم لہرایا جس سے بھارتی شائقین کے ساتھ تلخی پیدا ہوئی۔ اس صورتحال کو سکیورٹی عملے نے تحمل سے حل کیا اور پرچم لہرانے والے مداحوں نے احتراماً پرچم واپس رکھ دیا۔
اسی تناظر میں اتوار کو سکیورٹی ٹیم نے محتاط اور حفاظتی رویہ اختیار کرتے ہوئے فاروق نذر سے متعدد بار مؤدبانہ انداز میں کہا کہ وہ اپنی شرٹ کو ڈھانپ لیں تاکہ کسی ممکنہ تصادم سے بچا جا سکے مگر انہوں نے بار بار انکار کیا۔
لنکا شائر کے بیان میں مزید کہا گیا ہم واضح کرنا چاہتے ہیں کہ صرف پاکستان کی شرٹ پہننے پر مداح کو نہیں نکالا گیا بلکہ ہمارا اقدام صرف حفاظتی خدشات کی بنیاد پر تھا۔
یاد رہے کہ حالیہ مہینوں میں بھارت اور پاکستان کے درمیان کشیدگی میں اضافہ ہوا ہے جس کا اثر کرکٹ تعلقات پر بھی پڑا ہے۔
حال ہی میں لیجنڈز کرکٹ ٹورنامنٹ کے دوران بھارتی کرکٹرز نے پاکستان کے خلاف دو میچز کھیلنے سے انکار کیا جن میں سیمی فائنل بھی شامل تھا۔
اب آنے والے ایشیا کپ میں بھی بھارتی میڈیا اور سابق کرکٹرز پاکستان کے خلاف بائیکاٹ کا مطالبہ کر رہے ہیں جس سے صاف ظاہر ہوتا ہے کہ بھارت کھیل کو سیاست کا شکار بنا رہا ہے۔
.ذریعہ: Express News
کلیدی لفظ: ٹیم کی
پڑھیں:
پاکستان بمقابلہ جنوبی افریقہ: دوسرا ٹی20 آج لاہور میں، مہمان ٹیم کو سیریز میں برتری
پاکستان اور جنوبی افریقہ کے درمیان 3 میچوں پر مشتمل ٹی20 سیریز کا دوسرا میچ آج قذافی اسٹیڈیم لاہور میں کھیلا جائے گا۔
میچ کے تمام ٹکٹس فروخت ہو چکے ہیں، جبکہ دونوں ٹیموں نے میچ سے قبل بھرپور پریکٹس سیشن میں حصہ لیا۔ کھلاڑیوں نے بیٹنگ، بولنگ اور فیلڈنگ کی خصوصی مشقیں کیں۔
پاکستان ساؤتھ آفریقہ ٹی ٹونٹی سیریز
پاکستان اور ساؤتھ افریقہ کی ٹیم لاہور پہنچ گئی
پاکستان اور ساؤتھ آفریقہ کے مابین سیریز کا دوسرا میچ 31 اکتوبر کو کھیلا جائے گا pic.twitter.com/UNtpo1kK8Y
— PCB Media (@TheRealPCBMedia) October 29, 2025
مزید پڑھیں: پاکستانی بیٹنگ لائن ریت کی دیوار ثابت، جنوبی افریقہ نے پہلے ٹی20 میں 55 رنز سے شکست دیدی
مہمان جنوبی افریقی ٹیم کو سیریز میں ایک صفر کی برتری حاصل ہے۔ پہلے ٹی20 میں جنوبی افریقہ نے پاکستان کو 55 رنز سے شکست دی تھی۔
سیریز کا مکمل شیڈول:ٹی ٹوئنٹی سیریز:
1 نومبر: تیسرا ٹی20 — قذافی اسٹیڈیم، لاہور
ون ڈے سیریز:
4 نومبر: پہلا ون ڈے — اقبال اسٹیڈیم، فیصل آباد
مزید پڑھیں: بابراعظم، کیا دوپٹہ پیکو کے لیے دیا ہوا ہے؟
6 نومبر: دوسرا ون ڈے — اقبال اسٹیڈیم، فیصل آباد
8 نومبر: تیسرا ون ڈے — اقبال اسٹیڈیم، فیصل آباد
اب تک دونوں ٹیموں کے درمیان 25 ٹی20 میچز کھیلے جا چکے ہیں، جن میں 13 جنوبی افریقہ جبکہ 12 پاکستان کے نام رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ٹی20 سیریز جنوبی افریقہ قذافی اسٹیڈیم لاہور
بنگلادیش کے چیف ایڈوائزر کا چیئرمین جوائنٹ چیفس کو کتاب کا تحفہ، بھارتی کیوں آگ بگولہ ہوگئے؟