پاکستان کی طرف سے ویتنام کو ’بدھا‘ کے تاریخی مجسمہ کا تحفہ
اشاعت کی تاریخ: 2nd, August 2025 GMT
پاکستان اور ویتنام کے درمیان ثقافتی اور روحانی یکجہتی کی علامت کے طور پر، پاکستان نے معروف گندھارا دور کے ’روزہ دار بدھا‘ کے ایک شاندار مجسمے کی نقل ویتنام کے سب سے بڑے بدھ مت مندر بائی ڈنھ پاگوڈا کو تحفے میں دے دی۔
یہ تاریخی مجسمہ، جو دوسری صدی عیسوی کے گندھارا دور سے تعلق رکھتا ہے، سِکری (پاکستان) میں دریافت ہوا تھا اور اصل نمونہ اس وقت لاہور میوزیم میں محفوظ ہے۔ مجسمے میں شہزادہ سدھارتھ کو سخت ریاضت کرتے ہوئے دکھایا گیا ہے، جو ان کی روحانی بیداری کی علامت ہے۔
یہ بھی پڑھیے وزیر اعظم شہباز شریف کی ویتنام کے ہم منصب سے ملاقات، سیاحت و سرمایہ کار ی بڑھانے پر اتفاق
مجسمے کی نقل پاکستان کی جانب سے تحفے کے طور پر دی گئی ہے، جو بین المذاہب ہم آہنگی کی اقدار کی نمائندگی کرتی ہے۔
مذہبی رسومات اور سفارتی جذباتتقریب کا آغاز ویتنام بدھسٹ سنگھا کے سیکریٹری جنرل مہا وینریبل تھِچ ڈُک تھین کی قیادت میں دعاؤں سے ہوا، جنہوں نے اس مجسمہ کی پاکستانی سفارتخانے سے روانگی سے قبل بابرکت قرار دیا۔
نِنھ بنھ میں واقع بائی ڈنھ پاگوڈا پہنچنے پر، مجسمے کو مہا وینریبل تھِچ مِنہ کوانگ نے روایتی بدھ مت رسومات کے ساتھ خوش آمدید کہا۔
تقریب میں سینئر ویتنامی حکام، مذہبی رہنماؤں اور بین الاقوامی معزز مہمانوں نے شرکت کی۔
پاکستان کی جانب سے دوستی، امن اور رواداری کا پیغامپاکستان کے سفیر کوہدیار مری نے اس موقع پر کہا کہ یہ تحفہ پاکستان کی روحانی اور ثقافتی میراث کا عکس ہے۔ ہم تمام مذاہب کا احترام کرتے ہیں اور امن، رواداری اور بین الثقافتی مکالمے کو فروغ دینا چاہتے ہیں۔ اسلام کا حقیقی پیغام بھی احترام اور ہم آہنگی ہے۔
یہ بھی پڑھیے پاکستان کیساتھ تجارتی حجم 1ارب ڈالر ہوجائیگا، سربراہ ٹریڈ مشن ویتنام
تھِچ مِنہ کوانگ نے اس اقدام کو بین المذاہب خیرسگالی کی روشن مثال قرار دیا اور پاکستان کا شکریہ ادا کرتے ہوئے کہا کہ یہ تعاون دونوں ممالک کے عوام کے درمیان باہمی سمجھ بوجھ اور دوستی کو فروغ دے گا۔
تقریب کا اختتام پاکستان اور ویتنام کے درمیان دیرپا دوستی، امن، اور روحانی یکجہتی کے لیے خصوصی دعاؤں کے ساتھ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بدھا کا مجسمہ پاکستان ویتنام تعلقات.
ذریعہ
ذریعہ: WE News
کلیدی لفظ: بدھا کا مجسمہ پاکستان ویتنام تعلقات پاکستان کی ویتنام کے
پڑھیں:
پاکستان بمقابلہ ویسٹ انڈیز آج رات اہم مقابلہ، سب کی نظریں میچ پر
آئرلینڈ (Ireland)میں جاری ویمنز ٹی ٹوئنٹی ٹرائنگولر سیریز میں پاکستان ویمن کرکٹ ٹیم(Women Cricket Team) کے لیے فائنل تک رسائی کا راستہ انتہائی مشکل ہو گیا ہے، کیونکہ اب ٹیم کو اپنے باقی دونوں میچز میں نہ صرف فتح حاصل کرنا ہوگی بلکہ بڑے مارجن سے کامیابی بھی درکار ہوگی۔
تفصیلات کے مطابق سیریز کے پوائنٹس ٹیبل پر صورتحال تیزی سے تبدیل ہو رہی ہے اور پاکستان کی فائنل میں رسائی اب مکمل طور پر رن ریٹ اور دیگر میچوں کے نتائج پر منحصر ہو چکی ہے۔ ٹیم کے لیے ہر میچ اب “ڈو یا ڈائی” کی حیثیت اختیار کر چکا ہے۔
پاکستان ویمن ٹیم آج رات 8 بجے ویسٹ انڈیز کے خلاف میدان میں اترے گی، جو اس مرحلے پر ایک انتہائی اہم اور فیصلہ کن مقابلہ تصور کیا جا رہا ہے۔ اس میچ میں شکست پاکستان کی فائنل تک رسائی کے امکانات کو مزید کم کر سکتی ہے، جبکہ بڑے مارجن سے فتح ہی امیدوں کو برقرار رکھ سکتی ہے۔
مزیدپڑھیں:لاہور ہائیکورٹ کا فیصلہ، خاتون کو دوسرے شوہر کے ساتھ جانے کی اجازت
اسی دوران سیریز کے چوتھے میچ میں آئرلینڈ نے ویسٹ انڈیز کو ڈک ورتھ لوئس سسٹم کے تحت صرف ایک رن سے شکست دے کر پوائنٹس ٹیبل پر پہلی پوزیشن حاصل کر لی ہے۔ یہ کامیابی نہ صرف آئرلینڈ کے لیے اہم سنگ میل ہے بلکہ ٹیم کے اعتماد میں بھی اضافہ کرے گی۔
مزید دلچسپ بات یہ ہے کہ یہ ٹی ٹوئنٹی انٹرنیشنل کرکٹ میں ویسٹ انڈیز کے خلاف آئرلینڈ کی پہلی فتح بھی ہے، جس نے سیریز کو مزید غیر متوقع اور سنسنی خیز بنا دیا ہے۔
اب تمام نظریں پاکستان اور ویسٹ انڈیز کے درمیان ہونے والے اہم میچ پر مرکوز ہیں، جو سیریز کی مجموعی صورتحال کو واضح کرنے میں فیصلہ کن کردار ادا کرے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ