بائیک سکیم ، کیا آپ ایک لاکھ روپے انعام کے اہل ہیں؟
اشاعت کی تاریخ: 4th, August 2025 GMT
پنجاب حکومت کی جانب سے بائیک اسکیم کے تحت 100,000 روپے حاصل کرنے کیلئے اہلیت چیک کرنے کا مکمل طریقہ کار سامنے آگیا۔
پنجاب حکومت نے ماحولیاتی آلودگی کے خاتمے اور صاف ستھری سفری سہولیات کے فروغ کے لیے شہریوں کو پٹرول سے الیکٹرک موٹر سائیکل پر منتقل ہونے کی ترغیب دینے کے لیے مالی معاونت پروگرام کا آغاز کیاہے۔
وزیراعلیٰ گرین کریڈٹ پروگرام” کے تحت شہریوں کو نئی الیکٹرک بائیک خریدنے اور رجسٹریشن کے بعد ایک لاکھ روپے تک کا مالی تعاون (گرین کریڈٹ) فراہم کیا جائے گا۔
پروگرام کی سربراہ رضوانہ انجم نے بتایا کہ ایسے شہری جو دسمبر 2024 کے بعد نئی الیکٹرک بائیک خرید چکے ہیں، وہ اس اسکیم کے لیے اہل ہوں گے۔
درخواست گزاروں کو درج ذیل معلومات فراہم کرنا ہوں گی۔ بائیک کی خریداری کی تاریخ، کمپنی اور ماڈل، رجسٹریشن نمبر، چیسز نمبر، رجسٹریشن بُک کی کاپی، گاڑی کی واضح تصاویر
درخواست کی تصدیق ایک نمائندہ خود آ کر کرے گا، جس کے بعد پہلی قسط میں 50,000 روپے ادا کیے جائیں گے۔
دوسری قسط (50,000 روپے) حاصل کرنے کے لیے شہریوں کو اپنی الیکٹرک بائیک کو “گرین کریڈٹ” موبائل ایپ سے منسلک کرنا ہوگا۔
اگر شہری چھ ماہ کے اندر 6,000 کلومیٹر سفر مکمل کر لیں، تو باقی رقم بھی ادا کر دی جائے گی۔
مالی سال 2025 میں 2,000 پیٹرول بائیکس اور 250 دیگر گاڑیاں الیکٹرک متبادل میں تبدیل کی جائیں گی، اس اقدام سے سالانہ 8,000 ٹن کاربن اخراج کم ہونے کی توقع ہے۔
حکومت کا ہدف ہے کہ 2030 تک پنجاب کی 30 فیصد ٹرانسپورٹ الیکٹرک ہو جائے، تاکہ ٹرانسپورٹ کے شعبے سے ہونے والی آلودگی میں 20 فیصد کمی آ سکے۔
پنجاب انوائرمنٹ پروٹیکشن ایجنسی کے مطابق، یہ اسکیم صرف نئی الیکٹرک موٹر سائیکلوں پر لاگو ہو گی، ریٹروفٹڈ یا تبدیل شدہ پرانی بائیکس اس اسکیم کا حصہ نہیں ہوں گی۔
ذریعہ: Daily Mumtaz
کلیدی لفظ: کے لیے
پڑھیں:
کراچی: کورنگی میں کیش وین لوٹنے والے 2 ملزمان گرفتار
—فائل فوٹوکراچی کے علاقے کورنگی میں دو روز قبل کیش وین لوٹنے والے دو ملزمان کو پولیس نے گرفتار کر لیا۔
ایس ایس پی کورنگی طارق نواز نے کہا ہے کہ ملزمان نے 97 لاکھ روپے لوٹے تھے، ان سے 35 لاکھ روپے برآمد کر لیے ہیں۔
انہوں نے بتایا کہ ملزمان سے 12 موبائل فون اور 2 پستول بھی ملے ہیں، ملزمان پر پہلے بھی مقدمات درج ہیں۔
ایس ایس پی کورنگی طارق نواز کا کہنا تھا کہ دیگر ملزمان کی گرفتاری کے لیے چھاپے مارے جا رہے ہیں۔
عالمی برادری غزہ کے امتحان میں ناکام ہو گئی، مصری وزیر خارجہ