قومی یکجہتی، استحکام اور اتحاد کی اشد ضرورت ہے، قومی استحکام پاکستان کانفرنس
اشاعت کی تاریخ: 5th, August 2025 GMT
خواجہ سلمان رفیق نے کہا کہ میں مولانا سید محمد عبدالخبیرآزاد کو قومی استحکام پاکستان کانفرنس کے کامیاب انعقاد پر دل کی اتھاہ گہرائیوں سے مبارکباد پیش کرتا ہوں۔ آزادی نعمت عظمیٰ ہے جس پر ہم اللہ تعالیٰ کا شکر ادا کرتے ہیں، وطن عزیز پاکستان کو اتحاد و وحدت، مذہبی ہم آہنگی، رواداری، امن، اخوت، محبت، بھائی چارہ، استحکام اور قومی یکجہتی کی اشد ضرورت ہے۔ اسلام ٹائمز۔ مجلس علماء پاکستان کے زیراہتمام قومی استحکام پاکستان کانفرنس کا انعقاد کیا گیا، جس میں جشن آزادی اور معرکۂ حق آپریشن بنیان مرصوص میں پاکستان کی عظیم فتح پر خوشی اور اپنی بہادر مسلح افواج کی قربانیوں اور شہداء پاکستان کو سلام و خراج تحسین پیش کیا گیا۔ کانفرنس میں میزبانی و قیادت چیئرمین مرکزی رؤیت ہلال کمیٹی پاکستان، خطیب بادشاہی مسجد مولانا سید عبدالخبیر آزاد نے کی، جبکہ صوبائی وزیر صحت پنجاب خواجہ سلمان رفیق، صوبائی وزیر انسانی حقوق پنجاب سردار رمیش سنگھ اروڑہ نے بطور مہمان خصوصی شرکت کی۔ مہمانان گرامی میں معروف سینئر صحافی تجزیہ نگار مجیب الرحمان شامی، سیکرٹری و چیف ایڈمنسٹریٹر مذہبی امور اوقاف پنجاب ڈاکٹر سید طاہر رضا بخاری اور سیکرٹری انسانی حقوق پنجاب فرید احمد تارڑ تھے۔ کانفرنس میں تمام مکاتب فکر کے جید علماء کرام و مشائخ عظام اور دیگر مذاہب عالم کے رہنماوں نے شرکت کی۔
خواجہ سلمان رفیق نے کہا کہ میں مولانا سید محمد عبدالخبیرآزاد کو قومی استحکام پاکستان کانفرنس کے کامیاب انعقاد پر دل کی اتھاہ گہرائیوں سے مبارکباد پیش کرتا ہوں۔ آزادی نعمت عظمیٰ ہے جس پر ہم اللہ تعالیٰ کا شکر ادا کرتے ہیں، وطن عزیز پاکستان کو اتحاد و وحدت، مذہبی ہم آہنگی، رواداری، امن، اخوت، محبت، بھائی چارہ، استحکام اور قومی یکجہتی کی اشد ضرورت ہے۔ ہم ملک دشمن طاقتوں کی تمام سازشوں کو ملکر ناکام بنائیں گے۔ مولانا سید محمد عبدالخبیرآزاد نے کہا کہ وطن عزیز پاکستان اللہ تعالیٰ کے حکم سے اسلام اور کلمہ طیبہ کی بنیاد پر حاصل کیا گیا جو لاکھوں انسانوں کی قربانیوں کے بعد معرض وجود میں آیا۔ پاکستان کو بنانے میں لاکھوں انسانوں نے اپنی جانوں کے نذرانے پیش کیے، آج پاکستان کو بچانے کیلئے ہمیں بیدار رہنا ہوگا، ہمارا ازلی دشمن ہمسایہ ملک بھارت مودی پاکستان میں دہشتگردی، بدامنی اور فرقہ واریت کو ہوا دے کر لسانیت کے نام پر ہمیں آپس میں لڑانا چاہتا ہے، افواج پاکستان اور ہمارے قومی سلامتی کے اداروں نے بھارتی جارحیت کا منہ توڑ جواب دے کر پاکستانی قوم اور اُمت مسلمہ کے دل جیت لیے۔
انہوں نے کہا کہ معرکۂ حق نے آزادی اور اس کے جشن کی اہمیت کو بڑھا دیا۔ پاکستان عالم اسلام کا قلعہ ہے، پوری اُمت مسلمہ کی دعائیں پاکستان کیساتھ ہیں۔ ڈاکٹر سید طاہر رضا بخاری و دیگر مقررین نے کہا کہ جشن آزادی اور فتح معرکۂ حق کا جشن پورے ملک میں اور تمام مدارس و مساجد و دیگر عبادت گاہوں میں جوش و خروش سے منایا جا رہا ہے، تمام علماء کرام اور پوری قوم پاکستان کی سلامتی و تحفظ اور دفاع کیلئے افواج پاکستان اور قومی سلامتی کے اداروں کے شانہ بشانہ کھڑی ہے، پوری قوم شہداء پاکستان اور معرکۂ حق بنیان مرصوص کی فتح عظیم پر افواج پاکستان کی لازوال قربانیوں کو سلام و خراج تحسین پیش کرتی ہے، الحمداللہ، پاکستان کا دفاع مضبوط ہاتھوں میں ہے، ہر آنیوالا دن ملک کے دفاع کو مضبوط بنا رہا ہے، پاکستان کی حفاظت کرنا ہم جانتے ہیں، افواج پاکستان نے اپنی بہادری سے پوری قوم کا سرفخر سے بلند کر دیا، پاک فوج ہمارا فخر ہے، اللہ تعالیٰ ہمارے وطن عزیز پاکستان کی حفاظت فرمائے۔
آخر میں تمام مکاتب فکر کے جید علماء کرام اور دیگر مذاہب عالم کے رہنماؤں نے ہاتھوں میں ہاتھ ڈال کر اظہار یکجہتی کیا، اور پاکستان زندہ باد، پاک فوج پائندہ باد کے فلک شگاف نعرے لگائے۔ کانفرنس کے اختتام پر عالم اسلام کے اتحاد، حرمین شریفین کے تحفظ، ملکی سلامتی ترقی و خوشحالی، استحکام پاکستان، مقبوضہ کشمیر اور غزہ و فلسطین کے مظلوم مسلمانوں کیلئے خصوصی دعا بھی کی گئی۔
ذریعہ: Islam Times
کلیدی لفظ: قومی استحکام پاکستان کانفرنس وطن عزیز پاکستان افواج پاکستان پاکستان کو پاکستان کی مولانا سید اللہ تعالی نے کہا کہ
پڑھیں:
بھارتی سکھ مذہبی آزادی سے محروم، مودی سرکار نے گرو نانک کے جنم دن پر یاترا روک دی
بھارت کی مودی حکومت نے ایک بار پھر سکھ برادری کو ان کے بنیادی مذہبی حق سے محروم کرتے ہوئے نومبر میں گرو نانک دیو جی کے پرکاش پورب پر پاکستان جانے والے یاتری جتھے کو سرحد پار کرنے سے روک دیا ہے۔ یہ اقدام نہ صرف دہرا معیار ظاہر کرتا ہے بلکہ سکھوں کے ساتھ دہائیوں سے جاری ریاستی ناانصافی کی ایک تازہ مثال بھی ہے۔
دہرا معیار اور مذہبی آزادی کی پامالیسکھ برادری کا مؤقف ہے کہ بھارت ہمیشہ ان کے جذبات کو کچلتا آیا ہے، کبھی 1984 کے فسادات میں قتل عام، کبھی پنجاب کے پانیوں پر بندش اور کبھی یاترا پر پابندیوں کی صورت میں۔ اب سیکیورٹی کے نام پر ننکانہ صاحب جانے سے روکنا مذہبی آزادی کی صریح خلاف ورزی ہے۔
دلچسپ امر یہ ہے کہ بھارتی حکومت ڈالروں کے حصول کے لیے پاکستان کے خلاف کرکٹ کھیلنے پر تیار ہو جاتی ہے مگر جب بات سکھ یاتریوں کی ہو تو سرحدیں بند کر دی جاتی ہیں۔
سیاسی ردعملپنجاب کے وزیر اعلیٰ بھگونت مان نے اس اقدام کو دہرا معیار قرار دیتے ہوئے کہا کہ اگر کرکٹ میچز ممکن ہیں تو یاترا کیوں نہیں؟ انہوں نے کہا کہ سکھ برادری کے مقدس مواقع پر اس طرح کی رکاوٹیں بھارت کے جمہوری اور سیکولر دعوؤں کو جھوٹا ثابت کرتی ہیں۔
پاکستان کی فراخدلی اور سکھوں کی عقیدتپاکستان نے سکھ یاتریوں کے لیے کرتارپور کوریڈور کھول کر وہ سہولت فراہم کی جس کا خواب سکھ دہائیوں سے دیکھ رہے تھے۔ ہر سال ہزاروں سکھ پاکستان آ کر اپنے مقدس مقامات پر حاضری دیتے ہیں، جہاں انہیں مکمل عزت و احترام دیا جاتا ہے۔
بڑھتی بے چینی اور خالصتان تحریکماہرین کے مطابق بھارت کی پالیسیوں سے سکھ نوجوانوں میں بے چینی بڑھ رہی ہے۔ یہ اقدامات خالصتان تحریک کو مزید توانائی دے رہے ہیں اور سکھ نوجوانوں میں علیحدگی پسندی کے جذبات کو ہوا دے رہے ہیں۔
عالمی برادری کا کردار
انسانی حقوق کے کارکنوں کا کہنا ہے کہ وقت آ گیا ہے کہ عالمی برادری بھارتی حکومت کے ان امتیازی اقدامات کا سنجیدگی سے نوٹس لے اور سکھوں کے مذہبی حقوق کے تحفظ کے لیے مؤثر کردار ادا کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت پاکستان سکھ یاتری
ارمغان کے والد کامران قریشی کی ضمانت منسوخ کرنے کی درخواست پر فیصلہ محفوظ