وزیر اعظم کی ملک بھر میں کسٹمز کلیئرنس اصلاحات نافذ کرنے کی ہدایت
اشاعت کی تاریخ: 5th, August 2025 GMT
اسلام آباد (ڈیلی پاکستان آن لائن) وزیراعظم شہباز شریف نے ایف بی آر کو کسٹم کلیئرنس سے متعلق انقلابی اصلاحات ملک بھر میں یکساں اور مؤثر طور پر نافذ کرنے کی ہدایت کردی۔
یہ ہدایات وزیراعظم شہباز شریف نے ایف بی آر میں مجوزہ اصلاحات پر جائزہ اجلاس کی صدارت کرتے ہوئے جاری کی ہیں۔
ایف بی آر حکام کا کہنا ہے کہ اجلاس کی صدارت کرتے ہوئے وزیراعظم نے کہا کہ اصلاحات کے بعد جی ڈی پی میں ٹیکس کلیکشن تناسب میں اضافہ قابل اطمینان ہے، وفاقی حکومت اور میں بذات خود حکام کی جانب سے اٹھائے گئے اصلاحاتی اقدامات کا تحفظ کریں گے۔وزیراعظم نے اصلاحات کی راہ میں سرخ فیتے اور ادارہ جاتی رکاوٹیں ختم کرنے کی بھی ہدایت دی اور کہا ملک بھر میں اصلاحات کے یکساں، مؤثر اور مستقل نفاذ کو یقینی بنائیں۔
عارف علوی کے بینک اکاؤنٹس منجمد کرنے کیخلاف درخواست، تفتیشی افسر طلب
انہوں نے کہا کہ کسٹم کلیرنس اصلاحاتی ایجنڈے میں ٹیکنالوجی کے استعمال سے ادارہ جاتی کارروائیوں کا دورانیہ کم کریں، آئندہ مالی سال پہلے سے عائد ٹیکسز کا مؤثر نفاذ ریونیو بڑھانے میں کلیدی کردار ادا کرے گا۔
مزید :.ذریعہ: Daily Pakistan
کلیدی لفظ: کرنے کی
پڑھیں:
موسمیاتی تبدیلی کے اثرات سے بچاؤ کے لیے گلگت بلتستان میں پیشگی اطلاعات کا جدید نظام قائم کیا جائے، وزیرِ اعظم
وزیرِ اعظم محمد شہباز شریف کی زیر صدارت گلگت بلتستان میں حالیہ مون سون بارشوں اور سیلاب سے ہونے والے نقصانات، امدادی کارروائیوں اور بحالی کے حوالے سے جائزہ اجلاس منعقد ہوا۔ اجلاس میں متعلقہ حکام نے حالیہ صورتحال، ممکنہ موسمی خطرات اور کیے گئے اقدامات پر تفصیلی بریفنگ دی۔
وزیرِ اعظم نے کہا کہ پاکستان موسمیاتی تبدیلی میں حصہ نہ ہونے کے باوجود اس کے مضر اثرات سے شدید متاثر ہو رہا ہے، اور اس حوالے سے فوری اور مربوط اقدامات کی ضرورت ہے۔ انہوں نے ہدایت کی کہ وقتی پیشن گوئی، امدادی تیاری اور کلائیمیٹ ریزیلیئنٹ انفراسٹرکچر کی تعمیر کو ترجیح دی جائے تاکہ مستقبل میں ایسی ہنگامی صورتحال سے بچا جا سکے۔
مزید پڑھیں: گلگت بلتستان اور آزاد کشمیر میں سیلاب کا الرٹ، این ڈی ایم اے کی تمام اداروں کو پیشگی اقدامات کی ہدایت
اجلاس میں وزیرِ اعظم نے این ڈی ایم اے اور وزارت موسمیاتی تبدیلی کو گلگت بلتستان میں ایک مشترکہ پیشگی اطلاعات و مانیٹرنگ سینٹر بنانے کی ہدایت کی۔ انہوں نے کہا کہ ہنگامی صورتحال میں فوری ریسکیو اور ریلیف کے لیے ایک جامع نظام تشکیل دیا جائے اور این ڈی ایم اے صوبائی حکومتوں اور اداروں کے ساتھ تعاون کو یقینی بنائے۔
وزیرِ اعظم نے مقامی آبادیوں کو پانی کی قدرتی گزرگاہوں سے دور بحال کرنے، سیاحتی مقامات پر موسم کی پیشگی آگاہی کا نظام بنانے اور شہری علاقوں میں نکاسی آب کے لیے متعلقہ اداروں کو تیار رکھنے کی ہدایات بھی دیں۔
اجلاس کو بتایا گیا کہ 21 جولائی کو گلگت بلتستان کے مختلف اضلاع میں شدید کلاؤڈ برسٹ کی وجہ سے سیلابی صورتحال پیدا ہوئی، جس میں 600 سے زائد افراد کو محفوظ مقامات پر منتقل کیا گیا۔ ریسکیو آپریشن میں پاک فوج، این ڈی ایم اے، ضلعی انتظامیہ، پولیس، 1122 اور ہیلتھ ورکرز نے حصہ لیا۔
مزید پڑھیں: گلگت بلتستان کو آفت زدہ قرار دیا جائے، وزیراعلیٰ حاجی گلبر کا امداد کے لیے وزیراعظم پاکستان کو خط
وزیرِ اعظم نے وزارت مواصلات کو ہدایت کی کہ متاثرہ شاہراہوں، پلوں اور انفراسٹرکچر کو کلائیمیٹ ریزیلیئنٹ معیار کے مطابق دوبارہ تعمیر کیا جائے۔ اس کے علاوہ انہوں نے وزارت موسمیاتی تبدیلی اور این ڈی ایم اے کو گلگت بلتستان میں گلیشئیل لیک آؤٹ برسٹ (GLOF) کی پیشگی اطلاعات کے نظام کی فوری تنصیب اور تیسرے فریق سے ویلیڈیشن کروانے کی ہدایت دی۔
وزیرِ اعظم نے وزیرِ آبی وسائل کو گلگت بلتستان میں پانی کے نظام کی بہتری کے حوالے سے مکمل منصوبہ بندی کرنے کی ہدایت کی۔
اجلاس میں وفاقی وزراء، گورنر گلگت بلتستان، وزیراعلیٰ گلگت بلتستان، چیئرمین این ڈی ایم اے اور دیگر حکام نے شرکت کی۔ وزیرِ اعظم نے امدادی کارروائیوں میں حصہ لینے والے تمام اداروں کے عملے کو خراج تحسین پیش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گلگت بلتستان وزیر اعظم محمد شہباز شریف
والدین بچوں کے لیے مشعلِ راہ