قائد شہیدؒ کا مشن ہماری رہنمائی کا محور ہے، سہیل اکبر شیرازی
اشاعت کی تاریخ: 5th, August 2025 GMT
اپنے بیان میں سہیل اکبر شیرازی نے کہا کہ شہید قائدؒ نے پاکستان میں اسلامی انقلاب، اتحاد امت اور سامراج دشمنی کا جو مشن شروع کیا تھا، وہ آج بھی ہمارے لئے مشعل راہ ہے۔ اسلام ٹائمز۔ مجلس وحدت مسلمین بلوچستان کے رہنماء سہیل اکبر شیرازی نے کہا ہے کہ قائد شہید علامہ عارف حسین الحسینیؒ ایک مرد مؤمن، عاشقِ ولایت اور ملت مظلوم کی آواز تھے۔ ان کی جدوجہد، قربانی اور افکار آج بھی ہماری رہنمائی کر رہے ہیں۔ قائد شہیدؒ کا مشن ہماری رہنمائی کا محور ہے۔ قائد شہید علامہ سید عارف حسین الحسینی کی برسی کی مناسبت پر اپنے جاری کردہ بیان میں ایم ڈبلیو ایم رہنماء نے کہا کہ شہید قائدؒ نے پاکستان میں اسلامی انقلاب، اتحاد امت اور سامراج دشمنی کا جو مشن شروع کیا تھا، وہ آج بھی ہمارے لئے مشعل راہ ہے۔ ہمیں چاہئے کہ ہم اپنی صفوں میں اتحاد پیدا کریں، دشمن کی سازشوں کو پہچانیں اور اسلامِ ناب محمدیؐ کے پیغام کو عام کریں۔ سہیل اکبر شیرازی نے نوجوانوں پر زور دیا کہ وہ قائد شہید کے افکار کو پڑھیں، ان کے خطبات سے رہنمائی حاصل کریں اور میدان عمل میں کردار ادا کریں۔ انہوں نے مزید کہا کہ ہم شہید قائد کے مشن سے وفاداری کا اعلان کرتے ہیں، اور ان کے بتائے ہوئے انقلابی راستے پر گامزن رہیں گے۔
.
ذریعہ
ذریعہ: Islam Times
کلیدی لفظ: سہیل اکبر شیرازی قائد شہید
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
پاکستان نے ورلڈ کپ 2028 کیلیے براہ راست کوالیفائی کر لیا