اولڈ ایچ ہوم کی تنہایوں میں مِسٹری مووی کا جنم، معمر افراد نے کمال کردکھایا
اشاعت کی تاریخ: 6th, August 2025 GMT
زندگی کی دوڑ میں تھک کر پیچھے رہ جانے اور مختلف سوالوں کی گونج میں عمر کا آخری حصہ گزارنے کی کوشش کرنے والے اولڈ ایج ہوم کے 5 باسیوں نے ایک مِسٹری مووی بناکر سب کو حیران کردیا۔
یہ بھی پڑھیں: کیا عمر رسیدہ افراد میں سماعت کی کمی ڈیمینشیا کا باعث بن سکتی ہے؟
برطانیہ کی کاؤنٹی گلوسٹرشائر کے شہر چیلتنم کے مونکسکرافٹ کیئر سینٹر کے بزرگوں نے یہ ثابت کر دیا کہ عمر صرف ایک عدد ہے۔ 72 سے 88 سال کی عمر کے 5 بزرگوں نے نہ صرف ایک دلچسپ مِسٹری فلم کی کہانی لکھی بلکہ خود اس میں اداکاری بھی کی۔ ممکن ہے اپنے خیالوں میں کئی دہائیاں پہلے اپنے ننھے بچوں کے لیے سارا وقت وقف کردینے اور اسی کو اپنی زندگی کا سرمایہ تصور کرنے والے ان افراد کے ذہنوں میں کئی سوال ایسے بھی ہوتے ہوں جن کے جواب انہیں نہ مل پاتے ہوں لیکن اپنی فلم میں شائقین کے لیے انہوں نے ہر معمے کا جواب بطور احسن پیش کیا۔
یہ 20 منٹ کی فلم ’مونکسکرافٹ تھرزڈے کلب‘ کے نام سے بنائی گئی جس کا اسکرپٹ لکھنے والی خاتون کا نام جوڈتھ گرین ہے۔ فلم کی کہانی ایک قیمتی ہیرے کی انگوٹھی کے گم ہونے کے گرد گھومتی ہے جسے یہ معمر ’جاسوس‘ ملنے کی کوشش کرتے ہیں۔
فلم کی خاص بات یہ ہے کہ یہ معروف مصنف رچرڈ اوسمن کی ’تھرزڈے مرڈر کلب‘ کتابوں سے متاثر ہو کر لکھی گئی۔ اگرچہ ابتدائی طور پر فلم میں قتل کے پہلو پر سوچا گیا تھا لیکن کیئر ہوم کے لیے یہ موضوع موزوں نہ سمجھا گیا جس کے بعد اسے ایک ہلکا پھلکا معمہ بنا دیا گیا۔
مزید پڑھیے: عمر رسیدہ جوڑے کو ہرسال ایک ہی چیز تحفے میں ملنے کا عجیب اتفاق
جوڈتھ گرین نے بتایا کہ فلم کی اسکرپٹ کئی بار دوبارہ لکھی گئی تاکہ ایسے جملے شامل کیے جائیں جنہیں ڈیمنشیا کے شکار بزرگ بھی آسانی سے یاد رکھ سکیں۔ ایک اداکارہ سارہ جونز، جنہوں نے ’اگاتھا کرسپی‘ کا کردار نبھایا نے کئی سینز میں دوسرے اداکاروں کو لائنیں یاد دلائیں جنہیں بعد میں ایڈیٹنگ کے دوران نکال دیا گیا۔
فلم بنانے میں کل 5 ماہ لگے اور اس کی رونمائی کی خصوصی تقریب کیئر ہوم میں منعقد کی گئی جس میں بزرگوں کے اہل خانہ نے بھی شرکت کی۔
جوڈتھ گرین کہتی ہیں کہ مجھے ڈر تھا کہ کہیں اسکرپٹ سب کو بور نہ کر دے لیکن جب سب نے ہنسنا شروع کیا تو میری جان میں جان آئی۔
یہ پوری فلم صرف ایک آئی فون پر فلمائی اور ایڈیٹ کی گئی۔
مزید پڑھیں: 115 سالہ برطانوی خاتون کو دنیا کے معمر ترین انسان کا اعزاز کیسے ملا؟
فلم کے دیگر دلچسپ کرداروں میں فریڈ مک نائٹ (ہیرکیولس بیرو)، پیٹر جیمز (بطور ہیری ہومز) اور پیٹریشیا جیئل (مس ماربلز) شامل تھے۔
پیٹریشیا جیئل نے کہا کہ یہ ایک شاندار تجربہ تھا میں ان لوگوں سے ملی جن سے پہلے (اولڈ ایج ہوم میں کیوں کہ وہ مختلف بلاکس میں رہتے تھے) کبھی ملاقات نہیں ہوئی تھی اور ہم سب نے مل کر بہت انجوائے کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اولڈ ایج ہوم اولڈ ایج ہوم کے باسی اولڈ ایج ہوم کے باسیوں کی مسٹری مووی گلوسٹرشائر.ذریعہ: WE News
کلیدی لفظ: اولڈ ایج ہوم گلوسٹرشائر اولڈ ایج ہوم ہوم کے کے لیے فلم کی
پڑھیں:
افغانستان کے ہندوکش خطے میں 6.3 شدت کا زلزلہ، 7 افراد جاں بحق، 150 زخمی
کابل: افغانستان کے ہندوکش پہاڑی خطے میں شدید زلزلے کے جھٹکے محسوس کیے گئے جس سے کئی مکانات زمین بوس ہوگئے، 7 افراد جاں بحق اور 150 سے زائد زخمی ہو گئے۔
امریکی جیولوجیکل سروے کے مطابق زلزلے کی شدت 6.3 اور گہرائی 28 کلومیٹر ریکارڈ کی گئی، جب کہ مرکز صوبہ سمنگان کے ضلع خُلم سے تقریباً 22 کلومیٹر جنوب مغرب میں تھا۔
خبر ایجنسیوں کے مطابق زلزلے کے جھٹکے مزار شریف، قندوز، بلخ اور تخار سمیت شمالی افغانستان کے کئی شہروں میں محسوس کیے گئے۔ زلزلے کے وقت شہری خوفزدہ ہوکر گھروں سے باہر نکل آئے اور کئی علاقوں میں رات بھر کھلے میدانوں میں رہے۔
عالمی خبر رساں ادارے اے ایف پی کے مطابق زلزلے کے باعث درجنوں مکانات کو نقصان پہنچا اور ہلاکتوں میں اضافے کا خدشہ ظاہر کیا جا رہا ہے۔
رپورٹس کے مطابق زلزلے کے اثرات تاجکستان، ترکمانستان، ازبکستان اور ایران میں بھی محسوس کیے گئے۔
واضح رہے کہ افغانستان میں رواں سال 31 اگست کو 6.0 شدت کے زلزلے میں 2 ہزار سے زائد افراد ہلاک ہوئے تھے، جبکہ 2023 میں بھی 6.3 شدت کے زلزلے اور آفٹر شاکس کے نتیجے میں 4 ہزار سے زیادہ اموات ہوئیں۔
ٹرمپ اور شی جن پنگ کی تاریخی ملاقات، چین امریکا تعلقات میں بہتری کی امید، کئی امور پر اتفاق