فیلڈ مارشل سید عاصم منیر کا چند روز میں امریکا کادوبارہ دورہ متوقع
اشاعت کی تاریخ: 7th, August 2025 GMT
فیلڈ مارشل سید عاصم منیر کا آئندہ چند روز میں امریکا کا دورہ متوقع ہے، جہاں وہ اپنے امریکی ہم منصبوں سے اہم مشاورت کریں گے۔ یہ دورہ امریکی سینٹرل کمانڈ (سینٹ کام) کے سربراہ جنرل مائیکل ایرک کوریلا کے حالیہ دورۂ پاکستان کے جواب میں کیا جا رہا ہے۔ یاد رہے کہ جنرل کوریلا جولائی کے آخر میں پاکستان آئے تھے اور اس موقع پر انہیں حکومتِ پاکستان کی جانب سے نشانِ امتیاز (ملٹری) سے بھی نوازا گیا تھا۔
سینٹ کام نے 4 اگست کو جاری کردہ ایک بیان میں جنرل کوریلا کے پاکستان اور خطے کے دیگر ممالک کے دورے کا ذکر کرتے ہوئے اس کی اہمیت کو اجاگر کیا تھا۔
فیلڈ مارشل عاصم منیر اس سے قبل جون میں بھی امریکا کا دورہ کر چکے ہیں، جہاں انہیں ایک غیر معمولی اعزاز کے طور پر سابق صدر ڈونلڈ ٹرمپ نے وائٹ ہاؤس میں ظہرانے پر مدعو کیا تھا — جو کہ عموماً صرف سربراہانِ مملکت یا حکومت کو دیا جاتا ہے۔
اگرچہ آئی ایس پی آر یا واشنگٹن میں پاکستانی سفارتخانے کی جانب سے اس مجوزہ دورے کے بارے میں کوئی باضابطہ بیان جاری نہیں کیا گیا، تاہم آرمی چیف نے اپنے گزشتہ دورے کے دوران عندیہ دیا تھا کہ وہ سال کے اختتام سے قبل دوبارہ امریکا جانے کا ارادہ رکھتے ہیں۔
یہ پیش رفت ایسے وقت پر سامنے آئی ہے جب حال ہی میں جنرل کوریلا نے امریکی کانگریس میں سماعت کے دوران پاکستان کو انسداد دہشت گردی میں “شاندار شراکت دار” قرار دیا اور خطے میں امن و استحکام کے فروغ میں پاکستان کے کردار کی تعریف کی۔
دوسری جانب، گزشتہ روز آئی ایس پی آر کے ترجمان نے اس قیاس آرائی کو واضح طور پر مسترد کر دیا کہ فیلڈ مارشل عاصم منیر صدرِ پاکستان بننے جا رہے ہیں۔ ان کا بیان وزیر داخلہ محسن نقوی کے اُس ردعمل کے بعد سامنے آیا جس میں انہوں نے بھی واضح کیا تھا کہ صدر کے استعفے یا نئے صدر کے طور پر آرمی چیف کی تقرری سے متعلق کوئی تجویز زیر غور نہیں ہے۔
لیفٹیننٹ جنرل احمد شریف چوہدری نے حالیہ انٹرویو میں ’دی اکانومسٹ‘ سے گفتگو کرتے ہوئے کہا کہ آرمی چیف کے صدر بننے کی خبروں میں کوئی صداقت نہیں اور یہ تمام باتیں محض قیاس آرائیاں ہیں۔
Post Views: 7.
ذریعہ
ذریعہ: Daily Mumtaz
پڑھیں:
چیئرمین وزیراعظم یوتھ پروگرام رانا مشہود احمد خاں کا امریکہ کی معروف یونیورسٹیوں کا دورہ
سٹی 42: چیئرمین وزیراعظم یوتھ پروگرام رانا مشہود احمد خاں نے امریکہ کی معروف یونیورسٹیوں کا دورہ کیا ۔
یونیورسٹی آف شکاگو کا دورہ
چیئرمین رانا مشہود احمد خاں نے کہا وزیراعظم یوتھ پروگرام نوجوانوں کو تعلیم، ہنر، روزگار اور عالمی مواقع سے جوڑنے کے لیے مؤثر اقدامات کر رہا ہے، ڈیجیٹل مہارتوں، قیادت اور کاروباری صلاحیتوں کے فروغ کے لیے عالمی اداروں کے ساتھ تعاون نوجوانوں کے روشن مستقبل کے لیے ضروری ہے۔ پاکستانی نوجوانوں کے لیے مختصر مدتی تربیتی پروگرام، کیریئر تیاری اور جدید مہارتوں کے مواقع پیدا کیے جا رہے ہیں، عالمی جامعات کے ساتھ شراکت داری پاکستان کے نوجوانوں کو بین الاقوامی معیار کی تعلیم اور مواقع فراہم کرے گی، یونیورسٹی آف شکاگو نے وزیراعظم یوتھ پروگرام کے ساتھ نوجوانوں کی ترقی اور تعلیمی تعاون کو فروغ دینے میں دلچسپی کا اظہار کیا.
آئی جی پنجاب نے27افسران کے تقرروتبادلے کر دیے
یونیورسٹی آف الینوائے شکاگو (UIC) کا دورہ
چیئرمین رانا مشہود احمد خاں نے کہا جدید تحقیق، طبی تعلیم اور ڈیجیٹل ہیلتھ کے شعبوں میں عالمی تعاون نوجوانوں کے لیے نئے راستے کھولے گا، جدید ٹیکنالوجی، تحقیق اور جدت کے شعبوں میں تعاون کے ذریعے پاکستانی نوجوانوں کو مستقبل کے تقاضوں کے مطابق تیار کیا جا سکتا ہے، وزیراعظم یوتھ پروگرام نوجوانوں کو جدید علوم اور عالمی معیار کی مہارتوں سے آراستہ کرنے کے لیے کوشاں ہے، پاکستان اور امریکہ کے درمیان تعلیمی و تحقیقی روابط کو مزید مضبوط بنانا حکومت کی اہم ترجیحات میں شامل ہے، یونیورسٹی آف الینوائے شکاگو (UIC) نے پاکستان کے ساتھ تحقیق، طبی تعلیم اور جدید ٹیکنالوجی کے شعبوں میں تعاون بڑھانے پر اتفاق کیا.
آج شام و رات سے 27 جولائی تک مزید بارشوں کی پیشگوئی
ڈی پال یونیورسٹی کا دورہ
چیئرمین رانا مشہود احمد خاں نے کہا نوجوانوں کو ڈیجیٹل مہارتوں، کاروباری صلاحیتوں اور قائدانہ تربیت سے آراستہ کرنا وقت کی اہم ضرورت ہے،پاکستانی طلبہ کی بڑھتی ہوئی تعداد دونوں ممالک کے مضبوط تعلیمی تعلقات کی عکاس ہے، بیرونِ ملک زیر تعلیم پاکستانی نوجوان ملک کے بہترین سفیر ہیں، وزیراعظم یوتھ پروگرام عالمی تعلیمی اداروں کے تعاون سے نوجوانوں کے لیے مزید مواقع پیدا کرنے کے لیے پرعزم ہے، ڈی پال یونیورسٹی نے پاکستانی نوجوانوں کے لیے تعلیمی مواقع، ڈیجیٹل مہارتوں اور تربیتی پروگراموں میں تعاون کی خواہش کا اظہار کیا.
لیونل میسی کا بین الاقوامی فٹبال سے ریٹائرمنٹ کا فیصلہ
بھارت سے جنگ اور افغانستان میں کارروائی خارج ازامکان نہیں، وزیردفاع