ہانیہ عامر کی عاصم اظہر کے کنسرٹ میں شرکت، میرب علی کے بھائی کا ردعمل وائرل ہوگیا
اشاعت کی تاریخ: 9th, August 2025 GMT
اداکارہ ہانیہ عامر کو حال ہی میں گلوکار عاصم اظہر کے ایک کنسرٹ میں پہلی قطار میں دیکھا گیا، جس پر سوشل میڈیا پر مختلف تبصرے سامنے آئے ہیں۔
ہانیہ عامر کی اپنے سابق بوائے فرینڈ اور اداکارہ و ماڈل میرب علی کے سابق منگیتر گلوکار عاصم اظہر کے کنسرٹ میں موجودگی نے سوشل میڈیا پر مداحوں کی خاص توجہ حاصل کی، جبکہ اس موقع پر میرب علی کے بھائی اور سوشل میڈیا انفلوئنسر رامس علی کی ایک ذو معنی انسٹاگرام اسٹوری بھی وائرل ہوئی جس کو ہانیہ اور عاصم اظہر کے درمیان پھر سے بڑھتی قربتوں سے جوڑا جارہا ہے۔
رامس علی نے اپنی انسٹاگرام اسٹوری میں لکھا، ’’وقت کی خوبصورتی یہ ہے کہ یہ سب کچھ سامنے لے آتا ہے۔‘‘ اس جملے کو سوشل میڈیا صارفین نے مختلف انداز میں لیا، بعض نے اسے ایک عمومی تبصرہ قرار دیا، جبکہ کچھ نے اسے ان کی بہن میرب کی زندگی اور منگنی ٹوٹنے کی حالیہ صورتحال سے جوڑتے ہوئے قیاس آرائیاں کیں۔
یاد رہے کہ ہانیہ عامر اور عاصم اظہر کا تعلق ماضی میں خبروں کی زینت بنتا رہا ہے، تاہم 2020 میں دونوں نے علیحدگی اختیار کرلی تھی۔ بعد ازاں عاصم اظہر کی منگنی میرب علی سے ہوئی، جو حال ہی میں ختم ہوگئی۔
ایک ساتھ نظر آنے کے مختلف حالیہ واقعات کے بعد ایک بار پھر ہانیہ اور عاصم کے درمیان ممکنہ قربتوں پر سوشل میڈیا پر بحث جاری ہے۔
.ذریعہ: Express News
کلیدی لفظ: عاصم اظہر کے سوشل میڈیا ہانیہ عامر میرب علی
پڑھیں:
سوشل میڈیاکامنفی استعمال معاشرتی بگاڑ کاسبب ہے‘مقررین
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) محکمہ اوقاف، مذہبی امور، زکوٰۃ و عشر، حکومت سندھ کے زیر اہتمام پروونشل سیرت النبیؐ ’’سوشل میڈیا کے مفید استعمال کی تعلیم و تربیت میں ریاستی ذمہ داریاں، سیرت النبیؐ کی روشنی میں‘‘ کے عنوان سے کانفرنس کا انعقاد کیا گیا۔ وفاقی وزیر برائے مذہبی امور و بین المذاہب ہم آہنگی سردار محمد یوسف نے بطور مہمانِ خصوصی شریک ہوئے۔ صوبائی وزیر اوقاف سندھ سید ریاض حسین شاہ شیرازی نے تقریب سے خطاب کرتے ہوئے انہوں نے کہا کہ اگر ہم سوشل میڈیا کے پلیٹ فارم کو تعمیری کردار، اخلاقی تربیت اور امن کے فروغ کے لیے بروئے کار لائیں تو یہ ہمارے معاشرے میں خیر و بھلائی کا ذریعہ بن سکتا ہے۔ ریاض شاہ شیرازی نے مزید کہا کہ سوشل میڈیا اگر تعلیم و تربیت، مثبت پیغام رسانی اور اخلاقی اقدار کے فروغ کے لیے استعمال ہو تو یہ ایک عظیم نعمت ہے لیکن اس کا منفی استعمال معاشرتی بگاڑ اور فساد کا باعث ہے۔ ہمیں سیرت النبی ؐ کی روشنی میں نوجوانوں کو اس خطرے سے بچانا ہوگا جس کے لیے ہر ایک کو اپنا مثبت کردار نبھانا ہو گا۔بعد ازاں وفاقی وزیر سردار محمد یوسف نے تقریب سے خطاب کیا اور اپنے خیالات کا اظہار کرتے ہوئے کہا کہ آج کے دور میں سوشل میڈیا ایک طاقتور ہتھیار ہے جو خیر اور شر دونوں کے لیے استعمال ہو سکتا ہے۔ ریاست کی ذمہ داری ہے کہ وہ سوشل میڈیا کے مثبت اور تعمیری استعمال کو یقینی بنائے۔ سیرتِ طیبہ ﷺ ہمیں یہ سبق دیتی ہے کہ نوجوان نسل کو سچائی، برداشت اور امن کی راہوں پر چلایا جائے۔ انہوں نے مزید کہا کہ سوشل میڈیا پر جھوٹ، نفرت اور فتنہ پھیلانے والوں کے خلاف مؤثر پالیسی سازی ناگزیر ہے۔ اس کے ساتھ ساتھ اساتذہ، والدین اور دینی رہنما نوجوان نسل کی صحیح تربیت میں اہم کردار ادا کر سکتے ہیں۔دوسری طرف مفتی منیب الرحمٰن سمیت دیگر مقررین نے بھی اپنے خطابات میں سیرت النبی ؐ کی روشنی میں جدید دور کے تقاضوں، خصوصاً سوشل میڈیا کے مثبت استعمال کی اہمیت پر روشنی ڈالی۔ انہوں نے زور دیا کہ سوشل میڈیا پر نفرت انگیزی، جھوٹ اور فتنہ کو روکنے کے لیے مؤثر پالیسی سازی وقت کی ضرورت ہے۔
کراچی: بیوی کے قتل کا کیس، شوہر اور اس کا ساتھی جسمانی ریمانڈ پر پولیس کے حوالے