بلوچستان کے نوجوانوں کے لیے ریکو ڈک مائننگ کمپنی نے اہم پروگرام شروع کردیا
اشاعت کی تاریخ: 9th, August 2025 GMT
ریکو ڈک مائننگ کمپنی نے بلوچستان کے نوجوانوں کو بااختیار بنانے کے لیے مینٹورشپ پروگرام کا آغاز کردیا ہے۔
ریکو ڈک مائننگ کمپنی (آر ڈی ایم سی) نے بلوچستان کے علاقے چاغی میں مقامی نوجوانوں کو بااختیار بنانے اور شمولیتی ترقی کو فروغ دینے کے لیے کمیونٹی مینٹورشپ ٹریننگ پروگرام کا آغاز کر دیا۔ اس پروگرام کا مقصد قریبی دیہات کے ہنر مند اور تعلیم یافتہ نوجوان مرد و خواتین کو ایسی مہارتیں، اعتماد اور علم فراہم کرنا ہے جو انہیں روزگار کی منڈی میں کامیابی سے داخل ہونے میں مدد دیں۔
یہ بھی پڑھیں: ریکوڈک منصوبہ بلوچستان کی ترقی کا نیا باب ثابت ہوگا، کنٹری مینیجر ضرار جمالی
یہ تربیتی پروگرام نوجوانوں کو عملی رہنمائی فراہم کرتا ہے جس میں سی وی تیار کرنا، انٹرویو تکنیک، ابلاغ کی صلاحیت اور پیشہ ورانہ طرزِ عمل شامل ہیں، تاکہ وہ بھرتی کے عمل میں بہتر کارکردگی دکھا سکیں۔ یہ تربیت ہمائی، دربن چاہ، تنگ کچاﺅ اور دیگر قریبی بستیوں کے نوجوانوں کے لیے مقامی سطح پر منعقد کی جارہی ہے اور اب تک 114 سے زائد نوجوان اس سے مستفید ہوچکے ہیں۔
پروگرام میں خواتین کی شمولیت پر خاص توجہ دی گئی ہے۔ تعلیم یافتہ خواتین کے لیے الگ سیشنز منعقد کیے گئے تاکہ وہ مستقبل میں آر ڈی ایم سی کے مواقع سے بھرپور فائدہ اٹھا سکیں۔
یہ بھی پڑھیں: ریکوڈک منصوبہ: معیشت، معدنیات اور سرمایہ کاری کا نیا دور
آر ڈی ایم سی کے ہیومن ریسورس لیڈ عنایت اللہ، جو خود نوکنڈی سے تعلق رکھتے ہیں، نے کہا کہ ’ہمارے لیے اصل ترقی صرف کان کنی نہیں بلکہ بلوچستان کے عوام، خاص طور پر مقامی دیہات کے نوجوانوں اور خواتین کے لیے پائیدار مواقع پیدا کرنا ہے۔‘
کمپنی کے مطابق مقامی روزگار، تعلیم، صحت اور کمیونٹی ڈیولپمنٹ کو فروغ دینا اس کے مشن کا اہم حصہ ہے اور یہ مینٹورشپ پروگرام اسی سلسلے کی ایک کڑی ہے تاکہ بلوچستان کے لوگ محض ترقی کے فائدہ اٹھانے والے نہ رہیں بلکہ مستقبل کے رہنما بنیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انٹرویو تکنیک بلوچستان پاکستان تنگ کچاؤ چاغی دربن چاہ روز گار ریکوڈک سی وی مائننگ کمپنی مقامی نوجوان ہمائی.ذریعہ: WE News
کلیدی لفظ: بلوچستان پاکستان تنگ کچاؤ چاغی دربن چاہ روز گار ریکوڈک سی وی مقامی نوجوان بلوچستان کے کے نوجوانوں کے لیے
پڑھیں:
چیف منسٹر انٹرن شپ پروگرام شروع، نوازشریف آئی ٹی سٹی گیم چینجر منصوبہ ثابت ہو گا: مریم نواز
لاہور (نیوز رپورٹر+نوائے وقت رپورٹ) وزیراعلیٰ مریم نواز کے ویژن کے مطابق ڈیجیٹل پنجاب کے خواب کی تکمیل کی جانب اہم قدم اٹھاتے ہوئے پنجاب میں چیف منسٹر آئی ٹی انٹرن شپ پروگرام کا آغازکر دیا گیا۔ آئی ٹی گریجویٹس کو آئی ٹی کمپنیوں کے ساتھ منسلک کرنے کی شاندار کاوش ہے۔ چیف منسٹر آئی ٹی انٹرن شپ پروگرام کے تحت پانچ ماہ کی انٹرن شپ کے دوران 50 ہزار روپے سکالر شپ دیا جائے گا۔ آئی ٹی اور کمپیوٹر سائنس گریجویٹس کے معروف سافٹ ویئر ہاؤسز میں انٹرن شپ کا شاندار موقع ہے۔ آئی ٹی گریجویٹس مارکیٹ کے مطابق سکلز اور ٹیکنالوجی میں ٹریننگ حاصل کر سکیں گے۔ آئی ٹی کمپنیز میں انٹرن شپ سے پروفیشنل اور ایکسپرٹ ماہرین سے استفادہ کرنے کا نادر موقع بھی ملے گا۔ چار سال میں ڈگری مکمل کرنے والے پنجاب کے رہائشی آئی ٹی گریجویٹ آن لائن اپلائی کر سکتے ہیں۔ cmitinterns.punjab.gov.pk پر طلبہ آن لائن اپلائی کر سکتے ہیں۔ وزیراعلیٰ مریم نوازشریف نے کہاکہ پنجاب کو آئی ٹی کا حب بنا کر ترقی کی نئی راہ پر گامزن کر رہے ہیں۔ نواز شریف آئی ٹی سٹی گیم چینجر منصوبہ ثابت ہوگا۔ جبکہ ماحول پر کاپ 30 کانفرس کل سے برازیل میں شروع ہوگی، کانفرنس 21 نومبر تک جاری رہے گی۔ وزیراعلیٰ مریم نواز پنجاب کی نمائندگی کریں گی۔ سینئر صوبائی وزیر مریم اورنگزیب، وزیربلدیات ذیشان رفیق اور وزیر تعلیم رانا سکندر حیات بھی وزیراعلیٰ کے ساتھ ہوں گے۔ وزیراعلیٰ مریم نواز 19 ماہ میں ’ویسٹ ٹو ویلیو، وژن ٹو گلوبل ایکشن‘ کے پنجاب حکومت کے وژن پر گفتگو کریں گی۔ پنجاب میں الیکٹرک گاڑیوں پر مبنی ٹرانسپورٹ، ستھرا اور گرین پنجاب کی تفصیلات بیان کریں گی۔ پنجاب میں سموگ کے خاتمے اور فضائی معیار کی بہتری کے اقدامات پر بات کریں گی، تاریخ میں پہلی بار پنجاب کے تمام شعبوں کوماحول دوست بنانے کے اقدامات بیان کریں گی۔ پنجاب کے 42 شہروں میں الیکٹرک بسیں چلانے کے اقدام پر روشنی ڈالیں گی۔ صوبہ کو ٹی 30 وژن کے ماحولیاتی معیار کا صوبہ بنانے کا اعلان کریں گی۔ پنجاب میں ایک لاکھ بیس ہزار الیکٹرک موٹرسائیکل اور رکشے چلانے کے وژن پر بات کریں گی، 1100 الیکٹرک ٹیکسیاں چلانے کے اقدامات پر وزیراعلیٰ اظہار خیال کریں گی۔وزیراعلیٰ پنجاب مریم نواز نے جنوبی افریقہ کے خلاف ون ڈے سیریز جیتنے پرقومی کرکٹ ٹیم کو مبارکباد اور شاباش دی اور کہاکہ صائم ایوب کی عمدہ بیٹنگ نے پاکستان کی جیت میں اہم کردار ادا کیا ہے۔ پاکستانی ٹیم نے بہترین کھیل کا مظاہرہ کر کے فتح حاصل کی۔
باجوڑ میں فورسز کی کارروائی‘سیاسی رہنمائوں کے قتل میں ملوث دہشتگرد ہلاک