سرکاری حج سکیم 2026ء کیلئے درخواستوں کی وصولی کا پہلا مرحلہ مکمل
اشاعت کی تاریخ: 9th, August 2025 GMT
ترجمان مذہبی امور کے مطابق سمندر پار پاکستانی بھی قریبی عزیز کے ذریعے نامزد بینکوں میں حج کا داخلہ کروا سکتے ہیں۔ انہوں نے کہا کہ بیرون ملک مقیم افراد میڈیکل فٹنس سرٹیفکیٹ وطن پہنچنے پر جمع کروائیں گے۔ اسلام ٹائمز۔ ترجمان مذہبی امور کے مطابق سرکاری حج سکیم 2026ء کے لیے درخواستوں کی وصولی کا پہلا مرحلہ مکمل ہو گیا۔ ترجمان مذہبی امور کے مطابق آن لائن پورٹل اور نامزد بینکوں میں جمع درخواستوں کی تعداد 71 ہزار سے تجاوز کر گئی۔ انہوں نے کہا کہ اخراجات کی پہلی قسط کے ساتھ درخواستوں کی وصولی 11 تا 16 اگست جاری رہے گی، دوسرے مرحلے میں غیر رجسٹرڈ عازمین حج بھی درخواست جمع کرا سکیں گے۔
ترجمان مذہبی امور کے مطابق سمندر پار پاکستانی بھی قریبی عزیز کے ذریعے نامزد بینکوں میں حج کا داخلہ کروا سکتے ہیں۔ انہوں نے کہا کہ بیرون ملک مقیم افراد میڈیکل فٹنس سرٹیفکیٹ وطن پہنچنے پر جمع کروائیں گے، کوٹہ مکمل ہوتے ہی حج درخواستوں کی وصولی روکنے کا اعلان کر دیا جائے گا۔
ذریعہ: Islam Times
کلیدی لفظ: ترجمان مذہبی امور کے مطابق درخواستوں کی وصولی
پڑھیں:
لیاقت محسود کا پولیس دفاتر میں داخلہ بند کر دیا گیا
data-id="863a0a8" data-element_type="widget" data-widget_type="theme-post-content.default">
251108-08-12
کراچی ( رپورٹ/ محمد علی فاروق )سندھ پولیس کے اعلیٰ افسران نے خود ساختہ پولیس ترجمان کے طور پر سرگرم ڈمپر ایسوسی ایشن کے چیئرمین لیاقت محسود کے حوالے سے اہم فیصلہ کرتے ہوئے اس کا تمام پولیس دفاتر، بالخصوص پولیس ہیڈکوارٹرز اور ضلعی آفسز میں داخلہ بند کر دیا ہے۔ ذرائع کے مطابق لیاقت محسود پر سرکاری افسران کے ساتھ تصاویر بنانے اور خود کو پولیس کا نمائندہ ظاہر کرنے کی شکایات موصول ہو رہی تھیں۔ متعدد افسران نے تحریری طور پر اطلاع دی تھی کہ ملزم مختلف تھانوں اور دفاتر میں پولیس افسر کے دوست کی حیثیت سے داخل ہو کر تصاویر بنواتا اور سوشل میڈیا پر شائع کرتا ہے، جس سے ادارے کی ساکھ متاثر ہو رہی تھی۔ پولیس کے اعلیٰ افسران نے واضح کیا ہے کہ لیاقت محسود کا محکمہ پولیس کے کسی افسر سے کسی قسم کا تعلق نہیںاور اس کے خلاف جاری انکوائری مکمل ہونے تک اسے کسی بھی پولیس آفس یا تقریب میں داخل ہونے کی اجازت نہیں ہوگی۔ترجمان سندھ پولیس کے مطابق لیاقت محسود کے خلاف قانون کے مطابق مقدمہ درج کرنے اور تفتیشی سطح پر طلب کرنے کے فیصلے کے بعد ملزم کی حیثیت سے یہ فیصلہ لیا گیا ہے۔ افسران نے کہا کہ اگر کوئی سرکاری اختیارات کا ناجائز استعمال کرتا ہے تو اس کے خلاف سخت قانونی کارروائی کی جائے گی۔ مزید بتایا گیا ہے کہ محکمہ پولیس نے تمام ضلعی افسران، ایس ایس پی اور ایس ایچ اوز کو ہدایت جاری کی ہے کہ لیاقت محسود کو کسی بھی سرکاری تقریب یا دفتر میں داخل نہ ہونے دیا جائے اور اگر وہ کسی بھی تھانے یا پولیس افسر سے رابطہ کرے تواس کی اطلاع فوری طور پر سی سی پی او کراچی کو دی جائے۔ ذرائع کے مطابق لیاقت محسود کے خلاف ممکنہ طور پر تعزیرات پاکستان کی دفعات کے تحت جعلی شناخت اور سرکاری حیثیت کے غلط استعمال کا مقدمہ درج کرنے کے حوالے سے اسکروٹنی کی جارہی ہے ۔پولیس کے مطابق یہ اقدام ادارے کی ساکھ، نظم و ضبط، اور عوامی اعتماد کے تحفظ کیلیے اٹھایا گیا ہے۔
پاکستان کے سمندر سے توانائی کی نئی اْمید