آزادی ایک نعمت ہے اور ہمیں اس پر فخر ہونا چاہیئے، میئر کراچی
اشاعت کی تاریخ: 10th, August 2025 GMT
میڈیا سے بات چیت کرتے ہوئے مرتضیٰ وہاب نے کہا کہ ہمیں اپنے شہر کو صاف ستھرا رکھنے اور شجرکاری کو فروغ دینے کا عزم کرنا ہے، ایسی تقریبات نہ صرف عوام کو ایک دوسرے کے قریب لاتی ہیں بلکہ قومی یکجہتی اور حب الوطنی کے جذبات کو بھی فروغ دیتی ہیں۔ اسلام ٹائمز۔ میئر کراچی بیرسٹر مرتضی وہاب نے فرئیر ہال میں تین روزسے جاری فیملی فیسٹول میں شرکت کی۔ اس موقع پر ڈپٹی مئیر سلمان عبداللہ مراد، ایم ڈی سندھ سالڈ ویسٹ مینجمنٹ بورڈ طارق علی نظامانی و دیگر موجود تھے۔ میئر کراچی نے اس موقع پر کہا کہ آزادی ایک نعمت ہے اور ہمیں اس پر فخر ہونا چاہیئے، دنیا میں بہت ساری قومیں آزادی کی اس نعمت سے محروم ہیں اور اس بات پر اور زیادہ فخر کرنا چاہیئے کہ معیشت اور آبادی کے لحاظ سے پاکستان سے بڑا ملک جو اپنی معیشت پر ناز کرتا تھا، پاکستان کی قوم نے متحد ہو کر چاہے فوجی میدان ہو، یا سفارتی میدان یا میڈیا کا میدان ہوہر جگہ مودی کو چاروں شانے چتِ کیا ہے۔ انہوں نے کہا یہ پاکستان کا جھنڈا ہے تو ہم ہیں اپنے گھروں پر، پارکوں گاڑیوں پر جھنڈا لگائیں، ہمیں فخر ہے پاکستانی ہونے پر پاکستان نے ہمارے لئے بہت کچھ کر لیا اب وقت ہے کہ ہم اس ملک کے لئے کچھ کریں۔
ایک صحافی کے سوال پر انہوں نے جواب میں کہا کہ کیا لوگ اپنے کمرے میں اپنے گھر دفتر میں کچرا پھینکتے ہیں؟ یہ شہر بھی ہمارے گھر کی طرح ہے شہری کچرا کھلے ایریا میں پھینکنے سے گریز کریں تاکہ کراچی شہر صاف ستھرا رہے۔ انہوں نے کہا کہ سندھ سالڈ ویسٹ کا عملہ کچرا اٹھا رہا ہے اور صفائی کے کام میں بہت بہتری آئی ہے، اگر شہری بھی تعاون کریں گے تو شہر کا ماحول خوشگوار اور صحت مند ہوگا۔ ایم ڈی سندھ سالڈ ویسٹ مینجمنٹ بورڈنے اس موقع پر کہا کہ یومِ آزادی کے موقع پر عہد کریں کہ ملک کی خدمت کریں گے اور ملک کی ترقی کے لئے اپنا کردار ادا کریں گے، ہمیں اپنے شہر کو صاف ستھرا رکھنے اور شجرکاری کو فروغ دینے کا عزم کرنا ہے۔ انہوں نے مزید کہا کہ ایسی تقریبات نہ صرف عوام کو ایک دوسرے کے قریب لاتی ہیں بلکہ قومی یکجہتی اور حب الوطنی کے جذبات کو بھی فروغ دیتی ہیں۔
ذریعہ
ذریعہ: Islam Times
پڑھیں:
رکشہ ڈرائیور نے چالان ہونے پر رکشے کو آگ لگا دی
حافظ آباد (ڈیلی پاکستان آن لائن) حافظ آباد میں رکشہ ڈرائیور نے چالان ہونے پر اپنے رکشے کو آگ لگا دی۔
نجی ٹی وی چینل جیو نیوز کے مطابق ٹریفک وارڈن کی جانب سے ریلوے پھاٹک کے قریب رکشہ ڈرائیور کا چالان کیا گیا جس پر ڈرائیور مشتعل ہوگیا اور اس نے اپنے رکشے کو آگ لگا دی۔
پولیس کے مطابق رکشہ ڈرائیور کا کہنا تھا کہ آئے روز کے بھاری جرمانوں سے تنگ ہوکر رکشے کو آگ لگائی ہے۔
دوسری جانب ڈی پی او کامران حمید کا کہنا ہےکہ واقعے کے بعد متعلقہ ٹریفک وارڈن کو معطل کر کے تحقیقات شروع کر دی گئی ہے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ