بحریہ ٹاﺅن کے رہائشیوں کے تمام قانونی حقوق، جائیدادیں اور سرمایہ کاری محفوظ ہے.نیب
اشاعت کی تاریخ: 11th, August 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔11 اگست ۔2025 )قومی احتساب بیورو اسلام اباد نے بحریہ ٹاﺅن کے رہائشیوں کو یقین دلایا ہے کہ ان کے تمام قانونی حقوق، جائیدادیں اور سرمایہ کاری محفوظ ہے بحریہ ٹاﺅن کے چیئرمین ملک ریاض بیرون ملک مقیم ہیں جبکہ پاکستان میں ان کے اور ان کی ہاﺅسنگ سوسائٹی کے خلاف متعدد الزامات کے تحت تحقیقات جاری ہیں اور تین مقدمات میں ملک ریاض کو اشتہاری قرار دیا گیا ہے جبکہ حال ہی میں نیب نے بحریہ ٹاﺅن کی ملکیتی اربوں روپے مالیت کی چند جائیدادوں کی نیلامی کا انعقاد بھی کیا ہے.
(جاری ہے)
نجی ٹی وی کے مطابق نیب کی جانب سے جاری بیان میں کہا گیا ہے کہ کچھ مخصوص عناصر کی طرف سے پھیلائی جانے والی خبریں صرف مذکورہ لوگوں کو پریشان کرنے اور اس کی آڑ میں ان کی جائیدادوں کو کم قیمت پر خریدنے کی ایک گہری سازش ہے ادارے کا کہنا ہے کہ مذکورہ رہائشی اور مالکان بھی نیب کی نظر میں وہ متاثرین ہیں جن کے ساتھ دھوکہ دہی اور فراڈ کیا گیا ہے اور نیب ان کے حقوق کا تحفظ کرنے میں کوئی کسر نہیں چھوڑے گا. نیب نے واضح کیا ہے کہ بحریہ ٹاﺅن کے خلاف جاری کارروائیاں ان کے مالکان اور ان کی جائیدادوں تک محدود ہیں اور نیب نے اس بات کا تہیہ کیا ہوا کہ جب تک یہ لوگ قانون کے آگے پیش ہو کر لوٹی ہوءرقوم واپس نہیں کرتے، نیب اپنی قانونی کارروائیاں بغیر کسی دباﺅ کے جاری رکھے گا . بیان میں کہا گیا ہے کہ نیب کی طرف سے تمام رہائشی اور مالکان جائیداد کو تاکید کی جاتی ہے کہ وہ کسی بھی منفی اور شرانگیز معلومات یا خبر پر دھیان نہ دیں اور سکون کے ساتھ اپنے معمولات زندگی جاری رکھیں اور کسی بھی مشکوک عمل کے بارے میں فوری طور نیب کو آگاہ کریں. واضح رہے کہ حال ہی میں وفاقی وزیر اطلاعات عطا اللہ تارڑ نے دعویٰ کیا تھاکہ وفاقی تحقیقاتی ادارے کو ایک جاری تفتیش میں ملک ریاض اور بحریہ ٹاﺅن کے خلاف ایک ارب روپے سے زائد کی مبینہ منی لانڈرنگ کے ثبوت ملے ہیں جس پر مزید تفتیش جاری ہے.
ذریعہ: UrduPoint
کلیدی لفظ: تلاش کیجئے بحریہ ٹاﺅن کے گیا ہے
پڑھیں:
وزیرِاعظم شہباز شریف کا پاکستان میں گوگل کے دفاتر اور سرمایہ کاری کا خیرمقدم، ہری پور میں اسمبلی لائن خوش آئند قرار
وزیراعظم محمد شہباز شریف نے پاکستان میں گوگل کی جانب سے دفاتر کے قیام اور سرمایہ کاری کے منصوبوں کا خیرمقدم کرتے ہوئے کہا ہے کہ یہ اقدام حکومت کی ان پالیسیوں پر اعتماد کا اظہار ہے جن کا مقصد ملک میں کاروبار میں آسانی اور غیر ملکی سرمایہ کاری کو فروغ دینا ہے۔
یہ بھی پڑھیں: پاکستان میں گوگل کروم بُک کی پہلی اسمبلی لائن کا افتتاح، عام صارفین کو کیا فائدہ ہوگا؟
شہباز شریف نے ہری پور میں گوگل کی مصنوعات کی اسمبلی لائن کے قیام کو خوش آئند قرار دیتے ہوئے کہا کہ اس سے نہ صرف ملک میں ٹیکنالوجی کے شعبے میں ترقی ہوگی بلکہ مقامی سطح پر آئی ٹی مصنوعات کی تیاری سے عوام کو سستی ٹیکنالوجی دستیاب ہوگی۔
ڈیجیٹل پاکستان کے وژن کی جانب ایک اہم قدموزیراعظم نے کہا کہ حکومت نے روز اول سے پاکستان کو ڈیجیٹل نیشن بنانے کو اپنی ترجیحات میں شامل کیا۔
ان کے مطابق ملک کے نوجوانوں کو آئی ٹی کے شعبے میں بااختیار بنانے کے لیے حکومت ہر ممکن اقدامات کر رہی ہے۔
مزید پڑھیے: گوگل نے پنجاب حکومت کو بڑی پیشکش کردی
انہوں نے کہا کہ گوگل کی جانب سے پاکستانی نوجوانوں کی تربیت کے لیے مفاہمتی یادداشت پر دستخط اسی سلسلے کی ایک اہم کڑی ہے جو نوجوانوں کو عالمی معیار کی مہارتوں سے آراستہ کرنے میں مدد دے گی۔
نوجوانوں کے لیے لیپ ٹاپس اور تربیتی پروگراموزیراعظم شہباز شریف نے بتایا کہ وفاقی حکومت ایک لاکھ باصلاحیت نوجوانوں کو لیپ ٹاپس فراہم کر رہی ہے تاکہ وہ انفارمیشن ٹیکنالوجی کے شعبے میں ترقی کے مواقع حاصل کر سکیں۔
وزیرِ اعظم محمد شہباز شریف کا پاکستان میں گوگل کی جانب سے دفاتر کے قیام اور سرمایہ کاری کا خیرمقدم، ہری پور میں گوگل کی مصنوعات کی اسمبلی لائن کا قیام خوش آئند قرار
گوگل جیسی بین الاقوامی آئی ٹی کمپنیاں پاکستان میں کاروباری میں آسانی اور سرمایہ کاری کو فروغ دینے کی حکومت کی… pic.twitter.com/1Z0in6CPk0
— PTV News (@PTVNewsOfficial) November 7, 2025
انہوں نے کہا کہ ملک بھر میں نوجوانوں بشمول خواتین کے لیے آئی ٹی تربیتی پروگرامز جاری ہیں جن کے مثبت نتائج سامنے آ رہے ہیں۔
مزید پڑھیں: پرائم منسٹر یوتھ لیپ ٹاپ اسکیم 2025 کا باقاعدہ آغاز ہوگیا
ان کا کہنا تھا کہ ان پروگراموں کی بدولت نوجوان اب بین الاقوامی سروس انڈسٹری میں زیادہ مسابقتی ہو رہے ہیں اور باعزت روزگار حاصل کر کے خود کفیل بن رہے ہیں۔
ٹیکنالوجی کے فروغ اور برآمدی صنعت میں بہتریوزیراعظم شہباز شریف نے کہا کہ مقامی سطح پر آئی ٹی مصنوعات کی تیاری سے نہ صرف درآمدی انحصار کم ہوگا بلکہ برآمدی صنعت کے فروغ سے ملک کے لیے زرمبادلہ میں اضافہ بھی ممکن ہوگا۔
یہ بھی پڑھیے: گوگل نے تاریخ رقم کردی، ایک سہ ماہی میں 100 بلین ڈالر سے زائد آمدنی
انہوں نے مزید کہا کہ حکومت پاکستان کو خطے میں انفارمیشن ٹیکنالوجی کا مرکز بنانے کے لیے تیزی سے اقدامات کر رہی ہے۔
آئی ٹی وزارت کی کاوشوں کی تعریفوزیراعظم نے ملک میں آئی ٹی کے فروغ کے لیے وفاقی وزیر انفارمیشن ٹیکنالوجی اور ان کی ٹیم کی کاوشوں کو قابل تحسین قرار دیتے ہوئے کہا کہ ان کی انتھک کوششوں سے پاکستان ٹیکنالوجی کے میدان میں نمایاں پیشرفت کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عورتوں کو بس بچے پیدا کرنے والی شے سمجھا جاتا ہے؛ ثانیہ سعید