عمران خان اور دیگر اشتہاری ملزمان کی بنی گالہ زرعی اراضی کی نیلامی
اشاعت کی تاریخ: 11th, August 2025 GMT
پاکستان تحریک انصاف (پی ٹی آئی) کے بانی عمران خان، ان کی اہلیہ بشریٰ بی بی اور دیگر افراد کے خلاف القادر ٹرسٹ نیب ریفرنس میں اہم پیش رفت سامنے آئی ہے۔ نیلامی کے عمل میں عمران خان سمیت اشتہاری ملزمان کی بنی گالہ میں موجود زرعی جائیداد کو نیلام کر دیا گیا۔
رپورٹ کے مطابق القادر ٹرسٹ کیس کے اشتہاری ملزمان میں فرحت شہزاد (فرح گوگی) بھی شامل ہیں، جنہیں جنوری 2024 میں عدالت نے اشتہاری قرار دیا تھا۔ اس کیس میں دیگر اشتہاری ملزمان میں زلفی بخاری اور شہزاد اکبر کا نام بھی شامل ہے۔
نیلامی کی تفصیلات
آج موہڑہ نور بنی گالہ میں405 کنال زرعی اراضی فی کنال 34 لاکھ 20 ہزار روپے میں نیلام کی گئی۔ اس کے علاوہ، کلب روڈ کے سولہ کنال کے موٹل پلاٹ اور 241 کنال زرعی زمین کی نیلامی میں کوئی بولی نہ آئی۔ نیلامی کا عمل اسسٹنٹ کمشنر سیکریٹریٹ کے تحت کیا گیا، جس میں عزیر علی خان اور دیگر کمیٹی ممبران موجود تھے۔ نیلامی کا وقت صبح گیارہ بجے مقرر تھا، تاہم آکشن کمیٹی تقریباً پانچ بج کر انتیس منٹ پر پہنچی۔
نیلامی کے حوالے سے اشتہار
نیلامی کے سلسلے میں اسسٹنٹ کمشنر سیکریٹریٹ نے ایک اشتہار جاری کیا تھا، جس میں عمران خان کی جائیداد کو نیلامی کے لیے پیش کرنے کا ذکر تھا۔ اشتہار میں کہا گیا کہ نیلامی میں 248 کنال 8 مرلے اور 405 کنال 3 مرلے کی زمین پیش کی جائے گی۔ نیلامی میں حصہ لینے والوں سے 50 لاکھ روپے کا پے آرڈر جمع کرانے کی شرط رکھی گئی تھی۔
پی ٹی آئی کا ردعمل
پاکستان تحریک انصاف کے سیکریٹری جنرل، سلمان اکرم راجہ نے اس نیلامی کی خبر پر ردعمل دیتے ہوئے کہا کہ اگر عمران خان کی بنی گالہ رہائش گاہ کی نیلامی ہوئی ہے تو یہ خفیہ کارروائی کا نتیجہ ہو سکتا ہے۔ انہوں نے اپنے سوشل میڈیا اکاؤنٹ پر کہا کہ بنی گالہ کے منتظمین اس معاملے سے لاعلم ہیں اور ان کی لیگل ٹیم معاملے کی مکمل تحقیقات کر رہی ہے۔
سلمان اکرم راجہ نے مزید کہا کہ نیب ریفرنس نمبر 19/2023 جسے عوامی طور پر القادر ٹرسٹ کیس کے طور پر جانا جاتا ہے، میں دیگر ملزمان کو اشتہاری قرار دیا جا چکا ہے۔ ان کی ٹیم نیلامی کی جائیدادپر مکمل نظر رکھے ہوئے ہے۔
ذریعہ: Daily Mumtaz
پڑھیں:
تلہار ،زرعی ادویات کمپنی کی جانب سے سیمینار کا انعقاد
data-id="863a0a8" data-element_type="widget" data-widget_type="theme-post-content.default">
250926-5-5
تلہار (نمائندہ جسارت) تلہار نجی زرعی ادویات کی کمپنی ٹارگٹ کی جانب سے تلہار کے نواحی گاؤں ساجن ہالیپٹو میں زرعی سیمینار منعقد کیا گیا جس تلہار سمیت گردونواح کے علاقوں کے زمینداروں نے بڑی تعداد میں شرکت کی کمپنی کے نمائندوں نے دھان کی فصل کی کاشت اور بہتر نتائج حاصل کرنے کے لیے کسانوں کو مشورے دیے گاؤں کے معززین ساجن ہالیپٹو نے مہمانوں کو سندھ کی ثقافت اجرک کے تحفے پیش کیے۔ اس موقع پر راشد آرائیں، تابش اور عنایت نے کسانوں سے خطاب کرتے ہوئے کہا کہ نجی کمپنی کے بیج، کھاد اور ادویات استعمال کرنے کی وجہ سے ہماری پیداوار میں غیر معمولی اضافہ ہواہے اس مہنگائی کے دور میں سائنسی تحقیق پر مبنی ہائبرڈ بیچ کا استعمال ہی کسان کی پیداوار میں اضافہ کرسکتا ہے مقامی زمینداروں جن میں عبدالسلام تھیبو، محمد بخش ہالیپٹو، شبیر خواجہ، عرفان سمیت دیگر نے نجی کمپنی کی ادویات اور بیج کا معائنہ کیا اور نجی کمپنی کی ادویات اور بیج استعمال کرنے کا ارادہ ظاہر کیا۔
ایشیا کپ سپر فور: پاک-بھارت میچ میں متنازع ریفری اینڈی پائیکرافٹ ہی امپائرنگ کریں گے