بانی پی ٹی آئی کی ضمانت کی 8 اپیلوں پر پنجاب حکومت کو نوٹس جاری
اشاعت کی تاریخ: 12th, August 2025 GMT
فائل فوٹو
سپریم کورٹ نے بانی پی ٹی آئی کی ضمانت کی 8 اپیلوں پر پنجاب حکومت کو نوٹس جاری کردیا۔
سپریم کورٹ نے پراسیکیوشن ڈپارٹمنٹ کو قانونی سوالات پر تیاری کا حکم دیا ہے۔
چیف جسٹس یحییٰ آفریدی کا کہنا ہے کہ ضمانت کی درخواست میں فائنڈنگ دی گئی ہیں، ضمانت کے فیصلے میں فائنڈنگ ٹھیک ہے یا نہیں، اس کو فی الحال ٹچ نہیں کرنا، فی الحال ابھی ہم قانونی معاملات میں نہیں جائیں گے۔
ان کا کہنا ہے کہ ابھی قانونی فائنڈنگ کو ٹچ کیا تو کسی ایک کے لیے کیس متاثر ہوسکتا ہے، آج فریقین کو نوٹسز جاری کر رہے ہیں۔
بانی پی ٹی آئی کے وکیل سلمان صفدر نے کہا کہ میں کچھ بولنا چاہتا ہوں۔
سپریم کورٹ میں9 مئی کے مقدمات میں بانی پی ٹی آئی کی ضمانت بعد از گرفتاری کی8 اپیلیں سماعت کے لیے مقرر کر دی گئیں۔
چیف جسٹس یحییٰ آفریدی نے وکیل سلمان صفدر کو روسٹرم پر بولنے کی اجازت نہیں دی۔
چیف جسٹس یحییٰ آفریدی نے کہا کہ کیا ضمانت کیس میں حتمی آبزرویشنز دی جاسکتی ہیں؟ دونوں سائیڈ کے وکلاء قانونی سوالات پر معاونت کریں، وکلاء آئندہ سماعت تک لیگل ایشوز پر تیاری کرلیں۔
چیف جسٹس پاکستان کی سربراہی میں 3 رکنی بینچ نے سماعت 19 اگست تک ملتوی کردی۔ اس بینچ میں میاں گل حسن اورنگزیب اور جسٹس شفیع صدیقی بھی شامل تھے۔
.ذریعہ: Jang News
کلیدی لفظ: بانی پی ٹی آئی کی ضمانت ضمانت کی چیف جسٹس
پڑھیں:
پاکستان اسٹاک ایکسچینج میں تیزی برقرار، 100 انڈیکس 1,42,000 کی سطح عبور کرگیا