لاہور: گھر میں ڈکیتی کی واردات میں ملوث میاں بیوی گرفتار
اشاعت کی تاریخ: 12th, August 2025 GMT
لاہور:
نصیر آباد پولیس نے گھر میں ڈکیتی کی واردات میں ملوث میاں بیوی کو گرفتار کر لیا۔
پولیس ترجمان کے مطابق شوہر سمیع اللہ اور خاتون ثمینہ کو فون لوکیشن سے ٹریس کرکے گرفتار کیا گیا، خاتون ملزمہ گلبرگ عسکری 5 میں واقع گھر میں کام کرتی تھی۔
گھر سے گھریلو اشیاء اور نقدی غائب ہونے کے باعث ملزمہ کو کام سے فارغ کر دیا گیا تھا تاہم ملزمہ نے چوری چھپے گھر کی ڈپلیکیٹ چابی بنا رکھی تھی۔
دونوں ملزمان گھر والوں کی غیر موجودگی میں چوری کر کے فرار ہوگئے تھے، ملزمان ضلع قصور کے رہائشی ہیں واردات کے بعد 1 سال سے لاہور میں روپوش تھے، ملزمان سے تفتیش جاری ہے۔
ایس پی ماڈل ٹاؤن اخلاق اللہ تارڑ کا کہنا ہے کہ عوام سے التماس ہے اپنے ملازمین کی جانچ پڑتال متعلقہ تھانے سے لازمی کروائیں، عوام کے جان و مال کی حفاظت اولین ترجیح ہے۔
.ذریعہ: Express News
پڑھیں:
فون توڑنے پر بیوی نے سرعام شوہر کی پٹائی کردی، ویڈیو وائرل
بھارت کی ریاست اترپردیش کے شہر للت پور میں پیش آنے والے ایک غیر معمولی واقعے نے سوشل میڈیا پر دھوم مچادی ہے، جہاں ایک خاتون نے اپنے شوہر کو سڑک پر سب کے سامنے تشدد کا نشانہ بنایا۔
بھارتی میڈیا کے مطابق واقعہ اس وقت پیش آیا جب میاں بیوی کے درمیان کسی معاملے پر گرما گرمی شروع ہوئی۔ بحث بڑھتے بڑھتے ہاتھا پائی تک جا پہنچی اور شوہر نے غصے میں آ کر بیوی کا موبائل فون چھین کر زمین پر دے مارا۔ فون ٹوٹنے کی دیر تھی کہ خاتون شدید طیش میں آ گئی اور شوہر کو بالوں سے پکڑ کر کھینچتی ہوئی سڑک پر پیٹنا شروع کر دیا۔
عینی شاہدین کے مطابق خاتون نے شوہر پر تھپڑوں اور مکوں کی بارش کر دی جبکہ آس پاس موجود لوگ حیرت سے یہ منظر دیکھتے رہے۔ کچھ راہگیر بیچ بچاؤ کرنے کی کوشش کرتے دکھائی دیے مگر خاتون کے غصے کے آگے کسی کی ایک نہ چلی۔
اتنی دیر میں پولیس بھی موقع پر پہنچ گئی اور شوہر کو خاتون کے چنگل سے آزاد کرانے کی کوشش کی، لیکن خاتون کا غصہ اس قدر شدید تھا کہ اہلکاروں کو بھی کافی دقت پیش آئی۔
اس واقعے کی ویڈیو کسی راہگیر نے موبائل سے بنائی اور سوشل میڈیا پر شیئر کر دی جو تیزی سے وائرل ہو گئی۔ ویڈیو میں صاف دیکھا جا سکتا ہے کہ خاتون شوہر کو بالوں سے پکڑ کر گھسیٹ رہی ہیں اور اردگرد لوگ اس منظر کی ویڈیو بنا رہے ہیں۔
https://www.instagram.com/reel/DNNVLfhA5yM/یہ واقعہ نہ صرف مقامی سطح پر بلکہ پورے بھارت میں بحث کا موضوع بن گیا ہے۔ کچھ صارفین نے خاتون کی حرکت کو "غصے پر قابو نہ رکھنے کی مثال" قرار دیا تو کچھ نے کہا کہ عوامی جگہ پر اس طرح کا رویہ میاں بیوی دونوں کے لیے شرمندگی کا باعث ہے۔
وزیراعلیٰ سندھ کی لیاری کراچی کی فٹبال ٹیم کو ناروے کپ جیتنے پر مبارکباد