جاپانی جارحیت کے خلاف چینی عوام کی جنگ اور فاشزم مخالف عالمی جنگ کی فتح کی 80 ویں سالگرہ کی مناسبت سے چینی سفارتخانہ کے زیرِ اہتمام سمپوزیم کا انعقاد
اشاعت کی تاریخ: 13th, August 2025 GMT
اسلام آباد(نیوز ڈیسک)پاکستان میں چینی سفارتخانہ نے جاپانی جارحیت کے خلاف چینی عوام کی جنگ اور فاشزم مخالف عالمی جنگ کی فتح کی 80 ویں سالگرہ کی مناسبت سے ایک سمپوزیم اور فوٹو نمائش کا انعقاد کیا۔ اس موقع پر پاکستان میں تعینات چین کے سفیر جیانگ زائی ڈونگ اور پاکستان کی قومی اسمبلی کے ڈپٹی اسپیکر سید غلام مصطفیٰ شاہ نے شرکت کی ۔ اس تقریب میں پاکستانی حکومت، سیاسی جماعتوں، تھنک ٹینکس اور میڈیا کے نمائندے بھی شریک ہوئے۔اس تقریب کی نظامت کے فرائض پاکستان چائنا انسٹیٹوٹ کے ایگزیکٹو ڈائریکٹر مصطفٰی حیدر سید اور چینی سفارتخانہ کے قونصلر وانگ شینگ جی نے ادا کیے۔
چینی سفیر جیانگ زائی ڈونگ نے اس موقع پر کہا کہ چین کے عوام کی جاپانی جارحیت کے خلاف مزاحمتی جنگ کی فتح نے فاشزم مخالف عالمی جنگ کی کامیابی میں تاریخی کردار ادا کیا۔ کمیونسٹ پارٹی آف چائنا (سی پی سی) نے پوری قوم کی مزاحمت کا پرچم سب سے پہلے بلند کیا اور جنگ میں فیصلہ کن کردار ادا کیا۔ انہوں نے اس بات پر زور دیا کہ جنگِ عظیم دوم کے بعد قائم ہونے والا بین الاقوامی نظام اس وقت سنگین چیلنجز کا سامنا کر رہا ہے۔ عالمی جنوب کے اہم رکن ممالک کی حیثیت سے چین اور پاکستان کو مل کر دوسری جنگ عظیم کی فتح کے ثمرات کا دفاع کرنا چاہیے، حقیقی کثیرالجہتی پر عمل پیرا ہونا چاہیے اور ترقی پذیر ممالک کے مفادات کا تحفظ کرنا چاہیے۔
پاکستان کی قومی اسمبلی کے ڈپٹی اسپیکر سید غلام مصطفیٰ شاہ نے اپنے خطاب میں کہا کہ جاپانی جارحیت کے خلاف مزاحمتی جنگ میں چین کی فوج اور عوام نے ایشیا اور دنیا میں امن کے دفاع کے لیے عظیم قربانیاں دیں اور اس میں سی پی سی کا کردارنہایت اہمیت کا حامل تھا۔ یکطرفہ پسندی اور بالادستی کے رویوں کے مقابلے میں پاکستان چین کے ساتھ مضبوطی سے کھڑا رہے گا اور پرامن ترقی اور باہمی فائدے پر مبنی تعاون کے راستے پر گامزن رہے گا۔
ذریعہ: Daily Mumtaz
کلیدی لفظ: جاپانی جارحیت کے خلاف کی فتح جنگ کی
پڑھیں:
جدید جاپانی رکشا پاکستانی کی سڑکوں پر، خصوصیات کیا ہیں؟
جاپان کی معروف الیکٹرک وہیکل ساز کمپنی ٹیرا موٹرز نے پاکستان میں اپنا جدید بیٹری سے چلنے والا تھری وہیلر رکشا ’کیورو‘ متعارف کرا دیا ہے۔
کیورو نیکسٹ جنریشن الیکٹرک تھری وہیلر ہے جو شہری سفری ضروریات اور لاسٹ مائل لاجسٹکس یعنی سامان کی ترسیل میں بھی اہم کردار ادا کرے گا۔ اس الیکٹرک رکشا کی رفتار 55 کلومیٹر فی گھنٹہ سے زائد کی ہے جبکہ یہ ایک چارج پر 200 کلومیٹر تک کا فاصلہ طے کر سکتا ہے۔
یہ بھی پڑھیں: پرانی گاڑیوں پر عائد ریگولیٹری ڈیوٹی ختم کی جا رہی ہے؟
اس میں نصب 11.7 کلوواٹ آور بیٹری طویل دورانیے تک کارآمد رہتی ہے اور صرف 4 گھنٹے میں مکمل چارج ہو جاتی ہے۔ اور یہ دشوار گزار پہاڑی راستوں پر بھی آسان چڑھائی ممکن بناتا ہے۔
ماحول دوست اور کفایتی ٹیکنالوجی کی حامل یہ گاڑی کم آپریٹنگ اخراجات کے باعث نہ صرف عام شہریوں بلکہ کاروباری طبقے کے لیے بھی ایک پرکشش انتخاب ثابت ہو سکتی ہے۔
یہ بھی پڑھیں: نئی انرجی وہیکل پالیسی پاکستان کا سرسبز مستقبل، 30 فیصد گاڑیاں الیکٹرک بنانے کا ہدف
ٹیرا موٹرز کارپوریشن کے منیجنگ ڈائریکٹر مسٹر گو سوزوکی نے کہا ہے کہ پاکستان میں ’کیورو‘ نہ صرف شہری ٹرانسپورٹ میں جدت لائے گا بلکہ ایندھن پر انحصار میں کمی، روزگار کے مواقع میں اضافہ اور ماحولیاتی بہتری کے فروغ کا سبب بھی بنے گا۔
ان کا مزید کہنا تھا کہ کمپنی پاکستان میں قابلِ اعتماد ڈسٹریبیوشن پارٹنرز کی تلاش میں ہے تاکہ مقامی سطح پر سرمایہ کاری، ٹیکنالوجی کا تبادلہ، ہنر مندی کی ترقی اور ’لوکل ویلیو ایڈیشن‘ کو فروغ دیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکڑانک رکشا جاپانی رکشا رکشا
پاک سعودی معاہدے کے حوالے سے پی ٹی آئی پر تنقید مریم نواز کی نالائق ذہن کی عکاسی ہے، بیرسٹر سیف