پنجاب میں جشنِ آزادی پر 41 اضلاع میں بیک وقت آتشبازی
اشاعت کی تاریخ: 14th, August 2025 GMT
ویب ڈیسک: 79ویں یومِ آزادی کے موقع پر وزیراعلیٰ پنجاب مریم نواز شریف کی خصوصی ہدایت پر پنجاب بھر میں جشنِ آزادی ایک نئی تاریخ کے طور پر منایا گیا۔یہ پہلا موقع تھا کہ صوبے کے تمام 41 اضلاع میں بیک وقت آتش بازی، لیزر شوز، میوزک کنسرٹس اور ڈرون شوز کا انعقاد کیا گیا، جس نے رات کے اندھیروں کو رنگ و روشنی سے بھر دیا۔
رات 12 بجتے ہی لاہور، راولپنڈی، مری، ملتان، فیصل آباد اور دیگر تمام اضلاع کی فضاؤں میں رنگ و نور کے نظارے بکھر گئے، آسمان رنگین روشنیوں سے جگمگا اُٹھا اور شہریوں نے بچوں و اہل خانہ کے ساتھ اس تاریخی لمحے کو خوشی سے منایا۔
پاک فوج خطرات سے نمٹنے کیلئے تیار، آزادی و خودمختاری پر کبھی سمجھوتہ نہیں کریں گے: فیلڈ مارشل
یہ پہلا موقع تھا کہ سرکاری سطح پر اتنی بڑی تعداد میں اور بیک وقت تقریبات منعقد کی گئیں، جن میں ہزاروں شہریوں نے جوش و جذبے کے ساتھ شرکت کی، اس موقع پر شاندار ڈرون شوز اور ڈیجیٹل لائٹ پرفارمنسز نے بھی عوام کی بھرپور توجہ حاصل کی، خصوصاً بچوں اور خواتین نے ان مناظر سے خوب لطف اٹھایا۔
تقریبات میں معروف فنکاروں نے "دل دل پاکستان" سمیت مقبول ملی نغمے پیش کئے، جن پر حاضرین جھوم اٹھے، مختلف اضلاع میں میوزک کنسرٹس بھی منعقد کئے گئے، جبکہ پارکس، بازاروں، چوراہوں، سرکاری و نجی عمارتوں کو خوبصورتی سے سجایا گیا۔
یوم آزادی کے موقع پر گوگل کا ڈوڈل تبدیل
وزیراعلیٰ مریم نواز شریف کی اپیل پر عوام نے بھی پرجوش انداز میں شرکت کی، گھروں، گاڑیوں اور موٹر بائیکس پر قومی پرچم لہرائے گئے، ہر طرف حب الوطنی کا جذبہ نمایاں نظر آیا۔
.ذریعہ: City 42
پڑھیں:
لاہور، فلسطین کے مظلوم عوام کیساتھ اظہار یکجہتی کیلئے طلبہ ریلی
ریلی میں طلبا و طالبات کی بڑی تعداد ہاتھوں میں پلے کارڈزاوربینرز اٹھائے شریک ہوئی۔ مظاہرین نے ’’فلسطین کی آزادی تک جنگ جاری رہے گی‘‘ اور ’’القدس ہماری جان‘‘ کے فلک شگاف نعرے لگائے۔ طلبا و طالبات نے ریلی کے دوران فلسطین کے مظلوم عوام کیساتھ مکمل یکجہتی کا اظہار کیا۔ اسلام ٹائمز۔ منصورہ ہائی سکول و کالج کے طلبا و طالبات کی جانب سے فلسطین کے حق میں ریلی نکالی گئی۔ ریلی میں طلبا و طالبات کی بڑی تعداد ہاتھوں میں پلے کارڈزاوربینرز اٹھائے شریک ہوئی۔ مظاہرین نے ’’فلسطین کی آزادی تک جنگ جاری رہے گی‘‘ اور ’’القدس ہماری جان‘‘ کے فلک شگاف نعرے لگائے۔ طلبا و طالبات نے ریلی کے دوران فلسطین کے مظلوم عوام کیساتھ مکمل یکجہتی کا اظہار کیا۔ اساتذہ کرام اور پرنسپل نے بھی ریلی میں خصوصی شرکت کی اور طلبا کا حوصلہ بڑھایا۔ ریلی کے دوران فلسطینی شہداء کو خراج عقیدت بھی پیش کیا گیا۔ ریلی کے شرکاء نے عالمی طاقتوں کی بے حسی اور مظالم پر مجرمانہ خاموشی کی بھی مذمت کی۔ اس موقع پر امیر جماعت اسلامی طلحہ ادریس نے بھی ریلی میں خصوصی شرکت کی۔ ریلی کے اختتام پر شرکاء نے فلسطین کی آزادی، شہداء کے درجات کی بلندی کیلئے دعا کی۔
پاک،امریکا بہتر تعلقات بڑی کامیابی، فوری فوائد کا امکان نہیں