حادثے کے شکار ہیلی کاپٹر کا بلیک باکس نہ مل سکا، شہداء کی میتیں پشاور منتقل
اشاعت کی تاریخ: 15th, August 2025 GMT
—فوٹو: اے ایف پی
خیبر پختونخوا میں امدادی کاموں کے دوران حادثے کا شکار ہونے والے ہیلی کاپٹر کا بلیک باکس تاحال نہیں مل سکا۔
سرکاری حکام کا کہنا ہے کہ بلیک باکس کا ڈیٹا حادثے کی وجوہات جاننے میں اہم کردار ادا کرے گا۔
یہ بھی پڑھیے خیبر پختونخوا حکومت کا ہیلی کاپٹر حادثے کی تحقیقات کا فیصلہ علی امین گنڈاپور کا کل کے پی میں سوگ کا اعلان، قومی پرچم سرنگوں رہے گاہنگامی حالات میں ہیلی کاپٹر میں سائرن بجا یا نہیں اس بات کا بلیک باکس سے پتہ چلے گا۔
حادثے کی وجوہات جاننے کے لیے تحقیقاتی ٹیم ہفتے کو جائے وقوع کا دورہ کرے گی۔
سرکاری حکام کے مطابق ہیلی کاپٹر حادثے میں شہید 5 افراد کی میتیں پشاور منتقل کر دی گئی ہیں۔
میتیں حیات آباد میڈیکل کمپلیکس منتقل کی گئیں، 2 شہداء کا تعلق لاہور،1 شہید کا تعلق تلہ گنگ، 1 شہید کا تعلق ابیٹ آباد اور 1 شہید کا صوابی سے تعلق ہے۔
.ذریعہ: Jang News
کلیدی لفظ: ہیلی کاپٹر بلیک باکس
پڑھیں:
خیبر پختونخوا حکومت کا ہیلی کاپٹر حادثے میں جانی نقصان پر کل یومِ سوگ منانے کا اعلان
وزیراعلیٰ خیبر پختونخوا علی امین گنڈاپور نے تصدیق کی ہے کہ صوبائی حکومت کا ایم آئی 17 ہیلی کاپٹر باجوڑ کے بارشوں سے متاثرہ علاقوں میں امدادی سامان لے جاتے ہوئے خراب موسم کے باعث کریش کرگیا۔
یہ بھی پڑھیں: خیبرپختونخوا: سیلاب متاثرین کی مدد کے لیے جانے والا سرکاری ہیلی کاپٹر تباہ، 5 افراد شہید
وزیراعلیٰ کے مطابق یہ حادثہ باجوڑ کے متاثرہ علاقے کی جانب امدادی مشن کے دوران پیش آیا، جس میں 2 پائلٹس سمیت عملے کے 5 افراد شہید ہوئے۔
وزیراعلیٰ کے مطابق حادثے کی اطلاع ملتے ہی امدادی ٹیمیں جائے وقوعہ پر روانہ کردی گئیں، جبکہ شہدا کی میتوں کو پورے سرکاری اعزاز کے ساتھ سپرد خاک کیا جائے گا۔
اس سانحے پر صوبائی حکومت نے کل صوبے میں سوگ کا اعلان کیا ہے اور قومی پرچم سرنگوں رکھنے کی ہدایت جاری کی ہے۔
وزیراعلیٰ نے کہاکہ ہم شہدا کے اہل خانہ کے غم میں برابر کے شریک ہیں اور ان کے لیے صبر جمیل کی دعا کرتے ہیں۔
یہ بھی پڑھیں: ملک بھر میں شدید بارشیں، نشیبی علاقوں میں سیلابی صورتحال کے پیش نظر الرٹ جاری
انہوں نے شہدا کو خراج تحسین پیش کرتے ہوئے کہاکہ ہیلی کاپٹر عملے نے دوسروں کی جانیں بچانے کے لیے اپنی جانیں قربان کیں، یہ ہمارے اصل ہیرو ہیں اور ان کی قربانی تاریخ میں سنہرے حروف سے لکھی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جانی نقصان خیبرپختونخوا حکومت علی امین گنڈاپور وزیراعلیٰ خیبرپختونخوا وی نیوز یوم سوگ
حکومت ماحولیاتی تبدیلی کے خطرات سے نمٹنے کے لئے فعال حکمت عملی پر گامزن ہے، احسن اقبال