واٹر بورڈ کے کرپٹ افسران کی مبینہ ملی بھگت سے پانی چوری بے نقاب
اشاعت کی تاریخ: 16th, August 2025 GMT
مبینہ ٹائون عظیم خان گوٹھ ،گلشن اقبال اور اطراف کے مکینوں کو ملنے والا پانی چوری ہو کر فروخت ہونے لگا
ویڈیوز بھی بن گئی ،سرکاری لائنوں پر کوئی بھی کام واٹر بورڈ کو اطلاع کے بغیر نہیں روک سکتے، پولیس حکام
واٹر بورڈ کے کرپٹ افسران کی مبینہ ملی بھگت سے پانی چوری کرنے کا انکشاف سامنے آیا ہے۔تفصیلات کے مطابق واٹر بورڈ کے کرپٹ افسران کی مبینہ ملی بھگت سے پانی چوری کرنے کا انکشاف سامنے آیا ہے، گلشن اقبال اور اطراف کے مکینوں کو ملنے والا پانی چوری ہو کر فروخت ہونے لگا ہے۔مقامی لوگوں کے مطابق مبینہ ٹائون عظیم خان گوٹھ میں پانی کی سرکاری لائن پنکچر کردی گئی اور غیر قانونی کنکشن کے ذریعے سے قریبی فیکٹری کو پانی کی سپلائی کیا جارہا ہے۔سب سوائل واٹر کی آڑ میں غیر قانونی لائن بچھا کر پانی کی چوری جاری ہے، علاقہ مکینوں نے رات میں لائن بچھانے کے دوران کھدائی کی ویڈیوز بھی بنائی ہیں۔پولیس حکام نے اس حوالے سے کہاکہ سرکاری لائنوں پر کوئی بھی کام واٹر بورڈ کو اطلاع کے بغیر نہیں روک سکتے، تحریری شکایت ملی تو سخت قانونی کارروائی کی جائے گی۔
.ذریعہ: Juraat
کلیدی لفظ: واٹر بورڈ پانی چوری
پڑھیں:
کراچی: مبینہ مقابلے میں بھتہ خور ہلاک
اسپیشل انویسٹی گیشن یونٹ پولیس نے ملیر تھدو ندی بکرا پیڑی کے قریب مبینہ مقابلے میں ایک بھتہ خور کو ہلاک کر دیا۔ نارتھ کراچی میں ڈاکوؤں کی فائرنگ سے پولیس اہلکار زخمی ہوگیا جبکہ دو ڈاکو زخمی حالت میں فرار ہو گئے۔
تفصیلات کے مطابق اسپیشل انویسٹی گیشن یونٹ (ایس آئی یو) پولیس نے ملیر تھدو ندی بکرا پیڑی کے قریب مبینہ مقابلے میں ایک ملزم کو ہلاک کر دیا۔
ترجمان ایس آئی یو پولیس کے مطابق مارے جانے والے ملزم انتہائی اہم بھتہ خور تھا جس کی شناخت غلام قادر ولد محمد صدیق کے نام سے کی گئی۔ مارے جانے والا بھتہ خور گینگ وار گروہ صمد کاٹھیاواڑی کا کراچی میں نیٹ ورک سنبھالتا تھا اور کچھ روز قبل ملیر سٹی کے علاقے میں معروف بلڈر سے بھتہ طلب کرنے میں بھی ملوث تھا۔
ترجمان کے مطابق ہلاک بھتہ خور کے قبضے سے بھتے میں استعمال کیے جانے والا موبائل فون اور اسلحہ برآمد بھی برآمد ہوا ہے۔ پولیس نے ہلاک ملزم کی لاش ضابطے ک کارروائی کے لیے اسپتال منتقل کر دی اور اس حوالے سے مزید تفتیش کا عمل جاری ہے۔
دریں اثنا، نارتھ کراچی دربار ہوٹل کے قریب گلی میں پولیس اور ڈاکوؤں کے درمیان مقابلے میں فائرنگ سے پولیس اہلکار زخمی ہوگیا۔
خواجہ اجمیر نگری پولیس کے مطابق مقابلے کے دوران دو ڈاکو زخمی حالت میں فرار ہوگئے جن کی تلاش کا عمل جاری ہے جبکہ فائرنگ کے تبادلے میں پولیس اہلکار زوہیب خان زخمی ہوگیا جسے فوری طبی امداد کے لیے عباسی اسپتال منتقل کر دیا جہاں اس کی حالت خطرے سے باہر بتائی جاتی ہے۔
تاہم، اس حوالے سے پولیس مزید تحقیقات کر رہی ہے۔
کپل شرما سے بھتہ مانگنے والا گینگسٹر گرفتار