پنجاب کے دریاؤں میں پانی کی سطح بلند، کئی مقامات پر نچلے درجے کا سیلاب
اشاعت کی تاریخ: 16th, August 2025 GMT
لاہور:
مون سون بارشوں اور گلیشیئرز پگھلنے کے نتیجے میں پنجاب کے دریاؤں میں پانی کے بہاؤ میں نمایاں اضافہ ہو رہا ہے۔
ترجمان پی ڈی ایم اے کے مطابق دریائے سندھ میں کالا باغ اور چشمہ بیراج پر درمیانے درجے کا سیلاب ریکارڈ کیا گیا ہے جب کہ تربیلا اور تونسہ بیراج پر نچلے درجے کا سیلاب ہے۔ دریائے ستلج میں گنڈا سنگھ والا کے مقام پر پانی کا بہاؤ 68 ہزار کیوسک تک پہنچ گیا ہے اور وہاں نچلے درجے کا سیلاب برقرار ہے۔
اسی طرح دریائے جہلم اور دریائے چناب کے اہم مقامات پر پانی کی صورتحال فی الحال معمول کے مطابق ہے، تاہم نالہ پلکھو کینٹ میں نچلے درجے کا سیلاب جاری ہے۔ اسی طرح دریائے راوی کے مقامات پر بہاؤ معمول کے مطابق ہے لیکن نالہ بسنتر میں پانی کی سطح بلند ہو رہی ہے جس سے نچلے درجے کا سیلاب برقرار ہے۔
ڈیمز کی صورتحال کے حوالے سے ترجمان پی ڈی ایم اے کا کہنا ہے کہ تربیلا ڈیم 98 فیصد جب کہ منگلا ڈیم 68 فیصد بھر چکا ہے۔ تربیلا ڈیم کا لیول 1547.
ڈی جی پی ڈی ایم اے عرفان علی کاٹھیا نے شہریوں کو خبردار کرتے ہوئے کہا ہے کہ موجودہ حالات میں احتیاطی تدابیر اختیار کرنا نہایت ضروری ہے۔ دریاؤں کے پاٹ میں موجود افراد فوری طور پر محفوظ مقامات پر منتقل ہو جائیں اور ہنگامی انخلا کی صورت میں انتظامیہ سے مکمل تعاون کریں۔
شہریوں کو ہدایت کی گئی ہے کہ دریاؤں، نہروں، ندی نالوں اور تالابوں میں ہرگز نہ نہائیں اور سیلابی صورتحال میں دریاؤں کے کناروں پر سیر و تفریح سے گریز کریں۔
حکام نے والدین سے اپیل کی کہ وہ اپنے بچوں کو کسی صورت دریاؤں یا ندی نالوں کے قریب نہ جانے دیں۔ ایمرجنسی کی کسی بھی صورتحال میں شہری پی ڈی ایم اے پنجاب کی ہیلپ لائن 1129 پر رابطہ کریں۔ شہریوں کی جان و مال کا تحفظ پی ڈی ایم اے پنجاب کی اولین ذمہ داری ہے۔
ذریعہ: Express News
کلیدی لفظ: نچلے درجے کا سیلاب پی ڈی ایم اے مقامات پر
پڑھیں:
میرپورخاص، ٹریفک جام کا مسئلہ سنگین صورتحال اختیار کرگیا
data-id="863a0a8" data-element_type="widget" data-widget_type="theme-post-content.default">
میرپورخاص (نمائندہ جسارت) میرپور خاص میں ٹریفک جام کا مسئلہ سنگین صورتحال اختیار کر گیا ، اہم شاہراہوں پر تجاوزات کی بھر مار اور رکشہ مافیا ٹریفک جام کرنے میں اہم کردار ادا کرنے لگے۔ تفصیلات کے مطابق میرپورخاص کے اہم شاہراہوں پوسٹ آفس چوک مارکیٹ چوک جمیل شہید روڈ بلدیہ شاپنگ سینٹر روڈ پر تجاوزات کی بھر مار اور غیر قانونی رکشہ چنگچی اسٹینڈ کی وجہ سے پیدل چلنا بھی محال ہو چکا ٹریفک اہلکار اور بلدیہ انکروچمنٹ کا عملہ یومیہ بھتے کی وجہ سے خاموش تماشائی بنے رہتے ہیں اولڈ سول اسپتال اور نیو ٹاؤن میں ٹریفک اہلکاروں کی ملی بھگت سے ناجائز اسٹینڈ قائم ہیں تجاوزات کی بھر مار اور غیر قانونی چنگچی اسٹینڈ کے سبب لوگ شدید اذیت میں مبتلا ہیں مگر انتظامیہ خواب خرگوش میں مصروف ہے دوسری جانب ایک بار پھر انتظامیہ نے عدالتی احکاماتِ پر تجاوزات کے خلاف نماشء کاروائی کا سلسلہ شروع کردیا ہے اینٹی انکروچمنٹ ڈپٹی اسسٹنٹ ڈائریکٹر اورنگ زیب مغل اور کارپوریشن عملے کے ہمراہ مارکیٹ سے اقبال روڈ تک تیسرے فیز میں کارروائی کا آغاز کرتے ہوئے تجاوزات ضبط کرلی گئی۔ اس موقع پر اینٹی انکروچمنٹ ڈپٹی اسسٹنٹ ڈائریکٹر اورنگ زیب مغل کا کہنا تھا کہ اب تجاوزات کے خلاف آپریشن میں تجاوزات ضبط کرنے کے ساتھ جرمانے میں عائد کیے جارہے ہیں جبکہ شہر کے اہم تجارتی مراکز میں تجاوزات کا خاتمہ کیا جائے گا۔ ان کا مزید کہنا تھا کہ 10 دسمبر تک یہ آپریشن کا سلسلہ جاری رہے گا۔ شہری حلقوں نے بھی انتظامیہ کے اس آپریشن کو غیر تسلی بخش قرار دیتے ہوئے مطالبہ کیا ہے کہ شہر بھر میں بغیر سیاسی اثرو رسوخ تجاوزات کے خلاف آپریشن کیا جائے۔
پنجاب بھر کی عدالتوں میں سیکیورٹی انتظامات مزید سخت