کراچی: پرانا گولیمار میں فائرنگ، ایک شخص ہلاک، ایک زخمی
اشاعت کی تاریخ: 16th, August 2025 GMT
—فائل فوٹو
کراچی کے علاقے پرانا گولیمار میں فائرنگ سے ایک شخص ہلاک اور ایک زخمی ہو گیا۔
پرانا گولیمار میں فائرنگ سے 2 افراد زخمی ہوئے، جنہیں طبی امداد کے لیے اسپتال منتقل کیا گیا جہاں ایک زخمی دم توڑ گیا۔
ایس ایس پی کیماڑی فیضان علی کے مطابق واقعہ ٹارگٹ کلنگ کا معلوم ہوتا ہے، موٹرسائیکل سوار 2 نامعلوم ملزمان نے فائرنگ کی اور فرار ہو گئے۔
کراچی میں مختلف علاقے میں پیش آنے والے جرائم کے.
انہوں نے بتایا کہ مقتول کی شناخت آصف علی کے نام سے ہوئی ہے، جو گینگسٹر علی عرف پیرو کا سگا بھائی ہے۔
ایس ایس پی کیماڑی فیضان علی نے بتایا ہے کہ آصف کچھ عرصہ قبل سپر ہائی وے پر ہاؤسنگ سوسائٹی میں شفٹ ہو گیا تھا، آج شادی کی تقریب میں پرانا گولیمار آیا تھا کہ فائرنگ کا نشانہ بن گیا۔
انہوں نے بتایا کہ آصف علی کی منشیات فروش ساجد ماجد گروپ سے بھی وابستگی رہی ہے۔
ایس ایس پی کیماڑی کا کہنا ہے کہ زخمی ہونے والا شخص آصف کے ساتھ موٹر سائیکل پر بیٹھا تھا جو فائرنگ کی زد میں آ کر زخمی ہوا ہے، واقعے کی مزید تحقیقات کی جا رہی ہیں۔
ذریعہ
ذریعہ: Jang News
کلیدی لفظ: پرانا گولیمار
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
بھارت سے جنگ اور افغانستان میں کارروائی خارج ازامکان نہیں، وزیردفاع