روہت شرما پر 4 کھلاڑی لگائیں، ہر صبح 10 کلومیٹر دوڑائیں، یوگراج سنگھ
اشاعت کی تاریخ: 17th, August 2025 GMT
سابق بھارتی کرکٹر یوگراج سنگھ نے بھارت کے ون ڈے کپتان روہت شرما کی بھرپور تعریف کرتے ہوئے کہا کہ انہیں بھارت کے لیے مزید 5 سال کھیلنا چاہیے۔ روہت شرما کی کلاس اور ہنر ایسا ہے کہ وہ چاہیں تو 45 سال کی عمر تک کھیل سکتے ہیں۔
بھارتی میڈیا رپورٹس کے مطابق یوگراج نے کہا کہ روہت شرما جس کے بارے میں لوگ فضول باتیں کرتے ہیں، ان کے بیٹنگ انداز نے ایک طرف ان کی ٹیم اور دوسری طرف دنیا کے مقابلے میں الگ کلاس دکھائی۔
مزید پڑھیں: روہت شرما ٹیسٹ فارمیٹ سے ریٹائر، اگلا کپتان کون ہوگا؟
میں کہتا ہوں کہ روہت، ہمیں آپ کی 5 سال اور ضرورت ہے، کام جاری رکھیں، فٹنس پر کام کریں۔ اور میں کہوں گا، ان پر 4 کھلاڑی لگائیں، اور ہر صبح 10 کلومیٹر دوڑائیں۔
یوگراج سنگھ نے ان لوگوں کو بھی تنقید کا نشانہ بنایا جو بغیر کسی مقابلہ جاتی تجربے کے روہت کی فٹنس اور کھیل پر بات کرتے ہیں اور کہا کہ انہیں ڈومیسٹک کرکٹ کھیل کر اپنی فٹنس برقرار رکھنی چاہیے۔
مزید پڑھیں: چیمپیئنز ٹرافی جیتنے کے بعد بھارتی کپتان روہت شرما کے مستقبل کا فیصلہ ہوگیا؟
واضح رہے کہ روہت شرما نے حال ہی میں ٹی20 انٹرنیشنل اور ٹیسٹ کرکٹ کیریئر کا اختتام کیا اور اب صرف ون ڈے کرکٹ میں بھارت کی قیادت اور اوپننگ بیٹنگ کر رہے ہیں۔
ان کا آخری میچ مارچ میں نیوزی لینڈ کے خلاف چیمپیئنز ٹرافی 2025 کا فائنل میچ تھا، جس میں انہوں نے 83 گیندوں پر 76 رنز کی شاندار اننگز کھیل کر اپنی ٹیم کو فتح دلوائی، جس میں 7 چوکے اور 3 چھکے شامل تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روہت شرما سابق بھارتی کرکٹر ون ڈے کپتان روہت شرما یوگراج سنگھ.
ذریعہ
ذریعہ: WE News
کلیدی لفظ: روہت شرما سابق بھارتی کرکٹر یوگراج سنگھ یوگراج سنگھ روہت شرما
پڑھیں:
دنیا بھر میں غیر قانونی طور پر مقیم بھارتی شہری مختلف ممالک کیلیے وبال جان بن گئے
امریکا میں آپریشن چیک میٹ(Operation Checkmate) کے تحت غیر قانونی طور پر مقیم بھارتی شہری سخت کریک ڈاؤن کی لپیٹ میں ہیں۔
دنیا بھر میں غیر قانونی طور پر مقیم بھارتی شہری مختلف ممالک کے لیے وبال جان بن چکے ہیں، جس کے نتیجے میں امریکا نے وفاقی امیگریشن نافذ کرنے کی مہم ’آپریشن چیک میٹ‘ کے تحت سخت کریک ڈاؤن کا آغاز کردیا ہے۔
امریکی کسٹمز اینڈ بارڈر پروٹیکشن کے مطابق آپریشن چیک میٹ کے تحت گرفتار کیے گئے 36 ٹرک ڈرائیوروں میں سے کم از کم 30 بھارتی شہری تھے۔
خود بھارتی جریدے ٹائمز آف انڈیا کے مطابق امریکی حکام کا کہنا ہے کہ متعدد افراد کے پاس درست ڈرائیونگ لائسنس تک موجود نہیں تھے ۔ تمام افراد کیخلاف امریکی قانون کے تحت کارروائی کر کے امریکا سے نکالنے کی تیاری کی جا رہی ہے۔
یوما سیکٹر کے قائم مقام چیف پٹرول ایجنٹ ڈسٹن کاڈل نے کہا ہے کہ غیر قانونی طور پر موجود بھارتی ڈرائیورعوامی سلامتی کے لیے سنگین خطرات کا باعث بن سکتے ہیں ۔
مزیدپڑھیں:مودی کی ناکام پالیسیاں؛ بھارتی نوجوانوں کی تحریک بے قابو ہونے کا اندیشہ
سعودی عرب، کینیڈا اور امریکا سمیت بیشتر ممالک جعلی دستاویزات اورفراڈ سمیت متعدد وجوہات کی بنیاد پر بڑی تعداد میں بھارتی شہریوں کو ملک بدر کر چکے ہیں ۔ بھارتی حکام کے اعداد و شمار کے مطابق2021 سے 2025 کے دوران 52 مختلف ممالک سے 171,150 بھارتی شہریوں کو ملک بدر کیا گیا ہے۔
عالمی ماہرین کے مطابق مودی کے نام نہاد شائننگ انڈیا کے دعووں کے باوجود بھارتی شہریوں نےغیر قانونی طور پر ملک سے بھاگ کر بھارت کا پول کھول دیا ہے۔ مختلف ممالک میں ریاست مخالف سرگرمیوں اور سنگین جرائم میں ملوث بھارتی تارکین عوامی سلامتی کے لیے خطرہ بن چکے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ