کراچی: شہریوں کے اغوا میں ملوث 3 ملزمان گرفتار
اشاعت کی تاریخ: 19th, August 2025 GMT
فائل فوٹو
کراچی کے علاقے جہانگیر روڈ پر اسنیپ چیکنگ کے دوران شہریوں کے اغوا میں ملوث 3 ملزمان کو رینجرز نے گرفتار کرلیا۔
ترجمان کے مطابق محمد نعمان، فرید الحق اور محمد نور کو گرفتار کیا گیا ہے جن سے غیر قانونی اسلحہ و ایمونیشن اور چھینی گئی موٹرسائیکل برآمد ہوئی ہے۔
ملزمان کا ایک ساتھی محمد نور عرف منا ڈانسر فرار ہوگیا، گرفتار ملزمان نے اعتراف کیا ہے کہ ملزم محمد نعمان گینگ کا لیڈر ہے جس کے خلاف تھانا گلشن معمار میں اغوا برائے تاوان کی ایف آئی آر درج ہے۔
ترجمان رینجرز کے مطابق ملزم فرید الحق ڈکیتیوں اور غیر قانونی اسلحہ رکھنے میں ملوث ہے جو تھانا رسالہ، بریگیڈ اور اورنگی ٹاؤن کو مطلوب ہے۔
علاوہ ازیں ملزم محمد نور منشیات فروشی میں ملوث اور تھانا تیموریہ کو مطلوب ہے، گرفتار ملزمان جمشید کوارٹرز تھانے میں اغوا برائے تاوان کے مقدمے میں بھی مطلوب تھے۔
ترجمان رینجرز کا بتانا ہے کہ ملزمان کے 4 ساتھیوں کو رینجرز نے 14اگست کو بچے کے اغوا کی کوشش میں رنگے ہاتھوں گرفتار کیا تھا۔
.ذریعہ: Jang News
کلیدی لفظ: میں ملوث
پڑھیں:
کرائم کنٹرول ڈپارٹمنٹ کے مبینہ مقابلوں میں مزید 2 ملزمان ہلاک
لاہور(ویب ڈیسک) لاہور اور راولپنڈی میں کرائم کنٹرول ڈپارٹمنٹ کے مبینہ مقابلوں میں مزید 2 ملزمان ہلاک ہوگئے۔
لاہور میں پنجاب بھرمیں قتل، ڈکیتی اور پولیس مقابلوں کی 96 وارداتوں میں مطلوب ملزم کاشف سی سی ڈی کوتوالی کے ساتھ مبینہ مقابلے میں ہلاک ہوگیا۔
حکام کے مطابق موٹرسائیکل سوار دو افراد کو ناکے پر روکا تو انھوں نے پولیس پر فائرنگ کردی۔ جوابی فائرنگ سے ملزم ہلاک ہوگیا۔
دوسری جانب راولپنڈی کے علاقے ٹیکسلا میں سی سی ڈی ٹیم کے ساتھ فائرنگ کے تبادلے میں بدنام زمانہ اشتہاری عامر شاہ ہلاک ہوگیا ۔ ملزم پر راولپنڈی اور سرگودھا میں قتل کے متعدد مقدمات درج تھے۔
ذرائع کے مطابق ٹیکسلا میں موٹر سائیکل پر سوار ملزمان کو سی سی ڈی ٹیم نے مشکوک جان کر روکنے کی کوشش کی۔ اس دوران ملزمان نے اہلکاروں پر فائرنگ کردی۔ جوابی کارروائی میں ملزم عامر شاہ زخمی حالت میں گرفتار ہوا لیکن اسپتال منتقلی کے دوران دم توڑ گیا۔ فائرنگ کے تبادلے میں سی سی ڈی اہلکار محفوظ رہے، جبکہ ملزم کے ساتھی موقع سے فرار ہوگئے۔
ذرائع کا کہنا ہے کہ عامر شاہ بدنام زمانہ اشتہاری اور قتل کے بارہ مقدمات میں انتہائی مطلوب تھا۔ ملزم نے ماضی میں دینہ کے قریب اے این ایف اہلکاروں کو فائرنگ کرکے قتل کیا، عید کے دنوں میں جاتلی میں تین افراد کو قتل کیا، جبکہ تھانہ پھلروان سرگودھا کے علاقے میں خاتون کو اُس کے والد اور بھائی سمیت قتل کرنے کے واقعات میں بھی ملوث رہا۔
قانون نافذ کرنے والے اداروں کے مطابق، عامر شاہ سوشل میڈیا پر پولیس اور اداروں کے افسران کو دھمکیاں دیتا رہا اور طویل عرصے سے اداروں کے لیے ایک بڑا چیلنج بنا ہوا تھا۔
Post Views: 3
لاہور: موسلادھار بارش، چشمہ بیراج پر سیلاب، تربیلا 96، منگلہ ڈیم 63 فیصد بھر گیا