اسٹیفن ہاکنگ سے زیادہ آئی کیو کی حامل طالبہ ماہ نور چیمہ کا ایک اور کارنامہ
اشاعت کی تاریخ: 19th, August 2025 GMT
برطانیہ کی سب سے ذہین طالبہ نے ایک غیرمعمولی کارنامہ سرانجام دیا ہے، 18 سالہ ماہ نور چیمہ نے 23 اے لیولز میں صرف اے اور اے اسٹار گریڈ حاصل کرکے سب کو حیران کردیا، ان کا آئی کیو 161 ہے، جو معروف سائنسدان اسٹیفن ہاکنگ اور آئن سٹائن دونوں سے زیادہ ہے۔
یہی وجہ ہے کہ انہیں آکسفورڈ یونیورسٹی میں میڈیسن کے شعبے میں بغیر کسی شرط کے داخلہ بھی حاصل مل گیا ہے، ماہ نور چیمہ نے اس سے قبل 34 جی سی ایس ای امتحانات پاس کیے تھے۔
یہ بھی پڑھیں:پاکستانی نژاد برطانوی طالبہ کا کارنامہ، 6 عالمی تعلیمی ریکارڈز اپنے نام کرلیے
نارتھ ویسٹ لندن کے ہنریئٹا بارنیٹ اسکول کی پاکستانی نژاد برطانوی طالبہ نے ابتدا میں 31 اے لیولز دینے کا ارادہ کیا تھا، تاہم اساتذہ کی تشویش پر کہ کہیں وہ خود کو حد سے زیادہ تھکا نہ دیں، انہوں نے یہ تعداد کم کردی۔
چھٹے فارم کے ابتدائی 2 ماہ میں ہی انہوں نے 4 اے اسٹار گریڈ حاصل کرلیے، رواں ہفتے انہوں نے قانون اور تاریخ میں بھی اے اسٹار گریڈ حاصل کیے، ساتھ ہی فرانسیسی اور فزکس میں بھی کامیاب رہیں۔
مزید پڑھیں:ریکارڈ ہولڈر طالبہ ماہ نور کس پاکستانی سیاست دان سے متاثر ہیں؟
ماہ نورنے نفسیات، سماجیات، قانون، بزنس، اکاؤنٹنگ، اکنامکس، لاطینی، جرمن، کمپیوٹر سائنس، فلم اسٹڈیز، سیاست، کلاسیکی تہذیب، ریاضی، مزید ریاضی، جغرافیہ، میڈیا اسٹڈیز، فزکس، کیمسٹری، بائیولوجی، انگلش لٹریچر، فرانسیسی اور شماریات جیسے مضامین میں اے لیولز مکمل کیے۔
ان کا کہنا ہے کہ انہیں اس بات پر کوئی پچھتاوا نہیں کہ انہوں نے صرف 3 روایتی اے لیولز کا راستہ اختیار نہیں کیا، ان کے مطابق اگر وہ ایسا کرتیں تو وہ ’بور اور غیر متحرک‘ محسوس کرتیں، ان کا ماننا ہے کہ برن آؤٹ یعنی ذہنی و جسمانی تھکن دراصل ’ایک انتخاب‘ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے اسٹار اے لیولز برن آؤٹ جی سی ایس ای ماہ نور چیمہ.
ذریعہ
ذریعہ: WE News
کلیدی لفظ: اے اسٹار اے لیولز جی سی ایس ای ماہ نور چیمہ ماہ نور چیمہ اے لیولز اے اسٹار انہوں نے
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ