جاپان: مریم نواز کی ن لیگی رہنما ملک نور اعوان کے گھر آمد
اشاعت کی تاریخ: 19th, August 2025 GMT
—جنگ فوٹو
مسلم لیگ ن کی مرکزی رہنما اور وزیرِ اعلیٰ پنجاب مریم نواز شریف مسلم لیگ ن جاپان کے صدر ملک نور اعوان کی خصوصی دعوت پر گزشتہ شب اپنی پوری ٹیم کے ہمراہ ان کی رہائش گاہ پہنچیں۔
اس موقع پر پرویز رشید، عظمیٰ بخاری، مریم اورنگزیب، ثانیہ عاشق اور دیگر مرکزی رہنما بھی موجود تھے جبکہ نون لیگ انٹرنیشنل افیئرز کے سابق جنرل سیکریٹری شیخ قیصر محمود بھی ملاقات میں خصوصی طور پر شریک ہوئے۔
ملاقات کے دوران مریم نواز نے ملک نور اعوان کی جاپانی اہلیہ اور بچوں سے بھی خصوصی ملاقات کی اور بھرپور محبت و شفقت کا اظہار کیا، تقریباً 2 گھنٹے جاری رہنے والی اس نشست میں خوش گوار گفتگو اور پارٹی امور پر تبادلۂ خیال کیا گیا۔
اس موقع پر مریم نواز شریف نے کہا کہ ملک نور اعوان مسلم لیگ ن کے ایسے دیرینہ کارکن ہیں جن کی پارٹی کے لیے لازوال قربانیاں ہیں، میاں نواز شریف ہمیشہ ان سے خصوصی محبت کرتے ہیں، ہمارے لیے اصل سرمایہ ہمارے کارکن ہیں اور آج یہاں آنا اسی رشتے کی تجدید ہے۔
شیخ قیصر محمود نے کہا کہ ملک نور اعوان کی خدمات قابلِ قدر ہیں اور مریم نواز شریف نے ان کے گھر آ کر یہ ثابت کر دیا ہے کہ مسلم لیگ ن کا اصل سرمایہ اس کے مخلص کارکن ہیں۔
ملک نور اعوان نے اپنے جذبات کا اظہار کرتے ہوئے کہا کہ میں خود کو بہت خوش نصیب سمجھتا ہوں کہ میری قائد مریم نواز میرے گھر پر تشریف لائیں، میں جتنی محبت میاں نواز شریف سے کرتا ہوں، وہ میری زندگی کا سب سے بڑا حاصل ہے، آج کی یہ نشست میرے لیے اعزاز اور فخر ہے۔
ذریعہ: Jang News
کلیدی لفظ: ملک نور اعوان مسلم لیگ ن مریم نواز نواز شریف
پڑھیں:
دہشتگردی ہار گئی، کھیل اور امن جیت گیا، سازشیں ہمیشہ ناکام ہوں گی: مریم نواز
لاہور (نوائے وقت رپورٹ) وزیراعلی مریم نواز نے سری لنکا کیخلاف ون ڈے سیریز جیتنے پر قومی کرکٹ ٹیم کو مبارکباد دی ہے۔ وزیراعلیٰ نے سری لنکن ٹیم کی سپورٹس مین سپرٹ کو زبردست خراج تحسین پیش کیا اور کہاکہ مہمان ٹیم کا کرکٹ سے لگاؤ قابل تحسین ہے۔ مریم نواز نے کہاکہ دہشت گردی ہار گئی، کھیل اور امن جیت گیا۔ امن کو جیتنا ہی ہو گا، دہشتگردوں کی سازشیں ہمیشہ ناکام ہوں گی۔ ون ڈے کرکٹ سیریز میں پاکستانی ٹیم نے شاندار کھیل پیش کر کے شائقین کو محظوظ کیا۔ بابر اعظم کی شاندار سینچری کی جتنی تعریف کی جائے کم ہے۔ دعا ہے پاکستانی ٹیم فتوحات کا سلسلہ برقرار رکھے۔ علاوہ ازیں مریم نواز نے پنجاب بار کونسل کے انتخابات میں فاتح انڈیپنڈنٹ گروپ کو مبارکباد دی ہے۔ وزیراعلیٰ مریم نواز شریف نے نو منتخب ارکان پنجاب بار کونسل کے لئے نیک تمناؤں کا اظہارکیا اور کہا امید ہے کہ نو منتخب ارکان قانون کی سر بلندی کے لیے اپنا کردار ادا کرتے رہیں گے۔
محراب پور، مسلح افراد کا پولیس چوکی پر حملہ، 2 پولیس اہلکار شہید