جب نواز شریف کو نااہل کیا گیا تب کسی جج کا ضمیر کیوں نہ جاگا؟ خواجہ آصف کا سوال
اشاعت کی تاریخ: 15th, November 2025 GMT
وزیر دفاع خواجہ آصف نے کہا ہے کہ جب نواز شریف کو نااہل کرکے سسٹم کو تہہ و بالا کیا گیا تب کسی جج کا ضمیر کیوں نہ جاگا، آج ہم نے ایسا کیا کردیا جس سے عدلیہ کی آزادی متاثر ہورہی ہے۔
نجی ٹی وی سے گفتگو کرتے ہوئے انہوں نے کہاکہ بتایا جائے کون سی شق عدلیہ کی آزادی پر اثرانداز ہو رہی ہے، ججز کی تقرری جوڈیشل کمیشن کے ذریعے ہی ہوگی۔
مزید پڑھیں: ابھی کچھ استعفے مزید بھی آئیں گے، اسپیکر پنجاب اسمبلی نے پیشگوئی کردی
انہوں نے کہاکہ آئینی کیسز سننے کے لیے آئینی عدالت قائم کردی گئی ہے اور یہ کوئی نئی بات نہیں، دنیا کے کئی ممالک میں یہ نظام رائج ہے۔
وزیر دفاع نے کہاکہ ماضی میں انہی ججز نے نواز شریف کو نااہل کرکے سسٹم کو تہہ و بالا کیا، وہی جج ٹرائل کررہے تھے اور وہی مانیٹر جج بھی تھے۔
ایک سوال کے جواب میں انہوں نے کہاکہ عمران خان کے خلاف جو کیسز چل رہے ہیں ان میں مکمل طور پر جوڈیشل پراسس کو فالو کیا جارہا ہے۔
انہوں نے مزید کہاکہ ججز کو جو مراعات ملتی ہیں وہ ہماری سوچ سے بھی بالاتر ہیں، جب کہ ایک پارلیمنٹیرین کی کوئی پینشن نہیں۔ ’ہم ججز کی مراعات واپس لینے کا بالکل بھی نہیں سوچ ہے۔‘
افغانستان سے متعلق پوچھے گئے سوال کے جواب میں وزیر دفاع نے کہاکہ افغان ٹرانزٹ ٹریڈ ہمیں نقصان پہنچا رہی ہے، اور ہم اب نے یہ نہیں کرنے دینی، طالبان 3 مہینے کا انتظار کیوں کررہے ہیں، 3 روز میں فیصلہ کرلیں۔
مزید پڑھیں: پارلیمان اور عدلیہ کے اختیارات پر نئی بحث: ’ججز کے استعفے علامتی حیثیت رکھتے ہیں‘
انہوں نے مزید کہاکہ ہم نے 40 سال تک افغانیوں کی مہمان نوازی کی، لیکن بدلے میں ہمیں کیا ملا؟ انہی افغانیوں کے پاس دہشتگرد ٹھہرتے ہیں اور پھر پاکستانی شہریوں کا خون بہایا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جج ضمیر خواجہ آصف سسٹم تہہ و بالا نواز شریف وزیر دفاع وی نیوز.
ذریعہ
ذریعہ: WE News
کلیدی لفظ: خواجہ ا صف سسٹم تہہ و بالا نواز شریف وزیر دفاع وی نیوز نواز شریف وزیر دفاع انہوں نے نے کہاکہ
پڑھیں:
نواز شریف گلگت بلتستان روانہ، انتخابی مہم میں حصہ لیں گے
راو دلشاد: محمد نواز شریف گلگت بلتستان کے دورے کے لیے روانہ ہو گئے، جہاں وہ پارٹی رہنماؤں اور ٹکٹ ہولڈرز سے ملاقاتیں کریں گے۔
ذرائع کے مطابق نواز شریف خصوصی طیارے کے ذریعے لاہور کے اولڈ ایئرپورٹ سے گلگت بلتستان روانہ ہوئے۔ اس موقع پر خواجہ محمد آصف اور رانا ثناء اللہ خان بھی ان کے ہمراہ تھے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
دورے کے دوران نواز شریف پاکستان مسلم لیگ (ن) کے ٹکٹ ہولڈرز اور مقامی رہنماؤں سے ملاقاتیں کریں گے اور انتخابی حکمت عملی پر مشاورت کریں گے۔
پارٹی ذرائع کے مطابق مسلم لیگ (ن) کے سربراہ گلگت بلتستان میں انتخابی مہم کے سلسلے میں مختلف عوامی جلسوں سے بھی خطاب کریں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ