ماضی میں نواز شریف کو سازش کے ذریعے عہدے سے ہٹایا گیا تھا: خواجہ آصف
اشاعت کی تاریخ: 14th, November 2025 GMT
---فائل فوٹو
وزیرِ دفاع خواجہ آصف نے کہا ہے کہ کچھ مخصوص لوگ آئین کی بے توقیری کرتے رہے، آج ایوان میں بیٹھے ہوئے لوگ اپنا ماضی بھول گئے اور جمہوریت کے علمبرادار بنے بیٹھے ہیں۔ ماضی میں نواز شریف کو سازش کر کے عہدے سے ہٹایا گیا تھا۔
قومی اسمبلی کے اجلاس کے دوران ایوان میں اظہارِ خیال کرتے ہوئے خواجہ آصف نے اپوزیشن اور عدلیہ کو مخاطب کیا اور کہا کہ اِنہیں فیصلہ کرنا ہوگا کہ یہ آئین کے وفادار ہیں یا ایک شخص کے؟ دہشت گردوں کو تحفظ دینے والے بھی یہی ہیں، اب کسی کو کوئی رعایت نہیں دی جائے گی، اِنہیں عوام کو بتانا ہوگا کہ یہ کس کے ساتھ کھڑے ہیں۔
خواجہ آصف نے کہا کہ آج پاکستان ایک آئینی راہ پر چل پڑا ہے، 27ویں آئینی ترمیم پاس ہوگئی ہے، آئینی ترمیم سے انصاف کے نظام میں بہتری کے راستے کا تعین ہوا ہے۔
سینیٹ اجلاس کے دوران آرمی ایکٹ ترمیمی بل نائب وزیراعظم اسحاق ڈار نے پیش کیا۔
انہوں نے مزید کہا کہ ساری تاریخ اس لیے بتانا چاہتا ہوں کہ کل ایک ترمیم پر دو ججز کی غیرت جاگ گئی، ہم نے جو ترمیم پاس کی اس کے خلاف احتجاج میں دو جج صاحبان نے استعفیٰ دیا۔
ان کا کہنا تھا کہ کینگرو کورٹس بنا کر ہمارے خلاف جو سیاسی انتقام لیا جا رہا تھا تب کسی کی غیرت نہیں جاگی، اب جج شاعری کر رہے ہیں اور سیاست بھی کر رہے ہیں۔
اِن کا کہنا تھا کہ نواز شریف کے خلاف سازش کو عملی جامعہ پہنانے کےلیے عدلیہ کا کردار سب کے سامنے ہے، یہ سارا سلسلہ پاناما کیس سے شروع ہوا، نواز شریف کو نااہل قرار دیا گیا۔
خواجہ آصف نے کہا کہ جسٹس آصف کھوسہ، سجاد علی شاہ، جسٹس گلزار، جسٹس اعجازالحسن پر مشتمل بینچ نے نوازشریف کو نااہل قرار دیا۔ بینچ نے ناصرف نواز شریف کو نااہل قرار دیا بلکہ تاحیات نااہل قرار دیا، ہمارے معاملے میں جسٹس ثاقب نثار، جسٹس بندیال، جسٹس منیب اور دیگر نام ہی بار بار سامنے آئے، یہ گھر والوں کو بلا کر ہمارے خلاف فیصلے دیتے رہے کہ دیکھنا ہم نواز شریف کے ساتھ کیا کرتے ہیں، نواز شریف کو نااہل قرار دینے کا جرم اسی عدلیہ کا تھا۔
انہوں نے کہا کہ 27ویں ترمیم سے راستے کا تعین ہوا ہے، اسی راستے پر چل کر عوام کو انصاف ملے گا، آئینی ایشوز بھی اسی طرح سے ہی حل کیے جا سکتے ہیں۔
خواجہ آصف کا کہنا تھا کہ اطہر من اللّٰہ کو آج جمہورہت کا اُبال آیا ہے، یہ مشرف کے صوبائی وزیر رہے، منتخب ایوان سب سے معتبر ہے۔ اسی پارلینٹ کے ایوان میں بیٹھ کر 52 بل رات کو پاس کیے گئے۔
صدر مملکت آصف علی زرداری نے جسٹس امین الدین خان سے ان کے عہدے کا حلف لیا۔
خواجہ آصف نے یہ بھی کہا کہ اسمبلی بھی توڑی گئی یہ آج جمہوریت کی بات کر رہے ہیں۔
وزیرِ دفاع کا قومی اسمبلی کے اجلاس میں کہنا تھا کہ یہ چوری اور ڈکیتی کا وہی بازار گرم کرنا چاہتے ہیں جو اس سے پہلے کے دور میں گرم تھا، آج پاکستان ایک آئینی راہ پر چل نکلا ہے، افواج پاکستان ایک نئی تاریخ رقم کر رہی ہیں لیکن یہ لوگ دہشت گردوں کے ساتھ کھڑے ہیں، ہم نے ترمیم پاس کرنے میں کتنے دن لگا دیے، انہوں نے آدھے گھنٹے میں 52 قانون پاس کیے، انہیں اس وقت شرم نہ آئی، آج باتیں کرتے ہیں۔
.
ذریعہ
ذریعہ: Jang News
کلیدی لفظ: شریف کو نااہل قرار نااہل قرار دیا نواز شریف کو کہنا تھا کہ خواجہ ا صف کہا کہ نے کہا
پڑھیں:
گلگت بلتستان کو بھی آئینی وبنیادی حقوق ملنے چاہئیں ، سعد رفیق
سکردو(اُردو پوائنٹ اخبارتازہ ترین - آن لائن۔ 02 جون2026ء) پاکستان مسلم لیگ (ن) کے سینئر رہنما اور سابق وفاقی وزیر خواجہ سعد رفیق نے کہا ہے کہ گلگت بلتستان کے عوام کی ترقی مسلم لیگ (ن) کی اولین ترجیح ہے اور انہیں ملک کے دیگر صوبوں کی طرح مکمل آئینی اور بنیادی حقوق ملنے چاہئیں۔(جاری ہے)
جی بی ای-8 سکردو-2 میں انتخابی مہم کے سلسلے میں مسلم لیگ (ن) کے نامزد امیدوار حاجی اکبر تابان کی رہائش گاہ پر پارٹی کارکنوں سے خطاب کرتے ہوئے خواجہ سعد رفیق کا کہنا تھا کہ مسلم لیگ (ن) اقتدار میں آ کر عوام کی محرومیاں ختم کرے گی اور گلگت بلتستان کے حقوق کیلئے پارلیمنٹ میں مؤثر آواز اٹھائے گی۔
انہوں نے کہا کہ پسماندہ علاقوں کی ترقی پر خصوصی توجہ دی جائے گی اور خطے میں بجلی کے نئے منصوبے متعارف کرائے جائیں گے۔ان کا کہنا تھا کہ گلگت بلتستان کی ترقی اور خوشحالی کیلئے سب کو مل کر کام کرنا ہوگا، پاکستان کے قیام کا جو مقصد تھا، اسے پورا کرنا ہماری مشترکہ ذمہ داری ہے، پاکستان مسلم دنیا کی واحد ایٹمی قوت ہے اور بھارت کے فالس فلیگ آپریشنز کو ہمیشہ ناکامی کا سامنا کرنا پڑا ہے۔خواجہ سعد رفیق نے مزید کہا کہ مسلم لیگ (ن) کی سیاست الزام تراشی نہیں بلکہ دلیل، خدمت اور عوامی ترقی کی سیاست ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ