وی نیوز ایکسکلیوسیو: نواز شریف مریم نواز کو وزیر اعظم دیکھنے کے خواہشمند ہیں، محمد زبیر
اشاعت کی تاریخ: 15th, November 2025 GMT
سینیئر سیاستدان محمد زبیر عمر نے کہا ہے کہ وفاقی حکومت ایسی حکمتِ عملی پر چل رہی ہے جو سابق وزیراعظم نواز شریف کے نظریات سے مطابقت نہیں رکھتی۔ ان کے مطابق نواز شریف مجبوری کے تحت حکومت کا ساتھ دے رہے ہیں کیونکہ وہ مریم نواز کو وزیرِاعظم دیکھنے کے خواہش مند ہیں۔
وی نیوز کے پروگرام سیاست اور صحافت میں گفتگو کرتے ہوئے زبیر عمر نے کہا کہ مسلم لیگ (ن) نے انتخابات سے بہت پہلے فیصلہ کر لیا تھا کہ ووٹ کو عزت دو کا بیانیہ اب نہیں اٹھایا جائے گا، اور یہ نعرہ پورے انتخابی عمل کے دوران غیر حاضر رہا۔
یہ بھی پڑھیں:فتح افغانستان کے بعد پاکستان کی اگلی طویل جنگ
ان کا کہنا تھا کہ قائداعظم محمد علی جناح نے پاکستان کے لیے ایک جمہوری اور پارلیمانی نظام کا تصور پیش کیا تھا جہاں سیاسی اپوزیشن کا کردار، عدلیہ کی آزادی اور میڈیا کی خودمختاری بنیادی ستون ہیں۔ لیکن پاکستان میں ریاستی سیکیورٹی کے نام پر جمہوری عمل کو بارہا روکا گیا۔
انہوں نے کہا کہ چاہے 1954 میں ایوب خان کی توسیع ہو یا 2019 میں جنرل باجوہ کی، ہر بار ملک کی سیکیورٹی کو جواز بنایا گیا، لیکن سوال یہ ہے کہ ان توسیعات سے آیا پاکستان کی سیکیورٹی بہتر ہوئی؟
ملک میں صحت کے شعبے سے لے کر معیشت تک ہر شعبہ مشکلات سے دوچار ہے۔ پاکستان دنیا میں کئی بیماریوں کا مرکز بن چکا ہے، چاہے وہ پولیو ہو یا ذیابیطس۔
محمد زبیر نے کہا کہ جب جمہوریت کے تقاضے پورے نہ کیے جائیں تو نظام کمزور ہوتا ہے، اور ماضی میں حکومتوں پر قبضے کے فیصلے چاہے ایوب، ضیا یا مشرف نے کیے، ملک کے لیے نقصان دہ ثابت ہوئے۔
یہ بھی پڑھیں:ہائبرڈ نظام کھل کر معیشت کی بہتری اور کرپشن کے خاتمے کے لیے کام کرے، سینیئر صحافی ابصار عالم
انہوں نے سابق آرمی چیفس، بشمول جنرل کیانی اور جنرل باجوہ کو دی گئی توسیعات پر بھی تنقید کی اور کہا کہ ان فیصلوں سے نہ تو سیکیورٹی بہتر ہوئی اور نہ ہی معیشت۔
آج اتحاد کے نام پر جو بیانیہ پیش کیا جا رہا ہے، اس کا مطلب جمہوریت کو قربان کرنا ہے۔
اپوزیشن اتحاد کے حوالے سے بات کرتے ہوئے زبیر عمر نے وضاحت کی کہ انہوں نے تحریک انصاف میں شمولیت اختیار نہیں کی بلکہ وہ تحفظ آئین پاکستان کے نام سے قائم اپوزیشن اتحاد کا حصہ ہیں جس کی قیادت محمود خان اچکزئی کے پاس ہے اور جس میں پی ٹی آئی، اسفند یار ولی اور اسد قیصر سمیت دیگر رہنما شامل ہیں۔
افغان پالیسی کے متعلق گفتگو کرتے ہوئے انہوں نے کہا کہ پاکستان نے گزشتہ 2 دہائیوں میں غلط پالیسیوں کی بھاری قیمت ادا کی ہے۔ ہمیں 15 سال بتایا گیا کہ اشرف غنی بھارت نواز ہیں، مگر طالبان کے دور میں بھی ہمیں مشکلات کا سامنا ہے۔
ان کے مطابق پاکستان نے ہمیشہ افغانستان کو بھارت کے زاویے سے دیکھا جس کا نقصان ملک کو اٹھانا پڑا۔
امریکا کے کہنے پر لڑی جانے والی جنگ ہو یا قبائلی علاقوں میں طالبان سے معاہدے، یہ پالیسیاں دیرپا ثابت نہ ہو سکیں۔
یہ بھی پڑھیں:افغانستان سے کشیدگی کا ذمہ دار کون؟ پاکستان کا سخت مؤقف اور طالبان کی خوش فہمی
معیشت کے حوالے سے بات کرتے ہوئے زبیر عمر نے کہا کہ ملک میں غربت تیزی سے بڑھ رہی ہے۔ گزشتہ 3 سال میں 2 کروڑ افراد غربت کی لکیر سے نیچے گئے، بے روزگاری 8 سے بڑھ کر 24 فیصد ہو گئی جبکہ نوجوانوں میں یہ شرح 37 فیصد تک پہنچ گئی ہے۔
ان کا کہنا تھا کہ چاہے موڈیز نے بینکوں کی ریٹنگ بہتر کر دی ہو، عوام کی حالت بدستور خراب ہے۔ اگر معیشت واقعی بہتر سمت میں جا رہی ہے تو 2 برس بعد اس کے اثرات عام آدمی تک پہنچنے چاہییں۔
محمد زبیر عمر نے 26ویں اور 27ویں ترمیم پر بھی کڑی تنقید کرتے ہوئے کہا کہ یہ ترامیم رات کی تاریکی میں کی جاتی ہیں، عوامی مشاورت کے بغیر، اور ماضی میں مارشل لا ادوار میں بنائے گئے تمام ماڈلز ناکام ثابت ہوئے۔
انہوں نے مزید کہا کہ پاکستان کو دوبارہ جمہوریت کو مستحکم کرنے، اداروں کو غیر سیاسی بنانے اور عوامی نمائندوں کو بااختیار کرنے کی ضرورت ہے، ورنہ بار بار کیے جانے والے تجربات کا خمیازہ ہر بار عوام ہی کو بھگتنا پڑے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
27ویں ترمیم آئینی ترمیم شہبازشریف محمد زبیر مریم نواز مسلم لیگ ن معیشت نواز شریف وزیراعظم.
ذریعہ
ذریعہ: WE News
کلیدی لفظ: 27ویں ترمیم شہبازشریف مریم نواز مسلم لیگ ن نواز شریف نواز شریف کرتے ہوئے نے کہا کہ انہوں نے کے لیے
پڑھیں:
گلگت بلتستان کی سڑکوں کی خستہ حالی دیکھ کر شدید دکھ ہوا، نواز شریف
ایک بیان میں قائد نون لیگ کا کہنا تھا کہ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ اسلام ٹائمز۔ نون لیگ کے قائد میاں نواز شریف نے کہا ہے کہ ہم نے گلگت سے سکردو کا 9 گھنٹے کا سفر 3 گھنٹے میں بدل کر عوام کے 6 گھنٹے بچائے ہیں۔ 70 سال سے لٹکے منصوبے ہم نے اربوں روپے لگا کر مکمل کیے۔ ہمیں یہ منظور نہیں کہ یہاں 20، 22 گھنٹے لوڈشیڈنگ ہو۔ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ ایک بیان میں میاں نواز شریف کا کہنا تھا کہ میں شہباز شریف اور مریم کو بھی کہوں گا کہ وہ دونوں یہاں آئیں اور اگر اللہ کے فضل و کرم سے ہماری حکومت آتی ہے، تو میں خود ہر دوسرے تیسرے مہینے یہاں آکر شروع کیے گئے ترقیاتی منصوبوں کی تکمیل اور نگرانی اپنی دیکھ بھال میں مکمل کرواؤں گا۔ یہاں دیس نکالے کی باتیں کرنے والے یاد رکھیں کہ 2017ء میں این ایف سی کمیٹی نواز شریف نے ہی بنائی تھی تاکہ اس مسئلے کا مستقل حل نکل سکے۔
ان کا مزید کہنا تھا کہ گلگت، سکردو، بلتستان اور ہنزہ سمیت پورے خطے کے عوام سے مخاطب ہوں۔ اللہ کے فضل و کرم سے اور شہباز شریف سے بات کر کے اس شاہراہ کو پورا خنجراب تک پہنچائیں گے۔ پاک چائنا ٹریڈنگ کے اس منصوبے سے یہاں ایسی خوشحالی آئے گی کہ آپ کو گھر بیٹھے روزگار اور اخراجات ملیں گے اور پورا خطہ بدل جائے گا۔ آج گلگت بلتستان کی سڑکوں کی خستہ حالی دیکھ کر شدید دکھ ہوا، وہ گلگت کہاں ہے جسے میں جانتا تھا؟ ہم نے مانسہرہ سے تھاکوٹ تک بہترین سڑک بنائی جسے خنجراب تک جانا تھا مگر اسے نظر انداز کر دیا گیا۔ ہم کسی کی برائی کرنے نہیں بلکہ ہمیشہ اپنی کارکردگی کی بنیاد پر ووٹ مانگتے ہیں۔ یہاں کے عوام بے تحاشہ ترقی اور روزگار کے حقدار ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ