اسمارٹ فون ٹیسٹ سے ذیابیطس کے خطرات کی جانچ منٹوں میں ممکن
اشاعت کی تاریخ: 25th, August 2025 GMT
برطانیہ کے شہر کیمبرج میں قائم ہیلتھ ٹیک کمپنی پوک ڈاک نے ایسا نیا اسمارٹ فون ٹیسٹ تیار کیا ہے جو ذیابیطس ٹائپ ٹو کے خطرات کو چند منٹوں میں جانچ سکتا ہے۔
یہ ٹیسٹ ایچ بی اے ون سی لیولز کی پیمائش کرتا ہے جو ذیابیطس کے لیے بنیادی بایو مارکر مانا جاتا ہے۔ عام حالات میں مریضوں کو ان نتائج کے لیے کئی ہفتوں تک انتظار کرنا پڑتا ہے لیکن پوک ڈاک ٹیسٹ کے ذریعے یہ نتائج فوری طور پر دستیاب ہوجاتے ہیں، تاکہ مریض اپنی صحت کے خطرات جلدی جان سکیں اور بروقت طرزِ زندگی میں تبدیلیاں لا سکیں۔
یہ بھی پڑھیں: فرنچ فرائز سے ذیابیطس2 کا خطرہ، اُبلے یا بیک کیے گئے آلو محفوظ قرار
پوک ڈاک کی لیڈ پروڈکٹ مینیجر سارہ این فرگوسن نے کہا کہ اس ٹیسٹ کا مقصد لوگوں کو یہ جاننے میں مدد دینا ہے کہ وہ ذیابیطس کے خطرے میں ہیں یا نہیں، اور اس بنیاد پر وہ ذیابیطس سے بچاؤ کے لیے اقدامات اٹھا سکیں۔
سارہ این فرگوسن کے مطابق یہ ٹیسٹ مخصوص بایو مارکرز کی پیمائش کرتا ہے اور مریض اپنے نتائج اُسی دن اسمارٹ فون پر حاصل کر لیتے ہیں، ساتھ ہی یہ نتائج ان کے جی پی کو بھیجے جاتے ہیں تاکہ فوری فالو اپ ممکن ہو۔
تحقیقی عمل کے دوران مریضوں نے انگلی سے خون کا ایک قطرہ لے کر مائیکروفلوئڈک اسیے پر رکھا، جو ایک چھوٹا اور پورٹ ایبل نظام ہے۔ اس کے بعد مریضوں نے اسیے کو اسمارٹ فون کے ذریعے اسکین کیا اور تقریباً فوری طور پر نتائج حاصل کر لیے۔
سارہ این فرگوسن کا کہنا ہے کہ اگر مریض اپنی حالت جلد جان لیں تو خون میں شکر کی سطح کم کرنے کے لیے اقدامات کیے جاسکتے ہیں اور ذیابیطس کے خطرے سے بچا جاسکتا ہے۔
لُٹن کے رہائشی 57 سالہ پیٹرک لارنس نے بتایا کہ انہیں اپنی بیماری کا اس وقت تک علم نہیں تھا جب تک انہوں نے جی پی سے رجوع نہ کیا۔ پیٹرک لارنس کے مطابق وزن کم کرنا 3 ماہ کا چیلنج تھا جس کے دوران انہوں نے تقریباً 28 کلو گرام وزن کم کیا۔
ان کا کہنا ہے کہ اب ان کی ذیابیطس ریمیشن میں ہے تاہم وہ باقاعدگی سے چیک اپ کراتے رہتے ہیں تاکہ یہ سلسلہ برقرار رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسمارٹ فون ٹیسٹ برطانیہ پوک ڈاگ ذیابیطس شوگر کیمبرج ہیلتھ ٹیک کمپنی.ذریعہ: WE News
کلیدی لفظ: اسمارٹ فون ٹیسٹ برطانیہ ذیابیطس شوگر کیمبرج ہیلتھ ٹیک کمپنی ذیابیطس کے اسمارٹ فون کے لیے
پڑھیں:
سندھ حکومت سرمایہ کاروں کو ہر ممکن تعاون فراہم کررہی ہے، گورنر سندھ
چین کے شہر شوڑو میونسپل پیپلز گورنمنٹ کے میئر سے گفتگو میں کامرام ٹیسوری نے کہا کہ پہلے سے منظور شدہ منصوبوں میں غیر ملکی سرمایہ کاروں کی شمولیت ضروری ہے تاکہ ترقیاتی منصوبے تیزی سے مکمل ہوں، صنعتی ترقی اور روزگار کے نئے مواقع پیدا کرنے کے لیے سندھ حکومت سرمایہ کاروں کو ہر ممکن تعاون فراہم کر رہی ہے۔ اسلام ٹائمز۔ گورنر سندھ کامران خان ٹیسوری سے چین کے شہر شوڑو میونسپل پیپلز گورنمنٹ کے میئر نے ملاقات کی، جس میں دوطرفہ تعلقات کو مزید مستحکم کرنے، وفود کے تبادلے اور دستخط شدہ معاہدوں پر عمل درآمد کے امور پر تبادلہ خیال کیا گیا۔ گورنر سندھ نے کہا کہ صوبہ سندھ میں انفرااسٹرکچر، ہائی ویز، پانی اور توانائی کے شعبوں میں سرمایہ کاری کے وسیع مواقع موجود ہیں۔ انہوں نے اس بات پر زور دیا کہ پہلے سے منظور شدہ منصوبوں میں غیر ملکی سرمایہ کاروں کی شمولیت ضروری ہے تاکہ ترقیاتی منصوبے تیزی سے مکمل ہوں۔ کامران خان ٹیسوری نے مزید کہا کہ صنعتی ترقی اور روزگار کے نئے مواقع پیدا کرنے کے لیے سندھ حکومت سرمایہ کاروں کو ہر ممکن تعاون فراہم کر رہی ہے۔ اس موقع پر شوڑو کے میئر نے گورنر سندھ کی دعوت پر جلد پاکستان کا دورہ کرنے کا عندیہ دیا۔ ملاقات کے دوران دونوں رہنماؤں نے چین اور پاکستان کے درمیان معاشی تعلقات کو مزید فروغ دینے کے لیے مشترکہ اقدامات پر بھی اتفاق کیا۔
سونے کی قیمت نئی بلند ترین سطح پر پہنچ گئی