پتا نہیں ہم پاکستان کا کیا امیج بنا رہے ہیں، حصص کیس میں جسٹس نعیم اختر افغان کے ریمارکس
اشاعت کی تاریخ: 26th, August 2025 GMT
نجی کمپنی کے حصص کی خرید و فروخت اور بورڈ آف ڈائریکٹرز کے الیکشن سے متعلق مقدمے کی سماعت جسٹس حسن اظہر رضوی کی سربراہی میں سپریم کورٹ کے 3 رکنی بینچ نے کی، جس میں جسٹس نعیم اختر افغان اور جسٹس میاں گل حسن اورنگزیب بھی شامل تھے۔
سماعت کے دوران وکیل احسن بھون نے بتایا کہ اس مقدمے میں سینکڑوں صفحات پر مشتمل ایک متفرق درخواست دائر کی گئی ہے۔
جسٹس نعیم اختر افغان نے ریمارکس دیے کہ کیا یہ وہی کیس ہے جس میں کمپنی کے ایک ڈائریکٹر کو امریکا میں ہراسانی ثابت ہونے پر نکالا گیا تھا؟ انہوں نے مزید کہا کہ اس نوعیت کا ایک کیس ان کے بینچ میں پہلے بھی آچکا ہے۔
یہ بھی پڑھیں:
جسٹس افغان نے کہا کہ سندھ ہائیکورٹ میں بھی ہراسانی ثابت ہونے پر ’گوروں‘ کے خلاف کارروائی کرتے ہوئے کیس چلایا گیا اور عدالتی حکم پر تھائی لینڈ اور امریکا میں مقیم افراد کو ذاتی حیثیت میں طلب کیا گیا۔
انہوں نے استفسار کیا کہ کیا سندھ ہائیکورٹ میں مقدمہ دائر کرنے والے وہی صاحب ہیں جو اب اس کیس میں فریق ہیں، جس پر وکلا نے جواب دیا کہ جی ہاں، یہ وہی شخص ہیں۔
جسٹس نعیم اختر افغان نے ریمارکس دیے کہ پتا نہیں ہم پاکستان کا کیا امیج بنا رہے ہیں، اس موقع پر انہوں نے ضیاالدین چشتی کی عدالت میں موجودگی کی بابت دریافت کیا اور کہا کہ ’ان کا دیدار تو کروائیں‘۔
مزید پڑھیں:
جسٹس نعیم اختر افغان نے کہا کہ سپریم کورٹ میں زیر التوا تمام مقدمات کو یکجا کر لیتے ہیں تاکہ نیک نیتی اور بدنیتی کا بخوبی جائزہ لیا جا سکے، سپریم کورٹ میں بھی اس کیس کو چلنے سے روکنے کی کوشش کی گئی تھی اور دورانِ عمل ’کیس کی فائلیں راستے سے ہی چوری ہو گئیں۔
جس پر وکیل شہزاد شوکت نے وضاحت کی کہ یہ چوری نہیں بلکہ ڈکیتی تھی، جسٹس میاں گل حسن اورنگزیب نے وکلا کو ہدایت دی کہ کمپنی کے حصص کی مکمل تفصیل تحریری صورت میں عدالت میں جمع کرائی جائے۔
عدالت نے مقدمے کی سماعت تین ہفتوں کے لیے ملتوی کر دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: جسٹس نعیم اختر افغان افغان نے کہا کہ
پڑھیں:
گزشتہ 15 سال میں کراچی کی ترقی کے 3360 ارب روپے غبن کیے گئے، حافظ نعیم الرحمان
کراچی:جماعت اسلامی پاکستان کے امیر حافظ نعیم الرحمان نے کراچی میں انفرااسٹرکچر کی ناقص صورت حال پر حکمران جماعت پاکستان پیپلزپارٹی (پی پی پی) پر تنقید کرتے ہوئے کہا ہے کہ گزشتہ 15 سال میں کراچی کی ترقی کے 3360 ارب روپے غبن کیے گئے۔
امیر جماعت اسلامی پاکستان حافظ نعیم الرحمان نے ملائیشیا سے واپس پر کراچی میں سینئر صحافیوں سے ملاقات کے دوران کہا کہ کراچی کے رہنے والے اذیت کا شکار ہیں، اس حالت پر افسوس ہوتا ہے، پاکستان پیپلزپارٹی (پی پی پی) نا اہل بھی ہے اور بددیانت بھی ہے۔
انہوں نے کہا کہ گزشتہ 15 سال میں کراچی کی ترقی کے 3360 ارب روپے غبن کیے گئے، کراچی کی ترقی کا ایک ہی راستہ ہے مقامی حکومتوں کو با اختیار بنایا جائے، ریڈ لائین فراڈ پروجیکٹ چند ہزار لوگوں کے لیے ریڈ تنگ کردی گئی ہے۔
امیر جماعت اسلامی نے کہا کہ یونیورسٹی روڈ سے لاکھوں لوگ گزرتے ہیں جن کی زندگی مشکل بنا دی گئی ہے، ملک میں حقیقی اپوزیشن کا کردار صرف جماعت اسلامی ادا کررہی ہے۔
حافظ نعیم الرحمان نے کہا کہ کراچی میں ووٹ کی چوری کو معاف نہیں کیا، اگلے فیز میں ووٹ کی حفاظت کو بھی یقینی بنائیں گے، جماعت اسلامی عام آدمی کے ساتھ کھڑی ہے۔
ان کا کہنا تھا کہ بلوچستان نازک معاملہ ہے، بذریعہ پنجاب لانگ مارچ بڑا بریک تھرو تھا، جماعت اسلامی کوئٹہ، جعفرآباد اور گوادر میں بنو قابل پروگرام شروع کر رہی ہے۔
انہوں نے کہا کہ سندھ میں وڈیرہ شاہی اسٹیبلشمنٹ کے اشارے پر پی پی کا ساتھ دے رہی ہے، سندھ کے نوجوانوں میں سوشل میڈیا کی بدولت بیداری کی لہر پیدا ہو رہی ہے۔
خیبرپختونخوا میں پاکستان تحریک انصاف (پی ٹی آئی) کے طویل اقتدار میں مافیاز پروان چڑھے، پنجاب میں ایک روٹی، دو کباب کی حکومتی امداد کے پیچھے بھی خودنمائی کی تحریک نظر آتی ہے۔
امیر جماعت اسلامی نے کہا کہ متناسب نمائندگی کا طریق انتخاب لاگو ہونا چاہیے، جماعت اسلامی لینڈ ریفارمز کا مطالبہ کرتی ہے۔
انہوں نے کہا کہ افغانستان سے پر امن تعلقات چاہتے ہیں، ڈائیلاگ ہونے چاہئیں، افغانستان کو بھی سمجھنا چاہیے، وہاں سے دراندازی بند ہونی چاہیے۔
اسپیکر خیبرپختونخوا اسمبلی نے اپنی ہی حکومت کی کارکردگی پر سوالات اٹھادیے