لبنان حزب اللہ کو غیر مسلح کرنے کا منصوبہ 31 اگست کو پیش کرے گا، امریکی ایلچی کا دعویٰ
اشاعت کی تاریخ: 27th, August 2025 GMT
امریکی ایلچی تھامس بیراک نے دعویٰ کیا ہے کہ لبنان اتوار (31 اگست) کو ایک منصوبہ پیش کرے گا جس کا مقصد حزب اللہ کو ہتھیار ڈالنے پر آمادہ کرنا ہے۔ اس کے بدلے میں اسرائیل سے توقع کی جا رہی ہے کہ وہ جنوبی لبنان سے اپنی فوج کی واپسی کے لیے ایک فریم ورک پیش کرے گا۔
لبنانی حکومت کا مؤقفبیراک کے مطابق یہ منصوبہ فوجی دباؤ یا طاقت کے استعمال پر مبنی نہیں ہوگا بلکہ حزب اللہ کو قائل کرنے کی حکمت عملی اپنائی جائے گی۔
یہ بھی پڑھیے لبنان حزب اللہ کو ملک بدر کرے ورنہ غزہ جیسے حالات کے لیے تیار رہے، اسرائیلی وزیراعظم
اس میں ایران سے مالی معاونت حاصل کرنے والے حزب اللہ کے جنگجوؤں پر پڑنے والے معاشی اثرات کو بھی شامل کیا جائے گا۔
لبنانی وزیرِاعظم نواف سلام نے کہا ہے کہ ملک نے ایک ناگزیر راستہ اختیار کر لیا ہے تاکہ تمام ہتھیار ریاستی کنٹرول میں آجائیں۔ فوج کو اگلے ہفتے تک ایک جامع منصوبہ پیش کرنے کا حکم دیا گیا ہے۔
اسرائیل نے عندیہ دیا ہے کہ اگر لبنانی فوج حزب اللہ کو غیر مسلح کرنے میں پیش قدمی کرتی ہے تو وہ جنوبی لبنان سے اپنی فوجی موجودگی کم کرنے پر تیار ہے۔
بیراک نے اسرائیلی وزیراعظم بنیامین نیتن یاہو سے ملاقات کے بعد اسے ایک ’تاریخی پیش رفت‘ قرار دیا اور کہا:
’اسرائیل نے اب کہہ دیا ہے کہ وہ لبنان پر قبضہ نہیں کرنا چاہتا۔ وہ واپس جانے پر راضی ہے، لیکن شرط یہ ہے کہ حزب اللہ کے ہتھیار ڈالنے کا عملی منصوبہ سامنے آئے۔‘
یہ بھی پڑھیے لبنانی کابینہ کا حزب اللہ کو غیر مسلح کرنے کا عزم، شیعہ وزرا کا واک آؤٹ
حزب اللہ کا ردِعملحزب اللہ کے ڈپٹی سیکرٹری جنرل شیخ نعیم قاسم نے ایک خطاب میں حکومت کے اس فیصلے کو کڑی تنقید کا نشانہ بنایا۔
اُنہوں نے کہا کہ قومی دفاعی حکمتِ عملی پر بات چیت اُس وقت ہی ہوگی جب اسرائیل مکمل طور پر 27 نومبر کو ہونے والے جنگ بندی معاہدے پر عمل درآمد کرے۔
قاسم کے مطابق:
’پہلے وہ معاہدے پر عمل کریں، اس کے بعد ہم دفاعی حکمت عملی پر بات کریں گے۔‘
حزب اللہ گزشتہ سال اسرائیل کے ساتھ جنگ میں شدید کمزور ہوئی، جس میں اس کے کئی اعلیٰ کمانڈر مارے گئے۔
امریکی ایلچی نے کہا کہ حزب اللہ کے تقریباً 40 ہزار جنگجو ایران کی فنڈنگ پر انحصار کرتے ہیں، اس لیے اُنہیں غیر مسلح کرنے کے ساتھ ساتھ متبادل روزگار کی فراہمی ضروری ہے۔
بیراک نے بتایا کہ قطر اور سعودی عرب سمیت خلیجی ممالک لبنان کی معیشت، خصوصاً جنوبی علاقے میں سرمایہ کاری کے لیے تیار ہیں تاکہ حزب اللہ کے پیروکاروں کے لیے نئے معاشی مواقع پیدا کیے جا سکیں۔
اس مقصد کے لیے ایک اقتصادی فورم بنانے کی بات ہو رہی ہے، جسے امریکا، لبنان اور خلیجی ممالک مل کر سپورٹ کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل امریکا حزب اللہ شیخ نعیم قاسم لبنان لبنانی حکومت.ذریعہ: WE News
کلیدی لفظ: اسرائیل امریکا حزب اللہ لبنانی حکومت امریکی ایلچی حزب اللہ کو حزب اللہ کے کہ حزب اللہ کے لیے
پڑھیں:
حماس کی جانب سے واپس کیے گئے اجسام یرغمالیوں کے نہیں،اسرائیل کا دعویٰ
اسرائیلی حکام نے کہا ہے کہ حماس کی جانب سے واپس کیے گئے تین افراد کے اجسام کسی بھی لاپتہ اسرائیلی یرغمالی سے مطابقت نہیں رکھتے۔ غیر ملکی خبر رساں ادارے یو پی آئی کے مطابق یہ باقیات جمعے کی شب بین الاقوامی ریڈ کراس کے ذریعے غزہ سے اسرائیل منتقل کی گئیں، جس کے بعد تل ابیب میں فرانزک ٹیسٹ کیے گئے۔
اسرائیلی حکام کا کہنا ہے کہ یہ اجسام ان 11 یرغمالیوں میں سے کسی کے نہیں جنہیں اب بھی غزہ میں قید رکھا گیا ہے۔
القصام بریگیڈز نے اپنے بیان میں کہا کہ “دشمن نے نمونے وصول کرنے سے انکار کیا اور مکمل لاشوں کے حوالے کا مطالبہ کیا۔” گروپ کے مطابق وہ اسرائیلی زیرِ قبضہ علاقے، جسے “یلّو لائن” کہا جاتا ہے، میں موجود یرغمالیوں کی لاشوں کی تلاش جاری رکھے ہوئے ہیں اور ریڈ کراس سے اس سلسلے میں مزید سہولیات فراہم کرنے کا مطالبہ کیا ہے۔
انٹرنیشنل کمیٹی آف ریڈ کراس (ICRC) نے واضح کیا ہے کہ وہ لاشوں کی تلاش میں حصہ نہیں لیتی بلکہ بین الاقوامی انسانی قانون کے مطابق فریقین ہی مردہ افراد کی تلاش، جمع آوری اور واپسی کے ذمہ دار ہیں۔
سیزفائر معاہدے کے بعد سے حماس اب تک 17 یرغمالیوں کی لاشیں واپس کر چکی ہے۔ معاہدے کے تحت تمام ہلاک شدہ یرغمالیوں کی واپسی 72 گھنٹوں کے اندر ہونی تھی، تاہم اب تک صرف چار لاشیں واپس کی گئی ہیں، جب کہ بیس زندہ یرغمالیوں کو رہائی دی جا چکی ہے۔
دوسری جانب اسرائیل نے جمعے کے روز جنگ بندی کے معاہدے کے تحت 30 فلسطینی قیدیوں کی لاشیں واپس کر دیں۔
(ذرائع: یو پی آئی، ٹائمز آف اسرائیل، فوکس نیوز، جیرُوسلم پوسٹ)
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مزارِ قائد کے تاریخی فانوس کو قومی عجائب گھر میں نصب کرنے کا فیصلہ