شاہ رخ خان اور ڈیپیکا پڈوکون مشکل میں پھنس گئے، ایف آئی آر بھی کٹ گئی
اشاعت کی تاریخ: 27th, August 2025 GMT
بالی ووڈ کے سپر اسٹارز شاہ رخ خان اور ڈیپیکا پڈوکون ایک قانونی معاملے میں پھنس گئے ہیں۔ بھارت پور کے وکیل کی شکایت پر دونوں اداکاروں کے خلاف ایف آئی آر درج کی گئی ہے، جس میں 2022 میں خریدی گئی ایک ہنڈائی الکازار گاڑی میں نقصانات کی شکایت کی گئی ہے۔
شکایت کنندہ وکیل کرتی سنگھ کا کہنا ہے کہ انہوں نے مالوا آٹو سیلز پر گاڑی خریدی اور کمپنی نے مکمل طور پر مسئلہ فری گاڑی دینے کا وعدہ کیا تھا، مگر خریداری کے بعد گاڑی میں ایکسیلیریٹر اور انجن مینجمنٹ سسٹم سمیت کئی تکنیکی مسائل سامنے آئے جو ان کے خاندان کی حفاظت کے لیے خطرہ بن گئے۔
مزید پڑھیں: شاہ رخ خان کے پاکستانی بھانجے کا سوہنا خان کے بارے دبنگ انکشاف
سنگھ نے کہا کہ کمپنی کی طرف سے کوئی مؤثر حل یا ریفنڈ نہیں ملا، جس کے بعد انہوں نے قانونی کارروائی کا فیصلہ کیا۔ ایف آئی آر میں ہنڈائی کے منیجنگ ڈائریکٹر انسو کم، چیف آپریٹنگ آفیسر ترون گارگ، مالوا آٹو سیلز کے ڈائریکٹرز اور اداکار شاہ رخ خان و ڈیپیکا پڈوکون کو بھی نامزد کیا گیا ہے، کیونکہ انہوں نے برانڈ ایمبیسیڈر کے طور پر گاڑی کی تشہیر کی تھی۔
موجودہ صورتحال میں ماتھورا گیٹ پولیس اسٹیشن تحقیقات کر رہا ہے، اور ثبوتوں کی بنیاد پر آئندہ قانونی کارروائی کی جائے گی۔ ابھی تک شاہ رخ خان اور ڈیپیکا پڈوکون نے اس معاملے پر کوئی عوامی بیان نہیں دیا۔
اداکار شاہ رخ خان اگلی فلم ‘کنگ’ میں نظر آئیں گے جبکہ ڈیپیکا پڈوکون ایٹلی کی سائنس فکشن فلم میں کام کی تیاری کر رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف آئی آر دیپیکا شاہ رخ خان.ذریعہ: WE News
کلیدی لفظ: ایف ا ئی ا ر دیپیکا شاہ رخ خان شاہ رخ خان
پڑھیں:
لاٹری ٹکٹ گھر بھولنے والے امریکی شہری نے 5 لاکھ ڈالر کیسے جیت لیے؟
امریکی ریاست اوہائیو کے شہر روزویل کے ایک شخص نے 50 ڈالر کی جیت والی اسکریچ آف لاٹری ٹکٹ گھر پر بھول جانے کے بعد دکان سے وہی لاٹری ٹکٹ دوبارہ خریدی اور اس بار قسمت نے اس کا ساتھ دے دیا، دوسری ٹکٹ نے اسے 5لاکھ ڈالر کا انعام دلوا دیا۔
یہ بھی پڑھیں: امریکی شہری نے 5 لاکھ 64 ہزار 219 ڈالر کی لاٹری جیت لی، رقم سرمایہ کاری پر لگانے کا اعلان
اوہائیو لاٹری حکام کے مطابق وہ شخص اپنی پہلی 50 ڈالر جیتنے والی ٹکٹ کیش کرانے کے لیے زینس وِل کے ساؤتھ 60 مارکیٹ پہنچا، لیکن وہاں جاکر احساس ہوا کہ ٹکٹ تو گھر پر ہی رہ گئی ہے۔
تاہم وہ واپس نہیں لوٹا بلکہ اسی گیم کی ایک اور ٹکٹ خریدی، گاڑی میں بیٹھ کر اسکریچ کی اور حیران رہ گیا، کیونکہ اس بار ٹکٹ پر جیت کی رقم 5لاکھ ڈالر درج تھی۔
یہ بھی پڑھیں: ’ساؤتھ کیرولائنا خاتون نے دو ماہ میں دوسری بڑی لاٹری جیت لی‘
خوش قسمت شہری نے بتایا کہ وہ یہ رقم قرضہ ختم کرنے، نئی گاڑی خریدنے اور کام کے دن کم کرکے خاندان کے ساتھ زیادہ وقت گزارنے پر خرچ کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا انعامی رقم اوہائیو ٹکٹ لاٹری
راولپنڈی پولیس کی لیڈی کانسٹیبلز کو بڑا اعزاز حاصل