خصوصی اقتصادی زونز کے قیام کے 45 سال، چین کی ترقی و اصلاحات اور کھلے پن کے معجزے کا مشاہدہ
اشاعت کی تاریخ: 27th, August 2025 GMT
:26اگست 1980 کو ، چین نے باضابطہ طور پر شینزین ، جوہائی ، شانتو اور شیامین میں خصوصی اقتصادی زونز قائم کیے۔ یوں چین کی اصلاحات و کھلے پن نے ایک سنگ میل کی حیثیت رکھنے والا قدم اٹھایا۔ گزشتہ 45 برسوں کے دوران خصوصی اقتصادی زونز چین کی اصلاحات و کھلے پن کی “ٹیسٹنگ فیلڈ” سے چین کی ترقی کے لیے ایک مضبوط محرک قوت بن کر ابھرے ہیں، جو عالمی معیشت میں انضمام کے عمل میں انتہائی اہم کردار ادا کرتے ہوئے، گلوبل ساؤتھ ممالک کی ترقی کے لیے بھی ایک قابل قدر حوالہ فراہم کرتے ہیں۔خصوصی اقتصادی زونز چین کی اقتصادی ترقی کے عمل میں ایک انتہائی اہم کردار ادا کرتے ہیں اور اقتصادی عروج کے لیے ایک اہم انجن ہیں۔
شینزین کی مثال لیں تو، 1980 میں شینزین کا جی ڈی پی محض 270 ملین یوان تھا اور یہ ایک غیر معروف چھوٹا ماہی گیری گاؤں تھا۔ تاہم، خصوصی اقتصادی زون کی کھلی پالیسیوں اور اختراعی جذبے کی بدولت، شینزین نے محض 45 سالوں میں حیرت انگیز ترقی کی ہے۔2025 کی پہلی ششماہی میں، شینزین کی جی ڈی پی 1.
بہت سی فارچیون 500 کمپنیوں نے شینزین میں آر اینڈ ڈی مراکز ، پروڈکشن بیسز یا علاقائی ہیڈ کوارٹرز قائم کیے ہیں ، جیسے ایپل ، مائیکروسافٹ ، سام سنگ اور دیگر بین الاقوامی شہرت یافتہ کاروباری ادارے وغیرہ ، ان کی آمد نے شینزین کی صنعتی اپ گریڈنگ اور جدید ترقی کو فروغ دیا ہے۔ اسی دوران ، ہواوے ، ٹینسینٹ اور بی وائی ڈی جیسی بین الاقوامی سطح پر مسابقتی چینی کمپنیوں کی ایک بڑی تعداد شینزین میں ابھر کر سامنے آئی ہے۔ ہواوے دنیا بھر کے 170 سے زائد ممالک اور خطوں میں فعال ہے اور اس کی 5 جی کمیونیکیشن ٹیکنالوجی نے عالمی مواصلاتی صنعت کی ترقی میں اہم کردار ادا کیا ہے۔ بی وائی ڈی کی نئی توانائی گاڑیاں دنیا بھر کے بہت سے ممالک اور خطوں کو برآمد کی جاتی ہیں ، جس نے عالمی نیو انرجی گاڑیوں کی صنعت کی ترقی کو فروغ دیا ہے۔ خصوصی اقتصادی زونز کی ترقی کی راہ نے چین کے عالمی سطح پر مرکز کی طرف بڑھنے کے راستے کو واضح کیا ہے، جس سے چین اقتصادی عالمگیریت کا ایک اہم شریک اور محرک بن گیا ہے۔ رواں سال صدر شی جن پھنگ کی جانب سے شینزین جامع اصلاحاتی پائلٹ پروگرام کی تعیناتی کی پانچویں سالگرہ بھی منائی جا رہی ہے۔ اس نئے نقطہ آغاز پر کھڑے ہو کر خصوصی اقتصادی زونز کو مزید دور رس مشن سونپے گئے ہیں ۔ اس وقت دنیا گہری تبدیلیوں سے دوچار ہے ، گلوبلائزیشن کو چیلنجز کا سامنا ہے اور عالمی معاشی گورننس کے نظام میں جامع تبدیلیوں کی ضرورت ہے۔ خصوصی اقتصادی زونز کو ماضی کے “اصولوں کو قبول کرنے والے” سے “اصولوں میں شریک” اور یہاں تک کہ بعض شعبوں میں “اصول ساز” میں تبدیل ہونے کی ضرورت ہے۔
مارکیٹ تک رسائی، دانشورانہ املاک کے تحفظ، کراس بارڈر ڈیٹا کے بہاؤ جیسے شعبوں میں ادارہ جاتی کھلے پن کو گہرا کرکے ، خصوصی اقتصادی زونز اعلیٰ سطح کے بین الاقوامی اقتصادی اور تجارتی قوانین کی جستجو میں چین کی شرکت کے لئے معاونت فراہم کرنا جاری رکھیں گے۔گزشتہ 45 سالوں میں چین کے خصوصی اقتصادی زونز اصلاحات کے لیے “ٹیسٹ فیلڈ” سے ترقی کا “نمائشی دریچہ” بن گئے ہیں ، جس سے بیرونی دنیا کے لیے کھلے پن کا ایک ہمہ جہت، کثیر سطحی اور وسیع پیمانے پر نمونہ تشکیل دیا گیا ہے۔
خصوصی اقتصادی زونز کی کامیابی نہ صرف اقتصادی معجزے تخلیق کرنے میں ہے، بلکہ ایک اہم حقیقت کو ثابت کرنے میں بھی ہے کہ” ہر ملک کو ترقی کا ایک ایسا راستہ تلاش کرنے کی ضرورت ہے جو اس کی اپنی خصوصیات کے مطابق ہو”. جیسا کہ گلوبل ساؤتھ کے ممالک غربت سے نکلنے اور جدیدیت کے حصول کے راستے تلاش کر رہے ہیں، چین کے خصوصی اقتصادی زونز کی عملی مشق خودمختاری کو برقرار رکھتے ہوئے گلوبلائزیشن کو اپنانے کا امکان پیش کرتی ہے ۔ یہ نہ صرف انسانی تہذیب کے شاندار کارناموں کو جذب کرتی ہے بلکہ قومی خصوصیات کے ساتھ ترقی کے راستے پر بھی کاربند رہتی ہے۔ یہ چین کے 45 سالہ خصوصی اقتصادی زونز کی جانب سے دنیا کے لیے پیش کی گئی بیش قیمت دولت ہو سکتی ہے۔
ٌٌ
ذریعہ: Daily Mumtaz
کلیدی لفظ: خصوصی اقتصادی زونز کی بین الاقوامی شینزین کی ایک اہم ترقی کے کی ترقی کھلے پن چین کے کے لیے چین کی
پڑھیں:
زونگ کی جانب سے چین۔پاکستان انٹرنیشنل جوائنٹ انوویشن لیبارٹری کے قیام کا اعلان
پاکستان کی معروف انفارمیشن سروسز اور ٹیکنالوجی انوویشن کمپنی زونگ فورجی نے پاک چین لو کاربن انٹیلی جنٹ مینوفیکچرنگ انٹرنیشنل جوائنٹ انوویشن لیبارٹری کے قیام کے لیے ایک معاہدے پر دستخط کیے ہیں۔ یہ لیبارٹری فاسٹ،نیشنل یونیورسٹی آف کمپیوٹر اینڈ ایمرجنگ سائنسز اسلام آباد میں قائم کی جائے گی، جو چین اور پاکستان کے درمیان سائنسی اور تکنیکی تعاون کے ایک نئے سنگ میل کی حیثیت رکھتی ہے۔
یہ لیبارٹری زونگ فورجی، سوزو یونیورسٹی آف سائنس اینڈ ٹیکنالوجی (USTS)، گوانگ ژو انسٹیٹیوٹ آف سافٹ ویئر اپلیکیشن ٹیکنالوجی (GZIS) اورفاسٹ ،نیشنل یونیورسٹی آف کمپیوٹر اینڈ ایمرجنگ سائنسز کے باہمی اشتراک سے قائم کی جارہی ہے جو ایک ریسرچ اینڈ ڈویلپمنٹ پلیٹ فارم کے طور پر کام کرے گی۔ اس اقدام کا مقصد سائنسی تحقیق کو مضبوط بنانا، علمی تبادلے کو فروغ دینا اور جدید ٹیکنالوجی کے ذریعے کم کاربن انوویشن کو آگے بڑھانا ہے۔
اس اشتراک کے تحت ابتدائی تحقیق چار بنیادی شعبوں پر مرکوز ہوگی جن میں کلاؤڈ اور ڈیجیٹل ٹیکنالوجیز کے استعمال کے ذریعے کم کاربن اور ماحولیاتی تحفظ،مصنوعی ذہانت اور 5G کنیکٹیویٹی کے ذریعے انٹیلی جنٹ کنسٹرکشن اینڈ مینوفیکچرنگ،بگ ڈیٹا اور اسمارٹ انرجی مینجمنٹ کے ذریعے قابل تجدید توانائی کے نظام اور ڈیجیٹل اور انٹیلی جنٹ ایپلیکیشنز جوآئی او ٹی ،اے آئی اور ایڈوانسڈ اینالیٹکس کو یکجا کرتی ہیں۔یہ تمام شعبے ایک اسٹریٹجک روڈمیپ کی نمائندگی کرتے ہیں جو اس مستقبل کی جانب رہنمائی کرتا ہے جہاں تکنیکی انوویشن پائیدار ترقی کے اہداف کے ساتھ ہم آہنگ ہو۔
چین ۔پاک انٹرنیشنل جوائنٹ انوویشن لیبارٹری ایک کثیر الشعبہ پلیٹ فارم کے طور پر کام کرے گی جو تعلیمی و صنعتی دنیا کے درمیان پل کا کردار ادا کرے گی اور سائنسی کامیابیوں کو مارکیٹ میں استعمال کے قابل سالوشنز میں تبدیل کرے گی۔ اس کے علاوہ، یہ کم کاربن سسٹم اور ڈیجیٹل ٹیکنالوجیز کے شعبوں میں نوجوان ریسرچرز اور انجینئرز کے لیے ٹیلنٹ ڈویلپمنٹ کے مواقع بھی فراہم کرے گی تاکہ وہ چین۔پاکستان اکنامک کاریڈور (سی پیک) کے فریم ورک کے مطابق عملی تحقیق اور پائلٹ منصوبوں میں حصہ لے سکیں۔زونگ صنعتی سہولت کار کے طور پر کردار ادا کرے گا، جو تعلیمی تحقیق کو عملی کاروباری ایپلیکیشنز سے جوڑے گا جبکہ شراکت دار یونیورسٹیاں اور تحقیقی ادارے اپنے خصوصی مہارت اور استعداد کار کے ذریعے مشترکہ تحقیقی نتائج کو فروغ دیں گے۔
زونگ کے چیف ٹیکنیکل آفیسر ڈاکٹر ماؤ وی لیانگ نے کہا کہ ،”اس انٹرنیشنل جوائنٹ انوویشن لیبارٹری کا قیام ایک نئے ایسے ایکو سسٹم کی تشکیل کی جانب فیصلہ کن قدم ہے جہاں تحقیق حقیقی دنیا پر اثر ڈالتی ہے۔ چین اور پاکستان کے نمایاں تعلیمی اور تحقیقی اداروں کو یکجا کر کے ہم انٹیلی جنٹ مینوفیکچرنگ، ڈیجیٹل انوویشن، بشمول 5G، مصنوعی ذہانت، بگ ڈیٹا، کلاؤڈ کمپیوٹنگ اور دیگر ابھرتی ہوئی ٹیکنالوجیز میں پائیدار صنعتی ترقی کے لیے ایک مضبوط بنیاد رکھ رہے ہیں۔”
فاسٹ ،نیشنل یونیورسٹی آف کمپیوٹر اینڈ ایمرجنگ سائنسزکے ریکٹر ڈاکٹر آفتاب معروف نے کہا کہ ،”یہ تعاون اکیڈمیہ اور انڈسٹری کے مابین مضبوط تعلقات کی عکاسی کرتا ہے اور اس امر کو اجاگر کرتا ہے کہ یونیورسٹیاں پاکستان کے انوویشن ایکو سسٹم کو تشکیل دینے میں کس طرح اہم کردار ادا کر سکتی ہیں۔ اپنے طلبہ اورریسرچرز کواے آئی( AI)،انٹرنیٹ آف تھنگز( IoT)، کلاؤڈ اور لو کاربن سسٹمز پر مبنی عملی تحقیق میں شامل کر کے ہم ایسے حل فراہم کر رہے ہیں جو قومی و بین الاقوامی سطح پر پائیدار صنعتی ترقی میں مددگار ثابت ہوں گے۔”
چین۔پاکستان لو کاربن انٹیلی جنٹ مینوفیکچرنگ انٹرنیشنل جوائنٹ انوویشن لیبارٹری کا قیام بیلٹ اینڈ روڈ فریم ورک کے تحت سائنسی و تکنیکی ترقی کے مشترکہ عزم کی نمائندگی کرتا ہے، جو انڈسٹری ،ریسرچ اور پائیداری کے درمیان روابط مستحکم کرنے میں زونگ کے تکنیکی سفر کو تقویت دیتا ہے۔
اشتہار
جنگ بندی معاہدے کی خلاف ورزی، اسرائیل کے غزہ پر حملے، 8 فلسطینی شہید