پائلٹ کی انجینیئرز سے 50 منٹ کی کانفرنس کال بھی ایف 35 طیارہ نہ بچاسکی
اشاعت کی تاریخ: 28th, August 2025 GMT
امریکی فضائیہ کے ایک ایف 35 لڑاکا طیارے کے پائلٹ کو تقریباً ایک گھنٹے تک ہوا میں تکنیکی خرابی حل کرنے کی کوشش کے بعد جہاز سے ایجیکٹ کرنا پڑا، جب طیارہ الاسکا کے ایک رن وے پر گرنے والا تھا۔
سوشل میڈیا پر شیئر کی گئی ویڈیو میں دیکھا جا سکتا ہے کہ طیارہ رن وے کی طرف گھومتا ہوا جا رہا ہے اور آخرکار آگ پکڑ لیتا ہے، جبکہ پائلٹ پیرا شوٹ کے ذریعے محفوظ زمین پر اتر گیا۔
The Air Force has published details on the F-35 crash in Alaska earlier this year.
— Scott Manley (@DJSnM) August 26, 2025
سی این این کے مطابق، نوزاورمین لینڈنگ گیئرمیں ہائیڈرالک لائنز میں برف جم جانے کی وجہ سے لینڈنگ گئر صحیح طرح سے کھل نہیں سکا، جس کے نتیجے میں حادثہ ہوا۔ ٹیک آف کے بعد پائلٹ نے لینڈنگ گئر کو واپس رکھنے کی کوشش کی مگر ناکام رہا۔ جب اسے دوبارہ نیچے کرنے کی کوشش کی تو نوز کا گیئر ایک زاویے پر پھنس گیا۔
پائلٹ نے اس مسئلے کو حل کرنے کی کوشش کے دوران 5 لاک ہیڈ مارٹن انجینئرز کے ساتھ کانفرنس کال کی اور تقریباً 50 منٹ تک مسئلے کو حل کرنے کی کوشش کی، پائلٹ نے 2 بار ’ٹچ اینڈ گو‘ لینڈنگ کرنے کی کوشش کی، مگر ناکام رہا، جس سے لینڈنگ گیئر مکمل طور پر جم گیا۔
یہ بھی پڑھیں: کیلیفورنیا میں امریکی نیوی کا ایف-35 لڑاکا طیارہ گر کر تباہ، ویڈیو بھی آگئی
طیارے کے سینسر نے زمین پر ہونے کا اشارہ دیا، جس کی وجہ سے طیارہ ناقابلِ کنٹرول ہو گیا اور پائلٹ کو ایجیکٹ کرنا پڑا، ایئر فورس کے معائنے میں پایا گیا کہ نوز اور دائیں مین لینڈنگ گیئر میں ہائیڈرالک فلوئڈ کا ایک تہائی حصہ پانی پر مشتمل تھا۔
تقریباً 9 دن بعد اسی بیس پر ایک اور ایف 35 کو ہائیڈرالک آئسنگ کا سامنا کرنا پڑا، تاہم وہ طیارہ محفوظ لینڈنگ کرنے میں کامیاب رہا، حادثہ کے وقت درجہ حرارت -18 ڈگری سیلسیس تھا۔
مزید پڑھیں:امریکی حادثے میں تباہ ہونے والا بلیک ہاک ہیلی کاپٹر ماضی میں کب کب حادثات کا شکار ہوا؟
رپورٹ میں کہا گیا کہ پائلٹ کے فیصلے، بشمول ان فلائٹ کانفرنس کال کے دوران کیے گئے اور خطرناک مواد کے پروگرام کی ناکافی نگرانی اس حادثے میں کردار ادا کر رہے تھے۔
لاک ہیڈ مارٹن کے ایف35 پروگرام کو پیداوار میں کمی اور مہنگائی کے باعث تنقید کا سامنا ہے، 2021 میں ایف 35 کی قیمت تقریباً 135.8 ملین ڈالر تھی جو 2024 میں امریکی محکمہ دفاع کے معاہدے کے تحت 81 ملین ڈالر تک کم ہو گئی۔ پروگرام 2088 تک جاری رہنے کا امکان ہے اور کل لاگت 2 ٹریلین ڈالر سے تجاوز کرنے کی توقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئسنگ الاسکا ایف 35 برف کریش لینڈنگ گیئر
ذریعہ
ذریعہ: WE News
کلیدی لفظ: الاسکا ایف 35 لینڈنگ گیئر کرنے کی کوشش لینڈنگ گیئر کی کوشش کی
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع