امریکا اور وینزویلا کے درمیان کشیدگی میں اضافہ، ٹرمپ نے بحری جہاز تعینات کردیے
اشاعت کی تاریخ: 29th, August 2025 GMT
امریکا اور وینزویلا کے درمیان کشیدگی اس وقت بڑھ گئی ہے جب امریکا نے جنوبی کیریبین اور قریبی پانیوں میں اپنی بحری افواج کی غیر معمولی تعیناتی کر دی ہے۔ امریکی حکام کا کہنا ہے کہ اس اقدام کا مقصد لاطینی امریکا کے منشیات فروش کارٹلز کے خطرات سے نمٹنا ہے۔
امریکی صدر ڈونلڈ ٹرمپ نے منشیات فروش گروہوں کے خلاف کریک ڈاؤن کو اپنی حکومت کی مرکزی ترجیح قرار دیا ہے جسے وہ غیر قانونی ہجرت روکنے اور جنوبی سرحد محفوظ بنانے کی وسیع تر پالیسی کا حصہ کہتے ہیں۔
یہ بھی پڑھیے: ٹرمپ کا یورپی یونین اور میکسیکو پر 30 فیصد ٹیرف کا اعلان، تجارتی کشیدگی میں اضافہ
روئٹرز کے مطابق ایک امریکی عہدیدار نے بتایا کہ اس وقت 7 امریکی جنگی جہاز اور ایک ایٹمی طاقت سے چلنے والی آبدوز خطے میں موجود ہیں یا آئندہ ہفتے وہاں پہنچنے والی ہیں۔ اس تعیناتی میں یو ایس ایس سان انتونیو، یو ایس ایس ایوو جیما اور یو ایس ایس فورٹ لاڈرڈیل شامل ہیں جن پر مجموعی طور پر 4,500 اہلکار، جن میں 2,200 میرینز بھی ہیں، موجود ہیں۔
وینزویلا کے صدر نکولس مادورو نے اس اقدام کی شدید مذمت کی ہے۔ وینزویلا نے اقوامِ متحدہ کے سیکریٹری جنرل انتونیو گوتریس کو باقاعدہ شکایت درج کراتے ہوئے کہا ہے کہ امریکا اقوامِ متحدہ کے چارٹر کی خلاف ورزی کر رہا ہے۔ وینزویلا کے اقوامِ متحدہ میں سفیر سموئیل مونکاڈا نے کہا کہ یہ ایک بڑی پروپیگنڈا مہم ہے تاکہ فوجی مداخلت کو جواز فراہم کیا جا سکے۔
یہ بھی پڑھیے: امریکا نے وینزویلا کے صدرکی گرفتاری کے لیےانعامی رقم 50 ملین ڈالرکردی
وائٹ ہاؤس نے مؤقف اختیار کیا ہے کہ صدر ٹرمپ امریکی طاقت کے ہر ذریعے کو استعمال کرنے کے لیے تیار ہیں تاکہ منشیات کو ملک میں داخل ہونے سے روکا جا سکے۔ امریکی حکام کے مطابق خطے کے کئی ممالک نے انسدادِ منشیات کارروائیوں پر واشنگٹن کے اقدامات کی حمایت کی ہے۔
امریکی فوجی ذرائع کے مطابق خطے میں P-8 جاسوس طیارے بھی نگرانی کر رہے ہیں۔ دوسری جانب مادورو حکومت نے اعلان کیا ہے کہ وہ کولمبیا کی سرحدی ریاستوں میں 15 ہزار فوجی تعینات کرے گی تاکہ منشیات فروش گروہوں کے خلاف کارروائیاں کی جا سکیں۔
مادورو نے مزید کہا ہے کہ ہر جمعہ اور ہفتہ کو شہری دفاعی گروپوں کو تربیت دی جائے گی۔ ان کا کہنا تھا کہ ہماری سفارت کاری توپوں اور دھمکیوں کی نہیں، کیونکہ دنیا اب 100 سال پرانی دنیا نہیں رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی بحریہ منشیات وینزویلا یو ایس نیوی.
ذریعہ
ذریعہ: WE News
کلیدی لفظ: امریکا امریکی بحریہ منشیات وینزویلا یو ایس نیوی وینزویلا کے یو ایس
پڑھیں:
سعودی عرب کی ابراہیمی معاہدے میں شمولیت تاریخی قدم ہوگا، نیتن یاہو کا ٹرمپ کی شرط پر ردعمل
نیتن یاہو - فوٹو: فائلاسرائیلی وزیراعظم بن یامین نیتن یاہو نے امریکی صدر ڈونلڈ ٹرمپ کے سعودی عرب پر سول جوہری معاہدے کےلیے ابراہیمی معاہدے میں شمولیت کی شرط سے متعلق ردِ عمل دے دیا۔
برطانوی خبر رساں ادارے رائٹرز کی رپورٹ کے مطابق ایکس (سابقہ ٹوئٹر) پر جاری ایک بیان میں اسرائیلی وزیراعظم کا کہنا تھا کہ سعودی عرب کا ’ابراہیمی معاہدے‘ میں شامل ہونا مشرقِ وسطیٰ میں امن و سلامتی کے لیے تاریخی اور عظیم پیش رفت ہوگی۔
خیال رہے کہ نیتن یاہو کی جانب سے یہ بیان امریکی صدر ڈونلڈ ٹرمپ کے اس اعلان کے بعد سامنے آیا جس میں انہوں نے امریکہ اور سعودی عرب کے درمیان ہونے والے سول جوہری معاہدے کا ذکر کیا تھا۔
اپنے بیان میں امریکی صدر کا کہنا تھا کہ امریکی محکمہ توانائی اور سعودی عرب کے درمیان سول جوہری معاہدہ منظور کرلیا جائے گا۔
صدر ٹرمپ نے واضح طور پر یہ شرط رکھی تھی کہ امریکہ اور سعودی عرب کے درمیان یہ سول جوہری معاہدہ اسی صورت ممکن ہوگا جب سعودی عرب باضابطہ طور پر ’ابراہیمی معاہدے‘ کا حصہ بنے گا۔
تاہم یہ علم میں رہے کہ اپنے بیان میں اسرائیلی وزیراعظم نے امریکہ اور سعودی عرب کے اس سول جوہری معاہدے کا براہِ راست کوئی تذکرہ نہیں کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار