مریم نواز کا قصور میں فلڈ ریلیف کیمپ کا دورہ: خواتین اور بچوں سے ملاقات، مسائل سنے
اشاعت کی تاریخ: 31st, August 2025 GMT
پنجاب کی وزیر اعلیٰ مریم نواز شریف سیلاب سے متاثرہ عوام کی بحالی کے لیے مسلسل چوتھے روز بھی فیلڈ میں سرگرم رہیں۔ آج انہوں نے قصور کے ڈی پی ایس اسکول میں قائم فلڈ ریلیف کیمپ کا دورہ کیا، جہاں انہوں نے متاثرہ خواتین اور بچوں سے ملاقات کی، ان کے مسائل سنے، دلاسہ دیا اور ان کی دل جوئی کی۔
ریلیف کیمپ میں موجود ایک خاتون نے ریسکیو ٹیم کی بروقت کارروائی پر اظہارِ تشکر کرتے ہوئے کہا کہ نہ صرف سیلاب سے بحفاظت نکالا گیا، بلکہ محفوظ کیمپوں تک بھی پہنچایا گیا، ہم وزیراعلیٰ کی شکر گزار ہیں۔
بچوں سے محبت بھرا لمحہ
کیمپ کے دورے کے دوران وزیراعلیٰ نے بچوں سے خاص وقت گزارا۔ انہوں نے بچوں کو گود میں بٹھایا، ان سے خوشگوار انداز میں بات چیت کی اور وائٹ بورڈ پر نام لکھنے والے بچوں کو انعامات بھی دیے، جس سے کیمپ کا ماحول ایک لمحے کو خوشیوں سے بھر گیا۔
مریضوں کی عیادت اور طبی سہولیات کا جائزہ
مریم نواز نے کیمپ میں قائم عارضی اسپتال میں زیر علاج متاثرین کی عیادت کی، ان سے خیریت دریافت کی اور طبی عملے کی خدمات کو سراہا۔ انہوں نے یقین دلایا کہ حکومت متاثرین کو اکیلا نہیں چھوڑے گی۔
ریلیف اقدامات پر تفصیلی بریفنگ
حکام کی جانب سے وزیراعلیٰ کو بریفنگ دی گئی کہ قصور کے 29 دیہات سیلاب سے متاثر ہوئے ہیں، 18,300 افراد کو محفوظ مقامات پر منتقل کیا گیا، 36,129 مویشی بچائے جا چکے ہیں، فلڈ ریلیف کیمپ میں اس وقت 60 خاندانوں کے 312 افراد رہائش پذیر ہیں۔
کیمپ میں کھانے، پینے، رہائش، تعلیم اور تفریح کے تمام انتظامات موجود ہیں۔ بچوں کی تعلیم کا سلسلہ جاری ہے جبکہ کھیل کود کے لیے الگ میدان بھی مختص ہے۔
مزید بتایا گیا کہ کیمپ میں موجود 3 ڈاکٹرز اور طبی عملہ مسلسل خدمات سرانجام دے رہا ہے، اور اب تک 170 افراد کو علاج کی سہولت فراہم کی جا چکی ہے۔
ذریعہ: Daily Mumtaz
پڑھیں:
لاڑکانہ ، زائرین کی بس الٹ گئی، 25 افراد زخمی، ٹراما سینٹرمنتقل
لاڑکانہ (نمائندہ اوصاف)علاقہ رستم کے قریب زائرین کی بس الٹنے سے خواتین اور بچوں سمیت ایک ہی خاندان کے 25 افراد زخمی ہوگئے۔روزنامہ ممتاز کی رپورٹ کے مطابقشکارپور کے علاقے رستم کے رہائشی ایک ہی خاندان کے 40 افراد سیہون شریف جا رہے تھے کہ بس لاڑکانہ کے قریب خیرپور جوسو کے مقام پر ڈرائیور سے بےقابو ہوکر الٹ گئی۔
حادثے میں خواتین اور بچوں سمیت ایک ہی خاندان کے 25 افراد زخمی ہوگئے، جنہیں ٹراما سینٹر لاڑکانہ منتقل کر دیا گیا۔
الیکشن کمیشن کی نگران حکومت کی مدت بڑھانے سے متعلق آئین میں ترمیم کی سفارش